Дар Ню-Йорк нахустин вохӯрии Гурӯҳи дӯстони об дар соли 2025 баргузор гардид
ДУШАНБЕ, 07.02.2025 /АМИТ «Ховар»/. 5 феврал таҳти ҳамраисии Намояндагии доимии Тоҷикистон ва Намояндагии доимии Сингапур дар Созмони Милали Муттаҳид нахустин вохӯрии Гурӯҳи дӯстони об дар соли 2025 бо иштироки Намояндаи махсуси Дабири кулли Созмони Милали Муттаҳид оид ба об Ретно Марсуди баргузор шуд. Дар ин хусус АМИТ «Ховар» бо истинод ба Намояндагии доимии Тоҷикистон дар Созмони Милали Муттаҳид хабар медиҳад.
Намояндаи доимии Тоҷикистон дар Созмони Милали Муттаҳид Ҷонибек Ҳикмат омодагии устувори Тоҷикистонро барои мусоидат дар пешбурди рӯзномаи ҷаҳонии об иброз намуд.
Дар ин замина Намояндаи доимии Тоҷикистон татбиқи натиҷаҳои Конфронси оби СММ-2023, бахусус истифодаи платформаи Раванди оби Душанберо ҳамчун абзори муҳими пешбурди ҳамкории байналмилалӣ дар соҳаи об муҳим арзёбӣ карда, ба пайванди амиқи байни конфронсҳои оби Созмони Милали Муттаҳид дар солҳои 2026 ва 2028 таъкид намуд.
Намояндаи махсуси Дабири кулли Созмони Милали Муттаҳид оид ба об доир ба раванди рӯзномаи ҷаҳонии об, муовини Раиси ниҳоди СММ-Об дар бораи татбиқи натиҷаҳои Конфронси оби СММ-2023, бахусус Стратегияи фарогири Созмони Милали Муттаҳид оид ба об ва беҳдошт, инчунин муовини Намояндаи доимии Сенегал дар Созмони Милали Муттаҳид оид ба омодагӣ ба Конфронси оби СММ-2026 маълумоти муфассал пешниҳод намуданд.
Дар фарҷоми чорабинӣ иштирокчиёни нишаст оид ба пайгирии раванди татбиқи Рӯзномаи амали об, ҷузъиёти баргузории Конфронси оби Созмони Милали Муттаҳид дар соли 2026, аҳаммияти тақвияти ҳамкорӣ бо Намояндаи вежаи Дабири кулли Созмони Милали Муттаҳид оид ба об ва татбиқи Стратегияи фарогири Созмони Милали Муттаҳид оид ба об ва беҳдошт табодули афкор намуда, баргузории чорабиниҳои марбутаро дар доираи Гурӯҳ ҷонибдорӣ карданд.
АКС: Намояндагии доимии Тоҷикистон дар Созмони Милали Муттаҳид
Сафири Тоҷикистон ба намояндагони расонаҳои Покистон оид ба ташаббусҳои байналмилалии мамлакат маълумот дод
Раиси Ҷумҳурии Мардумии Чин Си Ҷинпин: «Таҳти роҳбарии Эмомалӣ Раҳмон Тоҷикистон дар бунёди давлатдорӣ ба дастовардҳои назаррас ноил гардид»
Сафири Тоҷикистон бо вазири Девони амирии Давлати Кувайт шайх Ҳамад Ҷобир Ал-Алӣ Ас-Сабоҳ мулоқот намуд
Масоили муҳими ҳамкории дуҷонибаи Тоҷикистон ва Қатар дар соҳаҳои ҳифзи муҳити зист баррасӣ гардид
Дар Риёз масоили ҳамкории байнипарлумонии Тоҷикистону Арабистони Саудӣ баррасӣ гардид
Сироҷиддин Муҳриддин ва Лю Бин маҷмуи васеи масоили равобити дуҷонибаи Тоҷикистон ва Чинро баррасӣ карданд
Сафири Тоҷикистон бо сармуҳаррири рӯзномаи «Ар-Раъй»-и Давлати Кувайт вохӯрӣ намуд
Рушди ҳамкории Тоҷикистон бо Лаҳистон баррасӣ шуд
Сафири Тоҷикистон бо муовини вазири корҳои хориҷии Арабистони Саудӣ мулоқот намуд
Сарвазири Тоҷикистон Қоҳир Расулзода бо Мудири кулли Созмони озуқаворӣ ва кишоварзии СММ Тсюй Дунъюй мулоқот намуд
ТОҶИКИСТОН — ДАВЛАТИ ТАШАББУСКОР. Иқдомҳои Президенти Тоҷикистон ба пешгирии тағйирёбии иқлим ва обшавии босуръати пиряхҳои минтақаю ҷаҳон нигаронида шудаанд
РАВАНДИ ОБИ ДУШАНБЕ. Намоишгоҳи байналмилалии «Устувории об барои ҳалли масъалаҳои иқлимӣ» ташкил карда мешавад
