Шумораи аҳолии Тоҷикистон ҳар сол 2,2 фоиз зиёд мешавад
ДУШАНБЕ, 12.02.2025. /АМИТ «Ховар»/. Аҳолии Ҷумҳурии Тоҷикистон ҳар сол 2,2 фоиз афзоиш меёбад. То аввали соли 2025 шумораи аҳолии ҷумҳурӣ 10 миллиону 497 ҳазор нафарро ташкил медиҳад. Ин матлабро директори Агентии омори назди Президенти Ҷумҳурии Тоҷикистон Ҷамшед Нурмаҳмадзода имрӯз зимни нишасти матбуотӣ баён дошт.
Ҷамшед Нурмаҳмадзода иброз намуд, ки дарозумрӣ низ дар мамлакат зиёд гардидааст, ки ин нишонаи болоравии сатҳи зиндагии мардум мебошад. Инчунин омили дигари дарозумрӣ рушди иқтисодӣ, кам кардани фавти кӯдакон, кам шудани фавт байни аҳолии қобили меҳнат, инчунин кам кардани истеъмоли машруботу тамоку мебошад.
Дар нишасти матбуотӣ гуфта шуд, ки соли 2024 нисбат ба соли 2023 дар ҷумҳурӣ бақайдгирии таваллуд 4,8 фоиз зиёд шудааст. Зиёдшавии сабти таваллуд дар ҳамаи минтақаҳои ҷумҳурӣ мушоҳида мешавад. Дар Вилояти Мухтори Кӯҳистони Бадахшон зиёдшавии бақайдгирии таваллуд 2,0 фоиз, дар вилояти Хатлон 3,3 фоиз, Суғд 3,7 фоиз, дар ноҳияҳои тобеи ҷумҳурӣ 7,0 фоиз ва дар шаҳри Душанбе 9,9 фоизро ташкил медиҳад. Коэффитсиенти умумии таваллуд ва коэффитсиенти умумии фавт аз рӯи баҳои пешакӣ мутаносибан ба 1000 нафар аҳолӣ 24,2 ва 3,2 нафар рост меояд. Инчунин дар мамлакат шумораи занон 49,3 фоиз ва мардон 50,7 фоизро ташкил медиҳад.
Тибқи таҳқиқоти коршиносони Созмони Милали Муттаҳид, соли 2050 бори аввал дар таърихи башарият шумораи шахсони аз 60-сола боло дар ҷаҳон аз теъдоди кӯдакони то 15-сола бештар хоҳад шуд.
«Дар Тоҷикистон шахсони аз 100-сола боло 230 нафар мебошанд, ки 112 нафарро занон ташкил медиҳанд», — иттилоъ дод директори Агентии омори назди Президенти Ҷумҳурии Тоҷикистон.
Фирӯза ДАВЛАТЗОДА,
АМИТ «Ховар»
АКС: АМИТ «Ховар»
Гурӯҳи корӣ бо рафти корҳои сохтмонии манзилҳои аз офати табиӣ зарардидаи ноҳияҳои Рашт ва Тоҷикобод шинос гардид
Дар Тоҷикистон доир ба пардохти кумакҳои унвонии иҷтимоӣ давраи омӯзишӣ ҷараён дорад
Гармии шадиди ҳаво боиси авҷи кадом бемориҳо мегардад?
Басти дуюми истироҳатгоҳи «Файзи истиқлол» дар ноҳияи Варзоб оғоз гардид
Чӣ тавр худро аз гармии тобистон муҳофизат кунем? Донистани роҳҳои дурусти он муҳим аст
Дар дарёи Ёхсу корҳои соҳилмустаҳкамкунӣ ҷараён доранд
Огоҳӣ! Дар Тоҷикистон ҳавои гарму хушк пешгӯӣ мешавад
Ҷавонони тоҷик дар Форуми ҷавонони Созмони ҳамкории иқтисодӣ иштирок намуданд
Дар моҳи дуюми тобистон Тоҷикистонро чӣ гуна ҳаво интизор аст?
Кумита оид ба таҳсилоти ибтидоӣ ва миёнаи касбӣ бахшида ба Рӯзи Ваҳдати миллӣ конфронс доир намуд
Дар Агентии суғуртаи иҷтимоӣ ва нафақа 28-солагии Рӯзи Ваҳдати миллиро ҷашн гирифтанд
Дар Душанбе вобаста ба иҷрои Барномаи миллии ташаккули тарзи ҳаёти солим ҷаласа баргузор гардид
