НИШАСТИ МАТБУОТӢ. Дар Донишгоҳи давлатии тиббии Хатлон ду бинои таълимӣ ва хобгоҳи донишҷӯён ба истифода дода мешавад
ДАНҒАРА, 07.02.2025 /АМИТ «Ховар»/. Дар Донишгоҳи давлатии тиббии Хатлон сохтмони ду бинои таълимӣ ва як бинои хобгоҳ барои донишҷӯён идома дошта, тибқи нақша дар соли таҳсили 2025-2026 ба истифода дода мешаванд. Дар ин хусус 5 феврал зимни нишасти матбуотӣ ректори Донишгоҳи давлатии тиббии Хатлон Убайдулло Қурбон ба намояндагони Воситаҳои ахбори омма хабар дод.
Дар нишасти матбуотӣ иттилоъ дода шуд, ки соли 2024 дар кафедраҳои Донишгоҳи давлатии тиббии Хатлон шумораи озмоишгоҳҳои таълимӣ, ташхисӣ ва озмоишӣ аз 9 ба 24 адад расонида шуд, ки донишҷӯён дар ин озмоишгоҳҳо дониши тиббиашонро васеъ менамоянд. Ҳамчунин дар донишгоҳ 540 номгӯй таҷҳизоти муосири техникӣ бо теъдоди 1671 адад дар раванди таълиму тарбия ва корҳои илмии донишҷӯёну омӯзгорон истифода бурда мешаванд.
Дар асоси стандартҳои давлатӣ, донишгоҳ аз рӯйи ихтисосҳои «кори табобатӣ», «педиатрӣ», «тиббӣ-профилактикӣ», «фармасевтӣ» ва «стоматологӣ» мутахассисонро омода менамояд.
Барои ба бозори меҳнат ҷавобгӯ тайёр намудани мутахассисон ва бо мақсади дар сатҳи зарурӣ гузаронидани таҷрибаомӯзии таълимӣ, истеҳсолӣ ва пешаздипломии донишҷӯён Донишгоҳи давлатии тиббии Хатлон бо Беморхонаи марказии ноҳияи Данғара, Беморхонаи ҷумҳуриявии клиникии ноҳияи Данғара, Беморхонаи вилоятии бемориҳои сироятӣ, Маркази санитарию эпидемиологии ноҳияи Данғара ва Маркази тибби бисёрсоҳавии ноҳия шартномаи ҳамкорӣ дорад. Ба ин восита донишҷӯён дар ин муассисаҳо дониши тиббию табобатии муосирро азхуд мекунанд.
Субҳониддини Маҳмуд,
АМИТ «Ховар»
АКС: АМИТ «Ховар»
Дар Тоҷикистон барои хонандагони синфи якум давраи мутобиқшавӣ гузаронида мешавад
НИШАСТИ МАТБУОТӢ. 83 нафар Донишгоҳи давлатии молия ва иқтисоди Тоҷикистонро бо дипломи аъло хатм намуданд
Дар Тоҷикистон беш аз 187 муассисаи шакли нав фаъолият мекунад
Олимпиадаи даставӣ барои дарёфти «Ҷоми Сарраёсати маорифи шаҳри Душанбе» доир мегардад
Донишгоҳи байналмилалии сайёҳӣ ва соҳибкории Тоҷикистон ҳамкориро бо Донишгоҳи омӯзгории марказии Чин тақвият медиҳад
Барои омӯзгорону донишҷӯёни Донишгоҳи давлатии Кӯлоб хобгоҳи 10-ошёна сохта мешавад
Беш аз 6000 шаҳрвандони Тоҷикистон дар муассисаҳои таҳсилоти олии Чин таҳсил менамоянд
Вазири мудофиаи Тоҷикистон бо фаъолияти кафедраи ҳарбии Донишгоҳи байналмилалии сайёҳӣ ва соҳибкории Тоҷикистон шинос гардид
Дар Тоҷикистон сохтмони беш аз 300 иншооти маориф ба нақша гирифта шудааст
Аз ҷониби Донишгоҳи техникӣ 74 номгӯй дастуру воситаҳои таълимӣ ва 7 китоби дарсӣ ба нашр расонида шуд
НИШАСТИ МАТБУОТӢ. Донишгоҳи технологии Тоҷикистон бо 16 муассисаи олии касбӣ, созмон ва ширкатҳои байналмилалӣ созишномаи ҳамкорӣ ба имзо расонид
Донишгоҳи технологии Тоҷикистон аз рӯйи 54 ихтисос донишҷӯ қабул менамояд
