НИШАСТИ МАТБУОТӢ. Роҳи автомобилгарди маҳаллаҳои Чимтеппа, Дарёобод ва Сарикиштии ноҳияи Фирдавсӣ пурра таъмир гардид
ДУШАНБЕ, 06.02.2024. /АМИТ «Ховар»/. Соли 2024 дар раванди корҳои ободонию бунёдкорӣ роҳи автомобилгарди маҳаллаҳои Чимтеппа, Дарёобод ва Сарикиштӣ, ки 50 соли охир аз таъмир бароварда нашуда буд, бо ташаббуси Мақомоти иҷроияи ҳокимияти давлатии ноҳияи Фирдавсӣ бо дарозии 4,6 км ва паҳноии 8 метр пурра таъмиру навсозӣ гардида, бо сифати баланд асфалтпӯш карда шуд. Чунин иттилоъ дод имрӯз зимни нишасти матбуотӣ иҷрокунандаи вазифаи Раиси ноҳияи Фирдавсии шаҳри Душанбе Дилшод Сафарзода.
Зимни нишасти матбуотӣ ҳамчунин иттилоъ дода шуд, ки бахшида ба ҷашни 35 — солагии Истиқлоли давлатии Ҷумҳурии Тоҷикистон дар ноҳияи Фирдавсии шаҳри Душанбе сохтмони 109 бинои баландошёнаи истиқоматӣ ба нақша гирифта шудааст.
«Аз ҷумла, бунёди 8 муассисаи таҳсилоти миёнаи умумӣ барои 8840 ҷойи нишаст, сохтмони 10 муассисаи томактабӣ барои 2020 ҷой, бунёду навсозии 23 коргоҳу корхонаи саноатӣ ва воридоти хати нави истеҳсолӣ, марказҳои замонавии савдою хизматрасонӣ ва бунёди 5 гулгашт пешбинӣ гардидааст. Дар баробари ин бо инобати чорабиниҳои ғайринақшавӣ сохтмони 187 бинои баландошёна идома дорад»,-гуфт Дилшод Сафарзода.
-Аз 1182 чорабинии давоми 5 сол пешбинишуда, то ин давра 684 чорабинӣ амалӣ карда шуд, ки 58,0 фоизи нақшаи панҷсоларо ташкил менамояд. Дар вобастагӣ ба ин ҷашни бузург зиёда аз 21 иншооти таъйиноти гуногун мавриди ифтитоҳ ва истифода қарор гирифт. Дар баробари ин дар ин давра 15 иншооти ғайринақшавӣ ба истифода дода шуд, -таъкид гардид дар нишаст.
Зарангези ЛАТИФ,
АМИТ «Ховар»
АКС: АМИТ «Ховар»
Сарвари давлат Эмомалӣ Раҳмон дар шаҳри Ваҳдат маркази ташхисӣ ва табобатии «Лормед»-ро ба истифода доданд
Иҷлосияи ҳафтуми Маҷлиси вакилони халқи шаҳри Душанбе, даъвати ҳафтум баргузор гардид
Роҳи ҷумҳуриявии Душанбе-Шарора-Ҳисор пурра мумфарш карда шуд
Президенти Ҷумҳурии Тоҷикистон Эмомалӣ Раҳмон дар ноҳияи Рӯдакӣ 20 иншоотро ба таври фосилавӣ мавриди истифода қарор доданд
Пешвои миллат Эмомалӣ Раҳмон дар ноҳияи Рӯдакӣ бинои нави Қасри фарҳанги ба номи Кароматулло Қурбоновро ифтитоҳ намуданд
Рустами Эмомалӣ дар кӯчаи Абдулаҳад Қаҳҳорови ноҳияи Фирдавсии пойтахт бо гузоштани санги асос ба сохтмони 3 эстакада ва як пул оғоз бахшиданд
Сарвари давлат Эмомалӣ Раҳмон бинои нави раёсати маорифи ноҳияи Рӯдакиро мавриди истифода қарор доданд
Бо мақсад рушди ҳамкории сайёҳӣ ҳайати шаҳри Душанбе ба музофоти Хайнани Чин сафар намуд
Дар Панҷакент иншооти иҷтимоӣ ва хизматрасонӣ ифтитоҳ гардиданд
Рустами Эмомалӣ дар ноҳияи Дарвоз аз маҷмааи сайëҳию истироҳатии «Чорчаман» дидан намуданд
Рустами Эмомалӣ дар ноҳияи Дарвоз варзишгоҳи болопӯшидаи «Нури Модар Арена», майдони хурди футбол ва ҳавзи шиновариро мавриди истифода қарор доданд
Рустами Эмомалӣ дар деҳоти Қалъаи Хумби ноҳияи Дарвоз бо фаъолияти комплекси сайёҳии «ЗЕВ-С» ва намоишгоҳи ҳунарҳои мардумӣ шинос шуданд
