«САД РАНГИ ЧАКАН». Дар Душанбе фестивал ва намоиш- фурӯши маҳсулоти чакандӯзию гулдӯзӣ доир мегардад
ДУШАНБЕ, 13.02.2025. /АМИТ «Ховар»/. Бо ибтикори Кумитаи кор бо занон ва оилаи назди Ҳукумати Ҷумҳурии Тоҷикистон 5 марти соли равон дар шаҳри Душанбе Фестивали ҷумҳуриявии «Сад ранги чакан» ва дар доираи он аз 1 то 21 март дар «Боғи Куруши Кабир»-и пойтахт намоиш-фурӯши маҳсулоти чакандӯзию гулдӯзӣ баргузор мегардад. Дар ин хусус ба АМИТ «Ховар» аз ин кумита хабар доданд.
Фестивали «Сад ранги чакан» дар мамлакат аз соли 2018 ва намоиш-фурӯши маҳсулоти нақшдӯзию зардӯзии чаканӣ соли дуюм аст, ки баргузор мегардад.
Ин чорабиниҳо дар асоси «Ҷадвали баргузории ҷашну солгард, фестивалу намоиш, иду озмунҳои фарҳангию маърифатӣ ва анъанаю ҳунарҳои мардумӣ дар Ҷумҳурии Тоҷикистон барои соли 2025», ки бо амри Президенти Ҷумҳурии Тоҷикистон аз 2 январи соли 2025 тасдиқ шудааст, бо мақсади тарғибу ташвиқи либоси миллӣ гузаронида мешаванд.
Ин намоишҳо ҳунармандону чакандӯзонро аз тамоми гӯшаю канори мамлакат ҷамъ оварда, имкон фароҳам меоранд, ки ҳунари волояшонро ба сокинону меҳмонони пойтахт пешниҳод намоянд.
Ин иқдом ба хотири ҳифзи ҳунару ҳунармандӣ ва эҳёи анъанаҳои миллии мардуми тоҷик гирифта шудааст. Президенти Ҷумҳурии Тоҷикистон муҳтарам Эмомалӣ Раҳмон пайваста талош менамоянд, ки ҳунарҳои мардумӣ аз байн нарафта, баръакс ҳунарҳои фаромӯшгардида аз нав эҳё гарданд.
АКС: АМИТ «Ховар»
Иштирокдорони Бозиҳои ХХ Делфии ҷавонони ИДМ аз Осорхонаи миллии Тоҷикистон боздид намуданд
Дар Тоҷикистон Анҷумани сеюми забоншиносони давлатҳои ҳамзабону ҳамфарҳанг доир мегардад
Дар Тоҷикистон Бозиҳои 20-уми Делфии ҷавонони кишварҳои аъзои ИДМ идома доранд
Фарҳанги пурғановати Тоҷикистон дар Туркманистон муаррифӣ мегардад
Имрӯз даври сеюми Озмуни ҷумҳуриявии «Фурӯғи субҳи доноӣ китоб аст» оғоз мегардад
Доир ба дастгирии истеъдодҳои ҷавон дар ИДМ конференсияи байналмилалӣ баргузор шуд
Дар Душанбе Бозиҳои 20-уми Делфии ҷавонони кишварҳои аъзои ИДМ оғоз мегардад
«ДОСТОНИ ХУДШИНОСӢ». Китоби нави Шоири халқии Тоҷикистон Давлат Сафар рӯнамоӣ гардид
Даври ниҳоии Озмуни ҷумҳуриявии «Донандаи беҳтарини асарҳои Пешвои миллат» оғоз гардид
ЗАБОН–САДОИ ХОТИРАИ МИЛЛАТ. Мулоҳизаҳои академик Фарҳод Раҳимӣ ба ифтихори Рӯзи забони давлатӣ
Президенти Тоҷикистон: «Мутахассисони соҳа бояд, ки истилоҳоти дурусту фаҳмо ва мувофиқ ба мазмуну муҳтавои соҳаҳои гуногунро барои истифода пешниҳод намоянд»
