НИШАСТИ МАТБУОТӢ. Музди маоши кормандони Донишгоҳи давлатии Бохтар 10 фоиз баланд бардошта мешавад
ДУШАНБЕ, 03.02.2025 /АМИТ «Ховар»/. Бо иқдоми Президенти Тоҷикистон муҳтарам Эмомалӣ Раҳмон, ки пайваста барои баланд бардоштани нуфузу эътибори олимону омӯзгорон дар ҷомеа тадбирҳои муассир меандешанд, аз 1 сентябри соли 2025 маоши омӯзгорон ба андозаи 20% баланд бардошта мешавад.
Раёсати Донишгоҳи давлатии Бохтар ба номи Носири Хусрав тасмим гирифтааст, ки дар заминаи дастгириҳои иҷтимоии Президенти Тоҷикистон аз моҳи сентябри соли 2025 музди маоши кормандонро аз ҳисоби суратҳисоби махсуси донишгоҳ 10 фоиз баланд бардорад. Дар ин хусус имрӯз зимни нишасти матбуотӣ ректори Донишгоҳи давлатии Бохтар Маҳмадалӣ Қурбонзода иттилоъ дод.
Иброз гардид, ки Донишгоҳи давлатии Бохтар яке аз муассисаҳои бонуфузи илмию таълимии Тоҷикистон ба ҳисоб рафта, дар рушду такомули илму маориф, баланд бардоштани худшиносии миллӣ, ифтихори ватандӯстӣ ва тарбияю омода намудани мутахассисони баландихтисос нақши муҳим дорад.
Дар назди донишгоҳ як литсей, Институти илмӣ-таҳқиқотӣ (табииётшиносӣ ва техникӣ), маркази Мавлоношиносӣ ва мавзеи таълимию таҷрибавии Зағиртут фаъолият менамоянд.
Донишгоҳ соли 2024 мувофиқи раддабандии Агентии давлатии назорат дар соҳаи маориф дар даҳгонаи аввали муассисаҳои таҳсилоти олии касбии ҷумҳурӣ мавқеъ гирифт.
Ҳоло дар 45 кафедраи донишгоҳ 621 омӯзгор, аз ҷумла 17 профессор, 189 номзади илму дотсент, 420 саромӯзгор, омӯзгорон ва ассистентон фаъолияти илмӣ-таҳқиқотӣ мебаранд.
Шумораи донишҷӯёни донишгоҳ 19 754 нафарро ташкил медиҳад, ки 8921 нафарашон духтарон мебошанд.
Дар донишгоҳ 65 шаҳрванди хориҷӣ, аз ҷумла аз Узбекистон, Афғонистон, Қазоқистон, Туркманистон ва Федератсияи Русия таҳсил мекунанд.
Дар донишгоҳ 486 нафар тибқи квотаи Президенти Ҷумҳурии Тоҷикистон таҳсил намуда, 8 нафар Стипендияи Президенти Ҷумҳурии Тоҷикистонро сазовор гардидаанд.
Аз ҷониби раёсати донишгоҳ соли 2025 вобаста ба тарғиби осори гаронмояи Ҳаким Носири Хусрави Қубодиёнӣ аз рӯйи равияҳои табиӣ ва гуманитарӣ барои 6 донишҷӯ идрорпулӣ ба номи Носири Хусрав таъсис дода шуд.
АКС: Донишгоҳи давлатии Бохтар
Дар Донишгоҳи техникии Тоҷикистон омодакунии кадрҳои баландихтисоси соҳаи технологияҳои рақамӣ баррасӣ шуд
Байни хонандагони муассисаҳои таълимии пойтахт озмуни шаҳрии «Тоҷи сари ҷумла ҳунарҳост илм» идома дорад
Хонандаи тоҷик дар мусобиқаи байналмилалӣ соҳиби медали тилло гардид
ТАЪТИЛИ БАҲОРӢ. Хонандагони муассисаҳои таълимии Тоҷикистон чанд рӯз истироҳат менамоянд?
Дар Донишгоҳи давлатии Хоруғ Маркази омӯзиши ташаббусҳои глобалии Президенти Ҷумҳурии Тоҷикистон оид ба масъалаҳои обу иқлим ифтитоҳ ёфт
Саҳми донишманди барҷастаи тоҷик Абӯрайҳони Берунӣ дар инкишофи илму техника назаррас аст. Эҳдо ба «Бистсолаи омӯзиш ва рушди фанҳои табиатшиносӣ, дақиқ ва риёзӣ дар соҳаи илму маориф»
Президенти Тоҷикистон: «13 ҳазор нафар духтарони тоҷик дар давлатҳои хориҷӣ таҳсил менамоянд»
Дар Коллеҷи тиббии шаҳри Хуҷанд оид ба нақши Модар ҳамчун сарчашмаи зиндагӣ ҳамоиши идона доир шуд
Зиёда аз 14 ҳазор духтарон тибқи квотаи президентӣ муассисаҳои таҳсилоти олиро хатм намуда, ба нафъи давлату ҷомеа фаъолият доранд
Дар Кумитаи меъморӣ ва сохтмон оид ба арҷгузорӣ ба хизматҳои Зан-Модар ҳамоиши идона доир гардид
Дар Бохтар доир ба нақши технологияҳои рақамӣ дар воситаҳои ахбори омма конференсияи илмӣ-амалӣ баргузор гардид
Бахшида ба Рӯзи Модар дар Душанбе чорабинии сиёсӣ – фарҳангӣ таҳти унвони «Модар фариштаи меҳру шафқат» доир гардид
