Сафири Тоҷикистон бо намояндагони Иттиҳоди миллии тоҷикони Покистон мулоқот намуд
ДУШАНБЕ, 25.02.2025 /АМИТ «Ховар»/. Сафири Фавқулода ва Мухтори Ҷумҳурии Тоҷикистон дар Ҷумҳурии Исломии Покистон Юсуф Шарифзода бо намояндагони Иттиҳоди миллии тоҷикони Покистон мулоқот намуд. Дар ин хусус АМИТ «Ховар» бо истинод ба Сафорати Ҷумҳурии Тоҷикистон дар Ҷумҳурии Исломии Покистон хабар медиҳад.
Зимни мулоқот роҳбари намояндагии дипломатӣ аз пешрафту тараққиёти босуръати Тоҷикистон таҳти роҳбарии Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон дар солҳои истиқлолият ва рушди мунтазами муносиботи накуи ҳамкорӣ бо кишвари дӯсту бародари Покистон ёдовар шуда, иштирокдоронро ба муаррифии шоиста аз фарҳанги волои тоҷикон ва рафтору кирдори писандида даъват намуд.
Ҳамзамон оид ба таъриху тамаддуни бостонӣ, ҳифзи анъана ва забон, фарҳангу ҳунарҳои мардумӣ ва иштирок дар ҷашни Наврӯзи байналмилалӣ ва дигар мавзуъҳои марбут ба таъриху фарҳанги муштараки ду давлати бародар табодули афкор анҷом дода шуд. Зимнан меҳмонон гӯшаи фарҳангӣ ва китобхонаи сафоратро тамошо намуданд.
Бо фарҷоми мулоқот изҳори боварӣ карда шуд, ки Иттиҳоди тоҷикони Покистон минбаъд ҳам чун омили муҳим дар таҳкими густариши робитаҳои дӯстӣ, стратегӣ ва ҳамкории пурсамари Тоҷикистон бо Покистон саҳми намоёну пурарзиш мегузорад.
АКС: Сафорати Ҷумҳурии Тоҷикистон дар Ҷумҳурии Исломии Покистон
Cафири Тоҷикистон бо Вазири нафти Кувайт вохӯрӣ намуд
Тоҷикистон фарҳанги миллии худро дар чорабинии байналмилалӣ бахшида ба Рӯзи СММ дар Ашхобод муаррифӣ намуд
Дар Ашхобод дурнамои рушди ҳамкории Тоҷикистону Туркманистон дар соҳаи нафту газ баррасӣ гардид
Сафири Тоҷикистон дар Амороти Муттаҳидаи Араб дар брифинги оид ба раванди омодагӣ ба Конфронси оби СММ-2026 иштирок намуд
ИМРӮЗ — РӮЗИ СОЗМОНИ МИЛАЛИ МУТТАҲИД. Тоҷикистон дар 34 соли ҳамкорӣ ташаббусҳои муҳимро ба манфиати кишварҳои минтақа ва ҷаҳон амалӣ намудааст
Ҳайати тиҷоратии Олмон барои густариши ҳамкорӣ ба шаҳри Душанбе меояд
Дар Батуми мулоқоти вазирони корҳои хориҷии давлатҳои Осиёи Марказӣ ва Гурҷистон баргузор гардид
Сафири Тоҷикистон бо Мудири кулли Мақомоти федералии андози Амороти Муттаҳидаи Араб мулоқот намуд
Вазири корҳои хориҷии Тоҷикистон бо Сарвазири Гурҷистон вохӯрӣ намуд
Сироҷиддин Муҳриддин бо муовини Сарвазир, Вазири корҳои хориҷии Гурҷистон мулоқот намуд
Ҳамкории Тоҷикистон бо Бонки ҷаҳонӣ баррасӣ гардид
Дар Берлин нахустин Маркази инноватсионии зеҳни сунъӣ дар Осиёи Марказӣ бо дастгирии NVIDIA муаррифӣ гардид
