РЕЙТИНГИ «ДОНИШГОҲҲОИ САБЗ». Донишгоҳи байналмилалии сайёҳӣ ва соҳибкории Тоҷикистон дар он иштирок менамояд
ДУШАНБЕ, 06.02.2025 /АМИТ «Ховар»/. Донишгоҳи байналмилалии сайёҳӣ ва соҳибкории Тоҷикистон соли 2025 дар рейтинги «Донишгоҳҳои сабз» иштирок менамояд. Дар ин хусус ректори ин донишгоҳ Убайдулло Асрорзода 5 феврал дар нишасти матбуотӣ ба доираи васеи намояндагони воситаҳои ахбори оммаи мамлакат иттилоъ дод.
Гуфта шуд, ки ҳоло ҳуҷҷатҳо барои иштирок дар рейтинги «Донишгоҳҳои сабз» омода шуда, пешниҳод мегарданд.
Ҳамзамон зимни натиҷагирӣ аз фаъолият ва ҳамкории байналмилалии Донишгоҳи байналмилалии сайёҳӣ ва соҳибкории Тоҷикистон иттилоъ дода шуд, ки донишгоҳ соли 2024 бо 48 муассисаи таълимӣ ва марказҳои таълимию илмӣ-таҳқиқотии хориҷи мамлакат шартномаи нави ҳамкорӣ ба имзо расонид. Шумораи ин созишномаҳои ҳамкорӣ ба 250 адад мерасад.
Соли 2024 роҳбарият ва намояндагони муассисаҳои таҳсилоти олии касбӣ ва илмии Корея, Британияи Кабир, Олмон, Чин, Арабистони Саудӣ, Туркия, Чехия, Беларус, Эрон, Ҳиндустон ва Узбекистон ба донишгоҳ омаданд. Зимни вохӯриҳо масъалаҳои марбут ба тавсеаи ҳамкории Донишгоҳи байналмилалии сайёҳӣ ва соҳибкории Тоҷикистон бо донишгоҳҳои пешрафтаи кишварҳои хориҷӣ матраҳ гардиданд.
Ҳамзамон дар ин давра 106 мулоқоти маҷозӣ барои тақвияти ҳамкорӣ бо намояндагони муассисаҳои таҳсилоти олии касбии хориҷи мамлакат анҷом дода шуд.
«Соли 2024 яке аз рӯйдодҳои муҳим- ин ба донишгоҳ омадани Президенти Бонки Исломии Рушд доктор Муҳаммад Сулаймон Ал-Ҷассер ва бо унвони «Профессори фахрӣ» сарфароз гардонидани ӯ маҳсуб мешавад»,-гуфт Убайдулло Асрорзода.
Марзия САИДЗОДА,
АМИТ «Ховар»
АКС: АМИТ «Ховар»
Байни Донишгоҳи байналмилалии сайёҳӣ ва соҳибкории Тоҷикистон ва MERI Centre for International Studies Ёддошти тафоҳум ба имзо расид
МАОРИФ — САРМОЯИ МИЛЛАТ. Дар ҳошияи суханронии Президенти Тоҷикистон муҳтарам Эмомалӣ Раҳмон ба муносибати Рӯзи дониш
35 СОЛИ ИСТИҚЛОЛ. Донишгоҳи давлатии омӯзгории Тоҷикистон ба талаботи асри технология мутобиқ гардидааст
Ҷамшед Ҷумахонзода: «Соҳаи сайёҳӣ ба яке аз самтҳои афзалиятноки рушди иқтисоди Тоҷикистон табдил ёфтааст»
Дар Донишгоҳи давлатии Кӯлоб ба ифтихори 35-солагии Истиқлоли давлатӣ ҳамоиши тантанавӣ доир шуд
Байни Донишгоҳи байналмилалии забонҳои хориҷии Тоҷикистон ва Донишгоҳи Вестминстер Ёддошти тафоҳум ба имзо расид
Кормандони Донишгоҳи миллии Тоҷикистон бо мукофотҳои давлатӣ сарфароз гардиданд
Бахшида ба ҷашни Меҳргон Форуми байналмилалии «Сайёҳии устувор ва мероси фарҳангӣ» баргузор мегардад
Дар Донишгоҳи байналмилалии сайёҳӣ ва соҳибкории Тоҷикистон маросими супоридани мукофотҳои давлатӣ баргузор шуд
Оид ба дастовардҳои илмии Тоҷикистон дар солҳои соҳибистиқлолӣ ҳамоиш доир шуд
«Барномаи давлатии такмили таълим ва омӯзиши забонҳои русӣ ва англисӣ барои давраи то соли 2030» баррасӣ гардид
Панҷ нуктаи омӯзанда аз Рӯзи дониш ва Дарси сулҳ бо паёми Президенти Тоҷикистон
