НИШАСТИ МАТБУОТӢ. «Амонатбонк» бо мақсади дастгирии иҷтимоии аҳолӣ қарзҳои имтиёзнок — «Кишоварз», «Автоқарз», «Занҳои муваффақ» ва «Қарзҳои ипотекӣ»-ро пешниҳод кард
ДУШАНБЕ, 07.02.2025 /АМИТ «Ховар»/. Бо мақсади саҳмгузорӣ дар таъмини амнияти озуқаворӣ ва татбиқи дигар барномаҳои давлатӣ дар самти дастгирии иҷтимоии аҳолӣ бонк иқдоми қарзҳои имтиёзнокро таҳти унвони «Баҳор-2024», «Кишоварз», «Автоқарз», «Занҳои муваффақ», «Орзуҳои солинавӣ-2025», инчунин «Қарзҳои ипотекӣ» пешниҳод намудааст. Дар ин хусус имрӯз Раиси Раёсати Корхонаи воҳиди давлатии «Бонки амонатгузории Ҷумҳурии Тоҷикистон «Амонатбонк» Алиҷон Салимзода дар нишасти матбуотӣ зимни натиҷагирӣ аз фаъолияти бонк дар соли 2024 ба доираи васеи хабарнигорони ватанию хориҷӣ иттилоъ дод.
Ҳамзамон таъкид гардид, ки «Амонатбонк» соли 2024 аз ҳисоби захираҳои дохилию хориҷӣ ба зиёда аз 69 ҳазор муштарӣ 2,5 миллиард сомонӣ маблағҳои қарзӣ пешниҳод намуд, ки нисбат ба соли 2023 ҳаҷми қарздиҳӣ 36 фоиз ва шумораи қарзгирон 31,3 фоиз зиёд гардидааст.
Аз ҷумла, соли 2024 «Амонатбонк» ба соҳаҳои саноат 10,7 фоиз, кишоварзӣ 16,2 фоиз, истеъмолӣ 46,9 фоиз, сохтмон 10,3 фоиз, тиҷорат 15,1 фоиз, нақлиёт 0,2 фоиз ва хизматрасонӣ 0,6 фоиз қарз пешниҳод намуд. Сандуқи қарзии «Амонатбонк» 3,1 миллиард сомонӣ ва шумораи қарзгирон аз рӯи бақия зиёда аз 75 ҳазор нафарро ташкил медиҳад, ки нисбат ба соли 2023 ҳаҷми сандуқи қарзӣ 42,5 фоиз ва шумораи қарзгирон аз рӯи бақия 22 фоиз афзудааст.
Инчунин раиси «Амонатбонк» изҳор намуд, ки «Амонатбонк» сиёсати қарздиҳии худро таҷдид намуд. Бонк барои соҳаҳои афзалиятнок имтиёзҳо фароҳам оварда, меъёри фоизи қарзҳоро бо пули миллӣ аз 2 то 4 банди фоизӣ паст намуд.
Гуфта шуд, ки дар марҳилаи кунунӣ пешниҳоди қарзҳои «Амонатбонк» ба мизоҷон дар доираи аз 10 то 24 фоизи солона бо пули миллӣ ва аз 7 то 12 фоизи солона бо асъори хориҷӣ муайян карда шудааст ва муҳлати истифодаи қарзҳо 5 сол муқаррар гардидааст.
Сандуқи қарзии «Амонатбонк» ҳоло 3,1 миллиард сомонӣ ва шумораи қарзгирон аз рӯи бақия зиёда аз 75 ҳазор нафарро ташкил медиҳад, ки нисбат ба соли 2023 ҳаҷми сандуқи қарзӣ 42,5 фоиз ва шумораи қарзгирон аз рӯи бақия 22 фоиз афзудааст.
Марзия САИДЗОДА,
АМИТ «Ховар»
АКС: «АМИТ «Ховар»
Асад Маҷид Хон: «Саҳми Тоҷикистон дар тақвият бахшидани фаъолияти Созмони ҳамкории иқтисодӣ назаррас мебошад»
Дар Ню-Йорк амалишавии Соли байналмилалии ҳифзи пиряхҳоро баррасӣ намуданд
Дар Душанбе бахшида ба Рӯзи байналмилалии ҳифзи пиряхҳо ҳамоиши сатҳи баланд баргузор шуд
Тоҷикистон ва Чили дар СММ чорабинии сатҳи баланд оид ба «Ҳадафҳо барои обшавии ях: криосфераи дақиқ» баргузор намуданд
Рақамикунонии соҳаи нақлиёт яке аз ҷузъҳои меҳварии иқтисоди рақамӣ дар Тоҷикистон аст
Тоҷикистону Бразилия тақвияти ҳамкории соҳаи экология ва ҳифзи муҳити зистро баррасӣ намуданд
Дар Душанбе Форуми байналмилалии заргарӣ ва Намоишгоҳи Тоҷикистон ифтитоҳ гардид
Кормандони Вазорати энергетика ва захираҳои оби Тоҷикистон Наврӯзро ботантана истиқбол намуданд
Имсол дар Тоҷикистон дар беш аз 39 ҳазор гектар картошка кишт карда мешавад
Наврӯзи байналмилалӣ дар Вазорати рушди иқтисод ва савдо таҷлил гардид
Ҷашни Наврӯз дар Вазорати саноат ва технологияҳои нав бо намоиши дастовардҳои истеҳсолӣ, ихтироот ва инноватсия таҷлил шуд
Дар Чин имкониятҳои сайёҳии Тоҷикистон муаррифӣ мешаванд
