ТАҚВИМИ АМИТ «ХОВАР»: имрӯз 18 феврал, сешанбе, 49-умин рӯзи соли 2025 аст

18 феврали соли 2007 дар вилояти Суғд Фестивал-озмуни «Таронаи русӣ» баргузор гардид.

***

Дар ин рӯзи соли 2009 дар шаҳри Душанбе ҷаласаи байниҳукуматии Тоҷикистон ва Узбекистон оид ба ҳамкории иқтисодӣ баргузор гардид.

***

Дар ин рӯзи соли 2016 дар  шаҳри Душанбе байни Палатаи савдо ва саноати Ҷумҳурии Тоҷикистон ва Федератсияи савдо ва саноати Аморати Муттаҳидаи Араб созишномаи ҳамкорӣ ба имзо расид.

***

Соли 2016 дар Ҳиндустон ширкати маҳаллӣ — мобилии «Ringing Bels» арзонтарин смартфон дар ҷаҳонро ба фурӯш баровард, ки 3,6 доллари Иёлоти Муттаҳидаи Амрико арзиш дошт.

***

18 феврали соли 2017 дар Ҷумҳурии Хакасия ба муносибати ҷашни Наврӯз маҳфили фарҳангӣ доир шуд

***

18 феврали соли 2019 Нашриёти «Ноширлик ёғдуси»-и шаҳри Тошканди Ҷумҳурии Узбекистон маҷмуи ғазалҳои шоири номвари тоҷик Камоли Хуҷандиро таҳти унвони «Гулдастаи ғазал» интишор ва дастраси ҳаводорони шеъри ноб гардонид. «Гулдастаи ғазал» ҳосили ҳамкории илмию фарҳангии халқҳои ба ҳам дӯсти Тоҷикистон ва Узбекистон арзёбӣ мегардад.

***

18 феврали соли 2019 вакилони Маҷлиси намояндагони Маҷлиси Олии Ҷумҳурии Тоҷикистон Қонуни Ҷумҳурии Тоҷикистон «Дар бораи берун баровардан ва ворид намудани сарватҳои таърихию фарҳангӣ»- ро қабул намуданд.

***

18 феврали соли 2020 дар «Gulfood»-и Дубай хушкмева ва лимӯи тоҷикии Мейер муаррифӣ гардид

***

18 феврали соли 2021 Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон Вазири корҳои хориҷии Ҷумҳурии Узбекистон Абдулазиз Комиловро ба ҳузур пазируфтанд.

***

18 феврали соли 2022 Вазорати тандурустӣ ва ҳифзи иҷтимоии аҳолии Тоҷикистон соҳиби Ҷоизаи Созмони ҷаҳонии тандурустӣ гардид.

***

18 феврали соли 2023 дар доираи татбиқи ҳадафи чоруми стратегии мамлакат – саноатикунонии босуръат ва бахшида ба Солҳои рушди саноат дар Донишгоҳи миллии Тоҷикистон дар мавзуи «Мушкилоти геологӣ ва азхудкунии сарватҳои зеризаминӣ» конференсияи ҷумҳуриявии илмию амалӣ баргузор гардид.

18 ФЕВРАЛ:

Дар Турманистон Рӯзи кормандони  дипломатӣ.

ДАР ИН РӮЗ ТААЛЛУД ШУДААНД:

Сайдулло Абдуллоев -соли  1945 — муаррих, доктори илмҳои таърих (1996), профессор (1994). Арбоби илм ва техникаи Тоҷикистон (1998).