НИШАСТИ МАТБУОТӢ. Дар ноҳияи Сино 7 коргоҳу корхонаи саноатӣ бунёд мешавад
ДУШАНБЕ, 07.02.2025. /АМИТ «Ховар»/. Бо мақсади сазовор ҷашн гирифтани 35-солагии Истиқлолияти давлатӣ аз ҷониби Мақомоти иҷроияи ҳокимияти давлатии ноҳияи Синои шаҳри Душанбе нақшаи чорабиниҳо оид ба корҳои ободонию бунёдкорӣ таҳия ва тасдиқ гардид. Тибқи он бунёди 7 коргоҳу корхонаи саноатӣ бо 165 ҷойи кор ба нақша гирифта шудааст. Дар ин хусус имрӯз зимни нишасти матбуотӣ иҷрокунандаи вазифаи Раиси ноҳияи Сино Умед Гуреззода ба хабарнигорон иттилоъ дод.
«Ҳамзамон дар доираи ин ҷашн сохтмон ва навсозии 3,8 км роҳҳо, бунёди 2 сардхона ва гармхона, сохтмони 30 бинои баландошёна, рангу бори 93 биною иншоот ва сохтмон ва навсозии 29 партовгоҳ ба нақша гирифта шудааст», — гуфт Умед Гуреззода.
Иттилоъ дода шуд, ки дар умум 105 муассисаи таҳсилоти томактабӣ ва миёнаи умумӣ барои бунёд, навсозӣ ва таъмири ҷорӣ ба нақша гирифта шудааст, ки аз ин шумора 11 ададро бунёди биноҳои нави муассисаҳои таълимии хусусӣ ташкил медиҳад.
«Ҳоло дар ноҳия бунёди 5 муассисаи таълимии миёнаи умумӣ барои беш аз 6380 ҷойи нишаст дар ду баст ва 14 муассисаи томактабӣ барои 2240 тарбиятгиранда идома дорад. Дар нақша дорем, ки соли 2025 бархе аз онҳоро ба истифода диҳем», -афзуд Умед Гуреззода.
Зарангези ЛАТИФ,
АМИТ «Ховар»
АКС: АМИТ «Ховар»
Ҳамкории Тоҷикистон бо Британияи Кабир дар соҳаи саноат баррасӣ гардид
Ба ифтихори дохил гардидани Резервати биосферии Ромит ба Шабакаи ҷаҳонии мамнуъгоҳҳои биосферии ЮНЕСКО конфронс доир шуд
Дар ноҳияи Бобоҷон Ғафуров бунгоҳи тиббӣ, муассисаи таълимӣ ва маркази ташхисӣ ба истифода дода шуданд
Дар ноҳияи Спитамен иншооти таъйиноти гуногун мавриди истифода қарор дода шуданд
Дар Намоишгоҳи байналмилалии сайёҳии Душанбе – 2026 зиёда аз 115 ширкату ташкилот иштирок доранд
«ФУТБОЛ — ОМИЛИ ВАҲДАТ ВА ҲАМДИЛИИ ҶАВОНОН». Байни устодону кормандони Донишгоҳи миллии Тоҷикистон мусобиқаи футболи хурд доир гардид
Дар солҳои соҳибистиқлолӣ дар шаҳру ноҳияҳои Суғд 986 муассисаи таълимӣ ба истифода дода шуд
Намоишгоҳи байналмилалии сайёҳии Душанбе-2026 оғоз гардид
ҲАМГИРОИИ ШАҲРҲО ДАР ТАТБИҚИ ИМКОНОТИ САЙЁҲИИ УСТУВОР. Дар Душанбе форуми байналмилалӣ доир гардид
Дар вилояти Суғд лоиҳаҳои бузург дар соҳаи роҳу нақлиёт амалӣ гардиданд
Бо саҳми соҳибкорон ва шахсони саховатпеша дар Суғд 5 ҳазору 500 километр роҳҳои маҳаллӣ таъмиру навсозӣ карда шуданд
Китоби академик Фарҳод Раҳимӣ «Тамаддуни ориёӣ ва рисолати таърихии миллати тоҷик» нашр шуд
