Ҳаҷми қарзҳои соли 2024 додаи низоми бонкии Тоҷикистон 24,6 миллиард сомониро ташкил дод
ДУШАНБЕ, 14.02.2025 /АМИТ «Ховар»/. Бонки миллии Тоҷикистон аз афзоиши пешниҳоди қарзҳо дар мамлакат иттилоъ медиҳад. Раиси Бонки миллии Тоҷикистон Фирдавс Толибзода дар нишасти матбуотӣ ба доираи васеи хабарнигорони ватанию хориҷӣ иттилоъ дод, ки соли 2024 ҳаҷми қарзҳои додашуда 24,6 миллиард сомониро ташкил дод. Ин омор нисбат ба соли 2023 5,6 миллиард сомонӣ ё 29,3 фоиз зиёд мебошад.
Аз ҷумла, дар ин давра аз ҳаҷми умумии қарзҳои додашуда ба соҳаҳои истеъмолӣ 47,1 фоиз, савдои хориҷӣ 14,6 фоиз, кишоварзӣ 12,7 фоиз, саноат 12,4 фоиз, хизматрасонӣ 6,9 фоиз, сохтмон 3,9 фоиз ва дигар соҳаҳо 2,3 фоиз рост меояд.
Фирдавс Толибзода гуфт, ки аз ҳаҷми умумии қарзҳои додашуда 31,1 фоиз ба соҳибкории истеҳсолӣ рост омада, 7,6 миллиард сомониро ташкил дод. Инчунин дар давраи ҳисоботӣ ба маблағи 17,8 миллиард сомонӣ қарзҳои хурд дода шуданд, ки нисбат ба соли 2023 31,3 фоиз зиёд мебошад.
Бо дахли фоизи қарзҳо Раиси Бонки миллии Тоҷикистон иброз намуд, ки фоизи миёнавазни қарзҳо бо пули миллӣ 22,1 фоиз ва бо асъори хориҷӣ 11,7 фоизро ташкил дод, ки нисбат ба соли 2023 бо пули миллӣ 1,1 банди фоизӣ ва бо асъори хориҷӣ 0,1 банди фоизӣ паст шудааст.
Бақияи сандуқи қарзии маҷмуии ташкилоти қарзии молиявӣ дар интиҳои соли ҳисоботӣ 21,4 миллиард сомониро ташкил дод, ки нисбат ба охири соли 2023 3,5 миллиард сомонӣ ё 19,8 фоиз афзоиш ёфтааст.
Марзия САИДЗОДА,
АМИТ «Ховар»
АКС: АМИТ «Ховар»
Масъалаи ифтитоҳи парвозҳои нав байни шаҳрҳои Тоҷикистон ва Туркия баррасӣ шуд
Табодули молу маҳсулот байни Тоҷикистон ва Қирғизистон дар шаш моҳ 6 миллион долларро ташкил дод
ПАНҶСОЛАИ РУШДИ САНОАТ. Дар корхонаҳои нави саноатии Тоҷикистон дар ҳаҷми беш аз 95,3 миллион сомонӣ маҳсулот истеҳсол карда шудааст
Дар шаҳри Хоруғ ҷаласаи Шурои ҷамъиятӣ баргузор гардид
«Роҳи оҳани Тоҷикистон» ва «Nafith Logistics» ҳамкориро дар самти рақамикунонӣ тақвият медиҳанд
Тоҷикистон ба маблағи 28,3 миллион доллар маҳсулоти асосии саноати хӯрокворӣ содирот намудааст
Доир ба тадбирҳои иловагии вусъат додани ҳисоббаробаркунии ғайринақдӣ машварати корӣ баргузор гардид
Дар нимсолаи якуми соли 2025 гардиши савдои хориҷии Тоҷикистон зиёда аз 4,7 миллиард долларро ташкил дод
НИШАСТИ МАТБУОТӢ. Палатаи ҳисоб дар беш аз 14 ҳазор ҳолат вайронкунии қоидаҳои молиявиро ба маблағи 628,2 миллион сомонӣ муайян намуд
НИШАСТИ МАТБУОТӢ. Ба иқтисодиёти Тоҷикистон беш аз 3,3 миллиард доллар сармояи хориҷӣ ворид гардидааст
НИШАСТИ МАТБУОТӢ. Дар шашмоҳаи якуми соли 2025 бо иштироки Сарвари давлат 16 корхонаи нави саноатӣ ба истифода дода шуд
НИШАСТИ МАТБУОТӢ. Агентии омор дар ҳамкорӣ бо шарикони рушд дар Тоҷикистон таҳқиқоти қувваҳои корӣ гузаронид
