Соли 2024 дар Донишгоҳи давлатии Бохтар Маркази омӯзиши забон ва фарҳанги Корея кушода шуд
ДУШАНБЕ, 05.02.2025 /АМИТ «Ховар»/. Соли 2025 омӯзгороне, ки рисолаи докторӣ дифоъ менамоянд, бо 20 ҳазор сомонӣ, барои дифои рисолаи номзадии равияи илмҳои дақиқ, табиӣ ва риёзӣ бо 8 ҳазор сомонӣ ва барои дифои рисолаи номзадӣ дар равияи гуманитарӣ бо 5 ҳазор сомонӣ сарфароз гардонида мешаванд. Соли 2024 омӯзгорони унвондор 33,5 фоизро ташкил доданд, ки нисбат ба соли 2023 1,3 фоиз зиёд мебошад. Дар ин хусус 3 феврал зимни нишасти матбуотии Донишгоҳи давлатии Бохтар ба номи Носири Хусрав иттилоъ дода шуд.
Соли 2024 аз ҷониби омӯзгорони донишгоҳ 29 монография, 78 китоби дарсӣ, 107 дастури таълимӣ ва 2025 мақолаи илмӣ, таълимӣ, методӣ ва оммавӣ аз нашр бароварда шуд.
Дар нишаст гуфта шуд, ки бо гирифтани 3 ҷойи дуюм, 1 ҷойи сеюм ва 1 ҷойи ифтихорӣ дар Озмуни ҷумҳуриявии «Фурӯғи субҳи доноӣ китоб аст» донишгоҳ дар раддабандӣ мақоми сеюмро гирифт. Раёсати донишгоҳ минбаъд барои ғолибони ҷойи якуми озмунҳои ҷумҳуриявӣ 15000 сомонӣ, ҷойи дуюм 10000 сомонӣ ва ҷойи сеюм 5000 сомонӣ муқаррар намудааст.
Ҳамзамон муҳаққиқоне, ки соли 2025 дар Озмуни ҷумҳуриявии «Олими сол» сазовори ҷойи намоён мегарданд, аз ҷониби раёсат бо 5000 сомонӣ мукофотонида мешаванд.
Ба муносибати ташаббуси навбатии Тоҷикистон, яъне эълон гардидани 25 май — Рӯзи ҷаҳонии футбол Ҷоми раёсати донишгоҳ таъсис дода шуд.
Соли 2024 бо иштироки Сафири Корея дар Тоҷикистон дар донишгоҳ «Маркази омӯзиши забон ва фарҳанги Корея» кушода шуд.
АКС: Донишгоҳи давлатии Бохтар ба номи Носири Хусрав
Бахшида ба Рӯзи Президенти Ҷумҳурии Тоҷикистон ҳамоиши илмӣ-амалӣ баргузор шуд
ИСТИҚЛОЛИ ДАВЛАТИИ ТОҶИКИСТОН-ЗАМИНАИ ҲИФЗУ ГУСТАРИШИ АРЗИШҲОИ МИЛЛӢ. Дар ҳошияи фармони Президенти Тоҷикистон «Дар бораи ҷашн гирифтани 40-солагии Истиқлоли давлатии Ҷумҳурии Тоҷикистон»
Дар назди чор муассисаи таълимии шаҳри Ҳисор биноҳои иловагӣ сохта мешаванд
ЯК РӮЗ ДАР БОҒЧА. Мураббӣ тарбиятгирандагонро бояд бо чеҳраи кушоду табассум ва суханони меҳрубонона истиқбол намояд
Дар Лондон омодагӣ ба аккредитатсияи байналмилалии муассисавию барномавӣ (International Quality Review — IQR) баррасӣ шуд
«БАРНОМАИ ДАВЛАТИИ РУШДИ МУАССИСАҲОИ СОҲАИ МАОРИФИ ВИЛОЯТИ ХАТЛОН». Дар доираи он бунёди 165 иншоот ба нақша гирифта шудааст
Хобгоҳи Коллеҷи омӯзгории шаҳри Ҳисор баъд аз навсозӣ ба истифода дода шуд
Дар намоишгоҳи «WTM London – 2026» дастовардҳои илмии Донишгоҳи байналмилалии сайёҳӣ ва соҳибкории Тоҷикистон муаррифӣ шуданд
8 нафар аз Донишгоҳи техникии Тоҷикистон ғолиби Озмуни ҷумҳуриявии «Илм–фурӯғи маърифат» гардиданд
Дар Донишгоҳи давлатии Бохтар 32-солагии қабули Конститутсияи Тоҷикистон таҷлил карда шуд
Дар Ҳисор бахшида ба 32-солагии қабули Конститутсияи Ҷумҳурии Тоҷикистон конференсия доир шуд
Олими ҷавони тоҷик соҳиби патентҳои Ҷумҳурии Беларус гардид
