Дар Бангкок лоиҳаи қатъномаи Тоҷикистон оид ба тағийрёбии иқлим муаррифӣ гардид
ДУШАНБЕ, 21.02.2025 /АМИТ «Ховар»/. Дар шаҳри Бангкоки Шоҳигарии Тайиланд дар ҷаласаи якуми Гурӯҳи кории ғайрирасмӣ оид ба баррасии лоиҳаҳои қатънома, дар ҳамкорӣ бо Раёсати созмонҳои байналмилалии Вазорати корҳои хориҷии Ҷумҳурии Тоҷикистон ва Намояндагии доимии Тоҷикистон дар Созмони Милали Муттаҳид лоиҳаи қатъномаи Тоҷикистон зери унвони «Тақвияти ҳамкорӣ дар бахши тағийрёбии иқлим ва иртиботи обӣ барои рушди устувор дар Осиё ва Уқёнуси Ором» муаррифӣ гардид. Дар ин хусус АМИТ «Ховар» бо истинод ба Вазорати корҳои хориҷии Ҷумҳурии Тоҷикистон хабар медиҳад.
Намояндаи доимии Тоҷикистон дар назди Комиссияи иқтисодӣ ва иҷтимоӣ барои Осиё ва Уқёнуси Ором (UNESCAP) зимни муаррифии ташаббуси мамлакат доир ба нуфуз ва нақши Тоҷикистон ҳамчун давлати пешоҳанг ва таъсиргузор дар пешбурди рӯзномаи ҷаҳонии марбут ба обу иқлим оид ба аҳамияти лоиҳаи қатъномаи пешбаришаванда дар таҳкими робитаҳои кишварҳои аъзои UNESCAP ва расидан ба ҳадафи 6-уми Ҳадафҳои Рушди Устувори Созмони Милали Муттаҳид сухан гуфт.
Намояндаи Тоҷикистон аз кишварҳои аъзои ин ниҳод даъват намуд, ки дар раванди қабули ин қатънома мусоидат намоянд.
АКС: Вазорати корҳои хориҷии Ҷумҳурии Тоҷикистон
Густариши ҳамкории Тоҷикистону Бангладеш дар соҳаҳои гуногун баррасӣ шуд
Натиҷаҳои Конфронси чоруми оби Душанбе дар ҷаласаи ЭСКАТО муаррифӣ гардиданд
Дар Сафорати Тоҷикистон дар Швейтсария Рӯзи Ваҳдати миллӣ таҷлил карда шуд
Тоҷикистон ва Қатар бахшида ба Соли байналмилалии маърифати ҳуқуқӣ дар Женева чорабинӣ баргузор намуданд
Дар Вашингтон бо иштироки соҳибкорони Тоҷикистон ва ИМА мизи мудаввар баргузор шуд
Сафири Тоҷикистон ба Вазири корҳои хориҷии Давлати Кувайт нусхаи эътимоднома супорид
Ташаббусҳои ҷаҳонии Тоҷикистон дар соҳаи об ва иқлим дар Бангкок муаррифӣ шуданд
Дар Вашингтон дурнамои ҳамкории Тоҷикистон бо ИМА дар бахшҳои сиёсӣ ва илмӣ баррасӣ шуд
Густариши ҳамкории Тоҷикистон ва Амрико баррасӣ шуд
Байни Тоҷикистон ва Амрико машваратҳои сиёсӣ баргузор шуданд
Мафалда Дуарте: «Тоҷикистон дар пешбурди рӯзномаи ҷаҳонии иқлим мавқеи пешсаф дорад»
Ташаббуси навбатии ҷаҳонии Тоҷикистон дар чаҳорчӯби ИДМ муаррифӣ карда шуд
