«МАКТАБИ МОДАРОН». Дар Ёвон бо мақсади ба ҳаёти мустақилона омода намудани духтарон ҳамоиши тарғиботӣ доир шуд
ДУШАНБЕ, 01.02.2025 /АМИТ «Ховар»/. Бо мақсади ба ҳаёти мустақилона омода намудани духтарон, арҷгузорӣ ба анъанаҳои неки ниёгон, бардошт аз мактаби рӯзгордории модарон, аз насл ба насл густариш додани фарҳанги миллӣ ва пешгирии пошхӯрии оилаҳои ҷавон дар ноҳияи Ёвон таҳти унвони «Мактаби модарон» ҳамоиши тарғиботӣ баргузор гардид. Дар ин хусус ба АМИТ «Ховар» аз Мақомоти иҷроияи ҳокимияти давлатии ноҳияи Ёвон хабар доданд.
Дар ҳамоиш ҳунарҳои мардумӣ ва таомҳои миллӣ, ки аз ҷониби ҷавондухтарони ҷамоатҳо, шаҳраку деҳот ва муассисаҳои таълимии ноҳия омода гардида буд, ба намоиш гузошта шуд.
Дар ҳамоиш иброз гардид, ки ҷавондухтарон бо бардошт аз таҷрибаи ин мактаби бузург андешаю ҳунари худро такмил дода, ба зиндагӣ бо диду назари нек муносибат менамоянд. Ин мактаб фарзандонро ба роҳи росту ояндасоз раҳнамоӣ менамояд.
Таъкид шуд, ки ҷавондухтарон аз мактаби модарон ҳунари омода кардани таомҳои миллӣ, аз мактаби фарҳангии худогоҳии модарон ба бар кардани либосҳои тоҷикӣ, аз мактаби илму дониши модарон дарси одобу ахлоқи ҳамидаю илму дониш ва аз мактаби тарбияи модарон хулқу атвори ҳамидаи инсонӣ омӯхта, ин рисолати ибратомӯзро дар байни ҳамсолонашон идома медиҳанд.
Ёдовар мешавем, ки имрӯзҳо ҳамоиши тарғиботии «Мактаби модарон» дар шаҳру ноҳияҳои вилояти Хатлон идома дорад.
АКС: Мақомоти иҷроияи ҳокимияти давлатии ноҳияи Ёвон
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд
Мардуми ноҳияи Рашт дар симои Пешвои миллат наҷотбахши миллату давлат, кафили сулҳу ваҳдат ва эҳёгари фарҳанги миллиро мебинанд
Таҳти унвони «Нақши Пешвои миллат дар ташаккул ва рушди фарҳанги миллӣ» конференсияи ҷумҳуриявӣ доир шуд
Бахшида ба Рӯзи Президенти Тоҷикистон дар Коллеҷи омори шаҳри Ваҳдат конференсияи ҷумҳуриявӣ доир гардид
«ПРЕЗИДЕНТ — КАФИЛИ ДАВЛАТИ ҲУҚУҚБУНЁДУ ДЕМОКРАТӢ». Дар ин мавзуъ конференсияи ҷумҳуриявӣ доир шуд
Имрӯз дар Тоҷикистон туман мефарояд
Ба ифтихори Рӯзи Президент дар деҳоти ноҳияи Ёвон чорабиниҳои сиёсию маърифатӣ баргузор мегардад
АБАРМАРДЕ, КИ ДАВЛАТРО БИНО КАРД. Ба ифтихори Рӯзи Президенти Ҷумҳурии Тоҷикистон
Имрӯз дар водиҳои Тоҷикистон борон меборад
Байни Тоҷикистон ва Агентии ҳамкории байналмилалии Ҷопон Созишномаи грантӣ ба имзо расид
