Соли 2024 дар вилояти Суғд 166 корхонаю коргоҳи нав ба фаъолият оғоз намуд
ДУШАНБЕ, 07.02.2025 /АМИТ «Ховар»/. Соли 2024 дар вилояти Суғд 166 корхонаю коргоҳи нав бо 2060 ҷойи нави кор ба фаъолият шуруъ намуд. Дар ин хусус 5 феврал зимни нишасти матбуотӣ Раиси вилояти Суғд ба намояндагони Воситаҳои ахбори омма хабар дод.
Иттилоъ дода шуд, ки ба истиқболи 35-солагии Истиқлолияти давлатии Ҷумҳурии Тоҷикистон дар вилоят 12 ҳазор иншооти таъйиноти истеҳсолию иҷтимоӣ бунёд ва таъмиру навсозӣ карда мешаванд.
«Соли 2024 дар шаҳру ноҳияҳои вилоят 3903 иншоот ва аз оғози маъракаи омодагӣ ба ин ҷашн 8755 иншооти таъйиноти истеҳсолию иҷтимоӣ бунёд ва мавриди таҷдиду тармим қарор гирифтаанд. Дар вилоят иҷрои нақшаи умумӣ 73 фоиз ва нақшаи соли 2024 ба андозаи 162,8 фоиз таъмин гардид»,- иброз гардид дар нишасти матбуотӣ.
Инчунин иттилоъ дода шуд, ки таъмиру тармими 2077 км роҳҳо, аз ҷумла аз таъмири асосӣ баровардани 211,1 км роҳ, гузаронидани таъмири ҷории 1085,1 км ва шағалпӯш намудани 780,8 км роҳ ба нақша гирифта шуда буд.
Дар маҷмуъ, 2628,3 км роҳ таъмир шуд, ки аз он 639,4 км таъмири асосӣ, 1098,4 км таъмири ҷорӣ ва 890,5 км шағалпӯш гардид.
АКС: Хадамоти матбуоти Раиси вилояти Суғд
Дар Нозироти андози шаҳри Ваҳдат 804 субъекти хоҷагидори амалкунанда сабти ном шудааст
Дар Душанбе Фестивали занбӯрпарварон, намоиш ва фурӯши асал баргузор шуд
Дар Тоҷикистон беш аз 800 ҳазор тонна картошка ҷамъоварӣ гардидааст
Дар шаҳри Норак Фестивал-намоишгоҳи байналмилалии «Ганҷинаи хатлон» баргузор гардид
Дар вилояти Суғд 109 корхонаи нави саноатӣ таъсис гардид
Мутахассисони Тоҷикистон дар Чин бо навовариҳои соҳаи пахтакорӣ шинос шуданд
Натиҷаҳои рушди иқтисодии Тоҷикистон дар Таиланд муаррифӣ гардиданд
Дар Тоҷикистон ҷаласаи 46-уми Шурои ҳамоҳангсозии электроэнергетикии Осиёи Марказӣ доир шуд
Шаҳри Панҷакентро дар нуҳ моҳ беш аз 40 ҳазор сайёҳон тамошо намудаанд
Дар Агентии инноватсия ва технологияҳои рақамӣ масъалаҳои зеҳни сунъӣ ва амнияти рақамӣ баррасӣ шуданд
Ҳамкории стратегӣ дар самти ҷалби сармоягузории устувор ва маблағгузории иқлимӣ тақвият меёбад
Намояндаи Бонки миллии Тоҷикистон дар ҷаласаи роҳбарони бонкҳои марказии кишварҳои Шарқи Наздик ва Осиёи Марказӣ иштирок намуд
