Роҳбарияти Донишгоҳи байналмилалии сайëҳӣ ва соҳибкории Тоҷикистон дар Биржаи байналмилалии сайёҳии Милан-2025 иштирок намуд
ДУШАНБЕ, 10.02.2025 /АМИТ «Ховар»/. Намояндагони Донишгоҳи байналмилалии сайëҳӣ ва соҳибкории Тоҷикистон таҳти роҳбарии ректори муассиса Убайдулло Асрорзода дар ҳайати намояндагони Ҷумҳурии Тоҷикистон дар Биржаи байналмилалии сайёҳӣ (Borsa Internazionale del Turismo — 2025, Rho Fiera Milano) дар шаҳри Милани Италия иштирок намуданд. Дар ин хусус ба АМИТ «Ховар» аз Донишгоҳи байналмилалии сайëҳӣ ва соҳибкории Тоҷикистон иттилоъ доданд.
Дар ҷараёни тамошои гӯшаи сайёҳии Тоҷикистон бо иштироки намояндаи Дастгоҳи иҷроияи Президенти Ҷумҳурии Тоҷикистон ва масъулини ширкатҳои сайёҳии мамлакат мулоқоти судманд анҷом дода шуд.
Дар доираи биржа мулоқоти роҳбарияти донишгоҳ бо намояндагони муассисаҳои таълимӣ ва ширкатҳои самти сайёҳию хизматрасонӣ доир шуд. Зимни мулоқот масъалаҳои муҳими таҳкими ҳамкорӣ дар самтҳои муҳими фаъолияти муассисаҳо баррасӣ гардиданд.
Ҳамзамон дар доираи ин сафар бо ширкатҳои маъруфи ҷаҳонии самти сайёҳӣ ва меҳмондорӣ мулоқоти судманд анҷом дода шуд. Дар ҷараёни гуфтушунид ҷонибҳо ба мувофиқа расиданд, ки дар доираи санадҳои меъёрии ҳуқуқии дутарафа донишҷӯёнро аз рӯйи ихтисосу самтҳои дахлдор ба таҷрибаомӯзӣ ва таҷрибаивазкунӣ, ҳамзамон минбаъд ба кор фаро гиранд.
Дар доираи иштирок дар биржа вохӯриҳои раёсати Донишгоҳи байналмилалии сайёҳӣ ва соҳибкории Тоҷикистон бо намояндагони муассисаҳои таълимии шаҳри Милан ба нақша гирифта шудаанд.
АКС: Донишгоҳи байналмилалии сайëҳӣ ва соҳибкории Тоҷикистон
То 60 фоизи маҳсулоти кишоварзии Тоҷикистон дар вилояти Хатлон истеҳсол мегардад
Дар бунёди неругоҳи «Роғун» 20 ҳазор коргарону кормандони муҳандисию техникӣ фаъолият доранд
КИШОВАРЗИИ ТОҶИКИСТОН ДАР 35 СОЛИ ИСТИҚЛОЛИЯТ. Истеҳсоли ғалладонагӣ 6 маротиба зиёд шудааст
«ФЕСТИВАЛИ ТОБИСТОНАИ ДУШАНБЕ-2026»: Пойтахти Тоҷикистон ба муносибати 35-солагии Истиқлоли давлатӣ мизбони ҷашни фарҳангиву фароғатӣ гардид
Дар даврони соҳибистиқлолии Тоҷикистон 70 корхонаи дорусозӣ ба фаъолият оғоз намуд
Дар Шаҳринав оид ба гузаронидани пайванди дарахтони мевадиҳанда ва зиёд намудани тагпайвандҳо машғулият доир шуд
Шурои ҳамоҳангсозии рақамӣ дар соҳаи алоқа таъсис ёфт
ИСТИҚЛОЛИЯТ ВА РУШДИ СОҲАИ САЙЁҲӢ. Бадахшон ба яке аз маконҳои муҳими сайёҳии кӯҳӣ, экологӣ ва табобатӣ табдил ёфтааст
Моҳи сентябри соли 2027 агрегати рақами 4-и неругоҳи «Роғун» ба истифода дода мешавад
Дар ноҳияи Ашт неругоҳи офтобӣ ба истеҳсоли барқ оғоз намуд
Дар Душанбе Форуми байналмилалии «TajTech – 2026» доир мегардад
РУШДИ САНОАТ ДАР 35 СОЛИ ИСТИҚЛОЛИ ТОҶИКИСТОН. Дар Бадахшон беш аз сад корхона ва коргоҳи хурди саноатӣ фаъолият менамояд
