НИШАСТИ МАТБУОТӢ. Давраи бақайдгирии довталабон барои иштирок дар имтиҳонҳои марказонидаи дохилшавӣ кай оғоз мешавад?
ДУШАНБЕ, 04.02.2025. /АМИТ «Ховар»/. Имсол даври якум (асосӣ)-и бақайдгирии довталабон барои иштирок дар имтиҳонҳои марказонидаи дохилшавӣ ба муассисаҳои таълимии таҳсилоти миёна ва олии касбӣ (ИМД) аз 1 март оғоз гардида, то 30 апрел идома меёбад. Дар ин хусус директори Маркази миллии тестии назди Президенти Ҷумҳурии Тоҷикистон Сабзалӣ Ҷаъфарзода имрӯз зимни нишасти матбуотӣ иттилоъ дод.
Сабзалӣ Ҷаъфарзода иброз дошт, ки тибқи тартиби наве, ки аз ҷониби Ҳукумати мамлакат тасдиқ гардидааст, имсол якчанд даври бақайдгирии довталабон гузаронида мешавад. Баъд аз бақайдгирии довталабон дар даври асосӣ даврҳои иловагии он моҳи июн, моҳи сентябр ва аз 29 октябр то 7 декабр гузаронида мешаванд.
Барои даври якум (асосӣ)-и бақайдгирии довталабон бобати иштирок дар имтиҳонҳои марказонидаи дохилшавӣ соли 2024 дар 59 шаҳру ноҳияи мамлакат нуқтаҳои доимии бақайдгирӣ ва сайёри бақайдгирӣ ташкил шуданд. Инчунин арзиши хизматрасонӣ дар ИМД-2024 дар мувофиқа бо Хадамоти зиддиинҳисории назди Ҳукумати Ҷумҳурии Тоҷикистон бо назардошти марҳилаҳои (асосӣ ва иловагӣ)-и бақайдгирӣ ва азнавбақайдгирии довталабон барои шахсони дорои таҳсилоти миёнаи умумӣ, ибтидоӣ ё миёнаи касбӣ 330 сомонӣ ва барои шахсони дорои таҳсилоти умумии асосӣ (хатмкунанда ё хатмкардаи синфи 9-ум) 230 сомонӣ муқаррар гардид.
Директори Маркази миллии тестии назди Президенти Ҷумҳурии Тоҷикистон афзуд, ки соли 2024 теъдоди умумии довталабони дорои таҳсилоти миёнаи умумӣ, ибтидоӣ ва миёнаи касбие, ки дар ҳама даврҳои бақайдгирӣ барои иштирок дар имтиҳонҳои марказонидаи дохилшавӣ номнавис шудаанд, 89 ҳазору 124 нафарро ташкил медиҳад. Аз ин шумора 8904 нафар, яъне 11,1 фоиз нисбат ба ҳамин нишондиҳандаи соли 2023 зиёд мебошад. Инчунин теъдоди умумии довталабони дорои таҳсилоти умумии асосӣ, яъне дар заминаи синфи 9, ки дар чор даври бақайдгирӣ барои иштирок дар имтиҳонҳои марказонидаи дохилшавии соли 2024 номнавис шудаанд, 21 ҳазору 944 нафарро ташкил медиҳад, ки ин нишондиҳанда нисбат ба соли 2023 5 385 нафар 32,5 фоиз зиёд аст.
Фирӯза ДАВЛАТЗОДА,
АМИТ «Ховар»
АКС: АМИТ «Ховар»
«ТАВОНО БУВАД, ҲАР КӢ ДОНО БУВАД». Таҳти ин унвон олимпиадаи ҷумҳуриявӣ байни донишҷӯёни муассисаҳои таҳсилоти олии касбӣ оғоз шуд
ТАЪТИЛИ ТОБИСТОНА. Барои босамар ва шавқовар гузаштани он хонандагон ба чӣ кор бояд машғул шаванд?
Масоили густариши ҳамкории таълимӣ ва гуманитарии Тоҷикистону Русия баррасӣ шуд
Донишҷӯёни Донишкадаи политехникии шаҳри Хуҷанд дар озмуни «Беҳтарин донандаи Кодекси андоз» соҳиби ҷойҳои намоён шуданд
Дар Донишгоҳи давлатии ҳуқуқ, бизнес ва сиёсати Тоҷикистон намоиши ҷойи холии кор баргузор гардид
ТАШАББУСҲОИ БАЙНАЛМИЛАЛИИ ПРЕЗИДЕНТИ ТОҶИКИСТОН. Тавассути он масъалаи об ба самти калидии рӯзномаи ҷаҳонӣ табдил гардид
35-СОЛАГИИ ИСТИҚЛОЛИ ДАВЛАТӢ. Дар Ҳисор 231 синфхона барои 5544 хонанда дар як баст бунёд карда мешавад
Донишкадаи кӯҳию металлургии Тоҷикистон дар омодасозии мутахассисони соҳаи кӯҳӣ ва рушди саноат саҳми назаррас дорад
Президенти Тоҷикистон барои иҷрои босифати барномаи рушди фанҳои дақиқ дастур доданд
Дар Тоҷикистон фарогирии кӯдакон ба муассисаҳои томактабӣ тавассути рушди шаклҳои алтернативӣ зиёд мегардад
Оид ба механизмҳои муосири арзёбии сифати таҳсил дар муассисаҳои таҳсилоти олӣ ҳамоиш доир гардид
ПАЙВАНДИ ИЛМ БО ИСТЕҲСОЛОТ. Дар Донишгоҳи технологии Тоҷикистон озмуни ихтироъкорӣ ва навоварӣ доир шуд
