НИШАСТИ МАТБУОТӢ. Дар Донишгоҳи давлатии ҳуқуқ, бизнес ва сиёсати Тоҷикистон шумораи гурӯҳҳои русию англисӣ 20 адад зиёд шуд
ДУШАНБЕ, 04.02.2025 /АМИТ «Ховар»/. Дар Донишгоҳи давлатии ҳуқуқ, бизнес ва сиёсати Тоҷикистон барои такмили таълим ва омӯзиши забонҳои русию англисӣ соли равон дар 58 гурӯҳи академӣ машғулият бо забони русӣ, дар 11 гурӯҳ бо забони англисӣ ва дар 4 гурӯҳ бо забони чинӣ гузаронида шуд. Ин тадбир ба тайёр намудани мутахассисони баландихтисоси бозори меҳнати ватанию ҷаҳонӣ мусоидат менамояд. Дар маҷмуъ, шумораи гурӯҳҳои русию англисӣ назар ба соли 2023 20 адад зиёд карда шуд.
Ин нукта имрӯз, 4 феврал зимни нишасти матбуотӣ дар Донишгоҳи давлатии ҳуқуқ, бизнес ва сиёсати Тоҷикистон бо иштироки намояндагони воситаҳои ахбори омма баён гардид. Тавре ба АМИТ «Ховар» аз ин донишгоҳ иттилоъ доданд, нишасти матбуотӣ аз шиносоӣ бо дастовардҳои ҷомеаи меҳнатии донишгоҳ дар давраи ҳисоботӣ оғоз шуд.
Ректори донишгоҳ, доктори илмҳои иқтисодӣ Ҳомид Ҳошимзода иброз намуд, ки «дар шаш факултети донишгоҳ дар зинаҳои бакалавр аз рӯи 49 ихтисос, дар зинаи магистратура аз рӯи 12 ихтисос ва дар зинаи докторантура (PhD) аз рӯи 9 ихтисос мутахассисон омода карда мешаванд. Таҳким бахшидани заминаҳои моддию техникии раванди таълим ба татбиқи ихтисосҳои наву замонавӣ мусоидат намуда, дар соли таҳсили 2024-2025 вобаста ба талаботи бозори меҳнат 13 ихтисоси нав, асосан дар самти омӯзгорӣ ва техникӣ таъсис ёфтанд. Қабули донишҷӯён аз рӯйи ин ихтисосҳо дар соли нави таҳсил амалӣ мешавад».
Илова гардид, ки дар соли таҳсили 2024-2025 нақшаи қабули довталабон пурра иҷро гардида, донишгоҳ байни муассисаҳои таҳсилоти олии Тоҷикистон вобаста ба иҷрои сифатнок ва саривақтии нақшаи қабул дар ҷойи дуюм қарор гирифт.
АКС: Донишгоҳи давлатии ҳуқуқ, бизнес ва сиёсати Тоҷикистон
«ФУРӮҒИ СУБҲИ ДОНОӢ КИТОБ АСТ». Бо иштироки 562 довталаб даври ниҳоии озмун ифтитоҳ ёфт
Имрӯз даври ниҳоии Озмуни ҷумҳуриявии «Фурӯғи субҳи доноӣ китоб аст» оғоз мегардад
Ҷаласаи ситоди даври чоруми Озмуни ҷумҳуриявии «Фурӯғи субҳи доноӣ китоб аст» баргузор гардид
Ғолибони Олимпиадаи байналмилалии химияро дар Фурудгоҳи байналмилалии Душанбе истиқбол гирифтанд
Дар Душанбе ҷаласаи Шурои ҳамкорӣ дар соҳаи маорифи давлатҳои аъзои ИДМ доир шуд
Форуми байналмилалии «Ташаббусҳои Пешвои миллат ва уфуқҳои нави рушд» баргузор гардид
Хонандагони тоҷик дар олимпиадаи байналмилалӣ сазовори се ҷойи сеюм гардиданд
Бахшида ба Рӯзи Президенти Ҷумҳурии Тоҷикистон ҳамоиши илмӣ-амалӣ баргузор шуд
ИСТИҚЛОЛИ ДАВЛАТИИ ТОҶИКИСТОН-ЗАМИНАИ ҲИФЗУ ГУСТАРИШИ АРЗИШҲОИ МИЛЛӢ. Дар ҳошияи фармони Президенти Тоҷикистон «Дар бораи ҷашн гирифтани 40-солагии Истиқлоли давлатии Ҷумҳурии Тоҷикистон»
Дар назди чор муассисаи таълимии шаҳри Ҳисор биноҳои иловагӣ сохта мешаванд
ЯК РӮЗ ДАР БОҒЧА. Мураббӣ тарбиятгирандагонро бояд бо чеҳраи кушоду табассум ва суханони меҳрубонона истиқбол намояд
Дар Лондон омодагӣ ба аккредитатсияи байналмилалии муассисавию барномавӣ (International Quality Review — IQR) баррасӣ шуд
