Иштироки ҳайати Тоҷикистон дар Симпозиуми байналмилалии авиатсияи гражданӣ дар Амороти Муттаҳидаи Араб
ДУШАНБЕ, 13.02.2025 /АМИТ «Ховар»/. Директори Агентии авиатсияи граждании назди Ҳукумати Ҷумҳурии Тоҷикистон Ҳабибулло Назарзода дар Симпозиуми байналмилалии авиатсияи гражданӣ /Global Implementation Support Symposium/, ки дар шаҳри Абузабии Амороти Муттаҳидаи Араб баргузор гардид, иштирок ва суханронӣ намуд, иттилоъ медиҳад АМИТ «Ховар» бо истинод ба Агентии авиатсияи граждании назди Ҳукумати Ҷумҳурии Тоҷикистон.
Дар Симпозиуми байналмилалии авиатсияи гражданӣ Котиби генералии Ташкилоти байналмилалии авиатсияи гражданӣ (ИКАО) – Хуан Карлос Саласар, Директори минтақавии Аврупо ва Атлантикаи Шимолии Ташкилоти байналмилалии авиатсияи гражданӣ (ИКАО) Николас Ралло, Директори генералии Маъмурияти авиатсияи граждании Амороти Муттаҳидаи Араб Сайф Муҳаммад Алсувайдӣ ва инчунин роҳбарони мақомоти авиатсияи граждании беш аз 35 давлати ҷаҳон иштирок намуданд.
Дар Симпозиуми байналмилалии авиатсияи гражданӣ Директори Агентии авиатсияи граждании назди Ҳукумати Ҷумҳурии Тоҷикистон Ҳабибулло Назарзода доир ба бехатарии парвозҳо ва бехатарии авиатсионӣ, инчунин васеъ намудани ҳамкорӣ бо Ташкилоти байналмилалии авиатсияи гражданӣ (ИКАО) ва кишварҳои хориҷӣ сухан намуд.
АКС: Агентии авиатсияи граждании назди Ҳукумати Ҷумҳурии Тоҷикистон
Имрӯз дар ноҳияҳои алоҳидаи Тоҷикистон борон меборад
КОНСТИТУТСИЯ — РАҲНАМОИ ДАВЛАТДОРИИ МИЛЛӢ. Дар ноҳияи Ёвон ҳамоиши тантанавӣ баргузор шуд
Конститутсия кафолати адолати иҷтимоӣ, сулҳу ваҳдат ва рушди устувор аст
Бахшида ба Рӯзи Конститутсия дар Вазорати рушди иқтисод ва савдо ҳамоиши тантанавӣ доир шуд
Дар ноҳияи Рӯдакӣ бахшида ба Рӯзи Конститутсия конференсияи илмӣ-назариявӣ доир шуд
Рӯзи Конститутсияи Тоҷикистон дар Вазорати энергетика ва захираҳои об бошукуҳ таҷлил гардид
Бахшида ба 32-солагии қабули Конститутсия дар Кумитаи давлатии идораи замин ва геодезӣ ҷамъомади тантанавӣ доир шуд
Дар мавзуи «Конститутсияи Тоҷикистон дар масири таҳкими давлатдории миллӣ ва сиёсати созанда» ҳамоиши илмӣ доир шуд
Дар Вазорати адлия бахшида ба Рӯзи Конститутсияи Тоҷикистон ҳамоиш доир гардид
КОНСТИТУТСИЯ ВА ТАҚДИРИ МИЛЛАТ. Аз андешаи давлатдорӣ то фарҳанги созандаи ҷомеа
