Бонки миллии Тоҷикистон: «Соли 2024 92,4 миллион амалиёти ғайринақдӣ ба маблағи 30,4 миллиард сомонӣ анҷом дода шуд»
ДУШАНБЕ, 15.02.2025 /АМИТ «Ховар»/. Бонки миллии Тоҷикистон аз афзоиши амалиёти ғайринақдӣ бо истифода аз воситаҳои электронии пардохтӣ дар мамлакат иттилоъ медиҳад. Раиси Бонки миллии Тоҷикистон Фирдавс Толибзода 12 феврал дар нишасти матбуотӣ ба хабарнигорон гуфт, ки соли 2024 бо истифодаи воситаҳои электронии пардохтӣ -кортҳои пардохтии бонкӣ ва ҳамёнҳои электронӣ 92,4 миллион амалиёти ғайринақдӣ ба маблағи 30,4 миллиард сомонӣ гузаронида шуд, ки ин нишондиҳанда нисбат ба соли 2023 аз рӯи шумора 61,7 фоиз ва аз рӯи ҳаҷми амалиёти гузаронида 95,3 фоиз зиёд мебошад.
Таносуби ҳаҷми амалиёти гирифтани пули нақд ва амалиёти ғайринақдӣ 73,8 фоиз ба 26,2 фоизро ташкил дода, нисбат ба соли 2023 ҳиссаи амалиёти пардохти ғайринақдӣ 6,6 банди фоизӣ зиёд гардид.
Фирдавс Толибзода ҳамзамон гуфт, ки соли 2024 барои анҷом додани пардохтҳои ғайринақдӣ аз ҷониби ташкилоти қарзии молиявӣ дар марказҳои хизматрасонии бонкӣ, нуқтаҳои савдо ва хизматрасонӣ 11 ҳазору 955 терминали электронӣ насб карда шуд. Аз онҳо 5 ҳазору 530 POS-терминал махсус барои қабули пардохтҳои ғайринақдии хизматрасонии давлатӣ истифода мешавад.
Инчунин дар муассисаҳои савдо ва хизматрасонӣ 19 ҳазору 918 QR–рамзи ягона насб гардид, ки 3 ҳазору 161 адади он махсус барои қабули пардохтҳои хизматрасонии муздноки давлатӣ пешбинӣ шудааст. То охири соли 2024 теъдоди умумии кортҳои пардохтии бонкӣ дар мамлакат 8,4 миллионро ташкил дод, ки нисбат ба соли 2023 25,7 фоиз зиёд мебошад. Теъдоди умумии ҳамёнҳои электронӣ ба 12,1 миллион баробар гардид, ки нисбат ба соли 2023 38,6 фоиз афзоиш ёфтааст.
Ҳамзамон раиси Бонки миллии Тоҷикистон иброз намуд, ки барои пур кардани суратҳисобҳои бонкӣ, кортҳои пардохтӣ ва ҳамёнҳои электронии муштариён аз ҷониби ташкилоти қарзии молиявӣ ва агентҳои бонкии пардохтии онҳо дар маҷмуъ зиёда аз 9,1 ҳазор терминали худкор дар кӯчаю хиёбонҳои шаҳру ноҳияҳои ҷумҳурӣ насб карда шуданд.
Ёдовар мешавем, ки 22 июни соли 2023 Фармони Президенти Ҷумҳурии Тоҷикистон «Дар бораи тадбирҳои вусъат додани ҳисоббаробаркуниҳои ғайринақдӣ» ба имзо расид. Тибқи он аз 1 августи соли 2023 пардохти андозҳо, боҷҳои давлатӣ, пардохтҳои дигари ҳатмӣ ба буҷет, ҷаримаҳо, маблағи суғуртаи ҳатмии давлатӣ, хизматрасониҳои тиббӣ, хизматрасониҳои коммуналӣ, намудҳои дигари хизматрасониҳои давлатӣ, инчунин қабули маблағҳо аз ҷониби вазорату идораҳо ва ташкилоти давлатӣ (хизматрасониҳои музднок) ба тариқи ғайринақдӣ амалӣ мешаванд.
Марзия САИДЗОДА,
АМИТ «Ховар»
АКС: АМИТ «Ховар»
«ITB Berlin 2026». Дар доираи намоишгоҳ ширкатҳои сайёҳии Тоҷикистон беш аз 20 шартномаи ҳамкорӣ ба имзо расониданд
ҚУРБИ АСЪОР: 1 рубли русӣ аз 0.1200 то 0.1212 сомонӣ муқаррар шудааст
Дар минтақаи ҷангалпарварии ноҳияи Рӯдакӣ зиёда аз 30 ҳазор бех ниҳол шинонида шуд
Дар водиҳои Тоҷикистон кишти картошка идома дорад
Дар шоҳроҳи Роғун — Нуробод зиёда аз 900 бех ниҳоли олуча ва дарахтони сояафкан шинонида шуд
«Стратегияи рушди саноат дар Ҷумҳурии Тоҷикистон барои давраи то соли 2030» мавриди амал қарор дорад
НИСОИ БУЛУНКӮЛ. Муаррифии фаъолияти зане, ки роҳбарии Истгоҳи ҳавосанҷииро дар ноҳияи Мурғоб бар уҳда дорад
КИШТИ БАҲОРӢ. Моҳи март дар Тоҷикистон кишти сабзавот оғоз мегардад
МОДАР — РАМЗИ МЕҲРУ МУҲАББАТ ВА ХУРРАМИИ ЗИНДАГӢ. Дар Бонки миллии Тоҷикистон Рӯзи Модар таҷлил гардид
Сарвазири Тоҷикистон Қоҳир Расулзода дар ноҳияи Ашт бо раванди бунёди неругоҳи барқи офтобӣ шинос шуд
Дар Душанбе оид ба дастгирии экосистемаи стартапҳо дар Тоҷикистон ҳамоиш баргузор гардид
Сарвазири мамлакат Қоҳир Расулзода бо раванди сохтмони корхонаи ғанигардонии маъдани оҳани ҶСП «Комбинати металлургии тоҷик» шинос шуд
