Соли 2024 дар вилояти Суғд 73 иншооти соҳаи маориф ба истифода дода шуд
ДУШАНБЕ, 09.02.2025 /АМИТ «Ховар»/. Соли 2024 дар шаҳру ноҳияҳои вилояти Суғд 73 иншооти соҳаи маориф бо 10745 ҷойи нишаст дар як баст ба истифода дода шуд. Аз ҷумла, дар назди 65 муассисаи таҳсилоти миёнаи умумӣ 331 синфхона бо 9365 ҷойи нишаст ва 8 бинои муассисаи таҳсилоти томактабӣ бо 1380 ҷойи нишаст мавриди истифода қарор гирифтанд. Дар ин хусус 7 феврал зимни нишасти матбуотии Раёсати маорифи вилояти Суғд иттилоъ дода шуд.
Дар нишасти мазкур ҳамчунин иттилоъ дода шуд, ки бахшида ба 35-солагии Истиқлолияти давлатӣ дар вилоят бунёди 56 муассисаи томактабӣ ба нақша гирифта шудааст.
Иброз гардид, ки давоми соли 2024 дар шаҳру ноҳияҳои Хуҷанд, Истаравшан, Конибодом, Бобоҷон Ғафуров ва Айнӣ муассисаҳои нави томактабӣ сохта шуданд. Айни замон дар вилоят 284 муассисаи таҳсилоти томактабӣ мавҷуд аст, ки 47 ҳазору 74 нафар кӯдакро ба таълиму тарбия фаро гирифтаанд.
«Инчунин дар назди 715 муассисаи таълимии шаҳру ноҳияҳои вилоят 1160 гурӯҳи марказҳои инкишофи кӯдак амал мекунанд, ки 23 ҳазору 948 нафар кӯдаки синни шашсоларо дар бар мегиранд»,-баён гардид дар нишаст.
Таъкид шуд, ки дар соли таҳсили 2024-2025 дар вилоят 959 муассисаи таҳсилоти умумӣ фаъолият мебаранд, ки назар ба соли 2023 7 адад зиёд аст.
АКС: Раёсати маорифи вилояти Суғд
Сарвари давлат Эмомалӣ Раҳмон майдони танкронӣ ва 4 дидбонгоҳи сарҳадиро дар марзи Тоҷикистону Афғонистон ба таври фосилавӣ ба истифода доданд
СОЛИ ОБОДКОРИЮ СОЗАНДАГӢ. Дар ноҳияи Ҷайҳун Маркази фарҳангӣ ифтитоҳ гардид
Пешвои миллат Эмомалӣ Раҳмон дар шаҳри Душанбе ба фаъолияти марҳилаи дуюми ҶДММ «Кока-Кола Нӯшокиҳои Тоҷикистон» оғози расмӣ бахшиданд
Президенти Ҷумҳурии Тоҷикистон Эмомалӣ Раҳмон дар ноҳияи Шоҳмансур корхонаи саноатии «Покиза М»-ро ба истифода доданд
Сарвари давлат Эмомалӣ Раҳмон Муассисаи давлатии Рекламаи берунӣ ва ороиши шаҳри Душанберо ба таври фосилавӣ ифтитоҳ намуданд
Пешвои миллат Эмомалӣ Раҳмон бинои нави Муассисаи давлатии «Телевизиони Душанбе»-ро ифтитоҳ намуданд
СОЛИ ОБОДКОРИЮ СОЗАНДАГӢ. Дар ноҳияи Бобоҷон Ғафуров ду бинои баландошёна бунёд мегардад
35-СОЛАГИИ ИСТИҚЛОЛИ ДАВЛАТӢ. Дар шаҳри Турсунзода 170 иншооти роҳу нақлиёт бунёд ва таҷдид мегардад
Корманди Донишгоҳи давлатии омӯзгории Тоҷикистон соҳиби ҷоизаи «Мутахассиси муносибатҳои байналмилалии сол –2025» гардид
Ғолибони «Ҷоми раёсати Донишгоҳи байналмилалии сайёҳӣ ва соҳибкории Тоҷикистон» муайян гардиданд
Дар Донишгоҳи техникии Тоҷикистон оид ба шарҳи Паёми Президенти Тоҷикистон ба Маҷлиси Олӣ ҳамоиш доир шуд
Дар Донишгоҳи давлатии Бохтар татбиқи технологияҳои муосири рақамӣ ва алгоритмҳои зеҳни сунъӣ баррасӣ гардид
