Дар қисми низомӣ дар вилояти Суғд Рӯзи дарҳои кушод доир гардид
ДУШАНБЕ, 20.02.2025 /АМИТ «Ховар»/. Бо ибтикори Кумитаи иҷроияи Ҳизби Халқии Демократии Тоҷикистон дар шаҳри Хуҷанд бахшида ба 32-солагии таъсиси Қувваҳои Мусаллаҳи Ҷумҳурии Тоҷикистон дар яке аз қисмҳои низомӣ дар вилояти Суғд Рӯзи дарҳои кушод доир гардид.
Тавре ба АМИТ «Ховар» дар Кумитаи иҷроияи Ҳизби Халқии Демократии Тоҷикистон дар шаҳри Хуҷанд хабар доданд, меҳмонони ҳамоиш барои содиқона ва софдилона адо намудани хизмат дар сафи Қувваҳои Мусаллаҳ ба афсарону сарбозон изҳори миннатдорӣ намуданд.
Иброз гардид, ки маҳз бо шарофати талошу заҳматҳои Президенти Тоҷикистон, Сарфармондеҳи Олии Қувваҳои Мусаллаҳи мамлакат муҳтарам Эмомалӣ Раҳмон Артиши миллии ҷумҳурии соҳибистиқлоламон марҳила ба марҳила устувору нерумандтар мегардад. Ҳар боре сухан аз қудрату тавоноии миллат меравад, пеши назар симои ҷавонмардоне меояд, ки дар лаҳзаҳои сахту сангини миллат пушти сангарҳо нишаста, синаро сипари адолат, ҳақиқат ва фардои дурахшони миллат намуданд.
Таъкид гардид, ки имрӯз мо бо ифтихор иброз медорем, ки маҳз дар натиҷаи шуҷоату матонат ва далерию ҷоннисориҳои хизматчиёни ҳарбӣ – фарзандони бонангу номуси Ватан ҳокимияти конститутсионӣ барқарор гардид ва дар мамлакат барои сулҳу оромӣ, суботи сиёсӣ ва ваҳдати миллӣ заминаи устувор гузошта шуд. Ҳимояи амнияти давлат, оромиву суботи ҷомеа ва зиндагии осудаю заҳмати созандаи ҳар шаҳрванди мамлакат рисолати шаҳрвандӣ ва қарзи фарзандию ҷавонмардонаи ҳар низомӣ, аз ҷумла афсарону сарбозони шуҷои Ватан мебошад.
Дар доираи ҳамоиш барои ҳайати шахсии қисми низомӣ дастурхони идона ороста шуда, аз ҷониби занону модарон таомҳои миллӣ омода ва пешкаш гардиданд.
АКС: Кумитаи иҷроияи Ҳизби Халқии Демократии Тоҷикистон дар шаҳри Хуҷанд
Имрӯз дар шаҳри Душанбе ҳаво то 35 дараҷа гарм мешавад
Ваҳдати миллӣ асоси татбиқи ҳадафҳои стратегӣ дар солҳои соҳибистиқлолӣ мебошад
Созишномаи умумии истиқрори сулҳ ва ризоияти миллӣ дар Тоҷикистон яке аз муҳимтарин дастовардҳои байналмилалӣ-ҳуқуқии охири асри XX ба ҳисоб меравад
Номи «пиряхи Ванҷях» ба «пиряхи Тоҷикистон» иваз карда шуд
Имрӯз дар баъзе ноҳияҳои кӯҳии Тоҷикистон борони кӯтоҳмуддат меборад
Дар Бохтар таҳти унвони «Номи неки қаҳрамонон ҷовидон мемонад» конференсияи илмӣ-амалӣ баргузор шуд
САҲМИ МАН ДАР ШАҲРИ МАН. Дар панҷ моҳи соли равон дар пойтахт 37 маротиба аксияи «Тозагии соҳил» ва 34 маротиба аксияи «Тозагии маҳал» доир гардид
Дар Испания шумораи рекордии фавт аз гармӣ ба қайд гирифта шуд
Сокини ноҳияи Ҷайҳун: «Усули кишти зери плёнка дар баробари сифати маҳсулот ҳосилнокиро низ зиёд мекунад»
Имрӯз дар шаҳри Душанбе ҳаво то 32 дараҷа гарм мешавад
Кишоварзони Тоҷикобод дар беш аз 2100 гектар картошка кишт менамоянд
Имрӯз дар баъзе минтақаҳои Тоҷикистон борони кӯтоҳмуддат меборад
