Татбиқи Стратегияи миллии фарогирии молиявии Тоҷикистон бо иштироки ташкилоти қарзии молиявӣ баррасӣ шуд
ДУШАНБЕ, 15.02.2025 /АМИТ «Ховар»/. Дар доираи нақшаи чорабиниҳои амалисозии «Стратегияи миллии фарогирии молиявии Ҷумҳурии Тоҷикистон барои солҳои 2022-2026» бо иштироки намояндагони Бонки миллии Тоҷикистон ва ташкилоти қарзии молиявии ҷумҳурӣ дар Душанбе ҷаласаи корӣ гузаронида шуд. Ҳадафи он аз таҳкими ҳамкорӣ ва ҳамоҳангсозии фаъолияти минбаъда дар самти баланд бардоштани сатҳи саводнокии молиявии аҳолӣ иборат буд. Дар ин хусус АМИТ «Ховар» бо истинод ба Бонки миллии Тоҷикистон иттилоъ медиҳад.
Гуфта шуд, ки барои баланд бардоштани сатҳи саводнокии молиявии аҳолӣ ва субъектҳои хоҷагидор Бонки миллии Тоҷикистон якҷо бо ташкилоти қарзии молиявӣ, суғуртавӣ ва шарикони рушд дар соли 2024 якчанд чорабинии омӯзишӣ-маърифатӣ, аз ҷумла тренингҳо, машваратҳо, вохӯриҳо ва фестивалҳои саводнокии молиявӣ баргузор намуд, ки дар онҳо зиёда аз 148 ҳазор нафар иштирок намуданд.
Натиҷаи мониторинги сатҳи ноилшавӣ ба нишондиҳандаҳои мақсадноки фарогирии молиявӣ бозгӯи он аст, ки ҳолати нишондиҳандаҳои фарогирии молиявии ҷанбаи дастрасӣ ба хизматрасонии молиявӣ ба сатҳи мақсадноки пешбинишуда расидааст.
Дар ҷаласа намояндагони ташкилоти қарзии молиявӣ вобаста ба таҷрибаи кори худ табодули назар намуданд.
Барои расидан ба мақсадҳои стратегия, сохтори идоракунии он: Шурои ҳамоҳангсозӣ, кумитаи иҷроия ва гурӯҳҳои кории мавзуӣ аз рӯйи самтҳои асосии стратегия таъсис шуда, фаъолияти Шурои ҳамоҳангсози стратегия таҳти роҳбарии Бонки миллии Тоҷикистон амалӣ мегардад.
АКС: Бонки миллии Тоҷикистон
Вазири молияи Тоҷикистон дар Бангкок бо роҳбарияти Фонди кувайтии рушди иқтисодиёти араб мулоқот намуд
Дар доираи Форуми соҳибкории «Тоҷикистон, ба пеш!» ду Ёддошти тафоҳум дар соҳаи энергетика ба имзо расид
Дар 25 соли охир аз ҷониби соҳибкорон зиёда аз 4 миллион ҷойи кор таъсис дода шудааст
Дар Душанбе татбиқи «Барномаи рушди таҳвилгарон ва содирот» бо ҳайати Гурӯҳи Бонки ҷаҳонӣ баррасӣ гардид
Дурнамои рушди ҳамкорӣ байни Тоҷикистон ва Чехия дар соҳаи нақлиёти роҳи оҳан баррасӣ гардид
Масъалаи истифодаи механизмҳои нави маблағгузорӣ барои татбиқи лоиҳаҳои афзалиятноки Тоҷикистон дар Бангкок баррасӣ шуд
РУШДИ ИҚТИСОДИ МИЛЛӢ. Дар нуҳ моҳи соли 2026 8,3 фоиз таъмин гардид
Олимони тоҷик парвариши гандуми тирамоҳӣ ва пахтаро дар шароити тағйирёбии иқлим баррасӣ намуданд
Ҷаласаи панелии соҳавии «Шарикии рушд: тасмимҳои бонкӣ ва суғуртавӣ барои ҷомеаи соҳибкорӣ» баргузор шуд
Ҷалби сармоя барои татбиқи лоиҳаҳои афзалиятноки Тоҷикистон дар Бангкок баррасӣ гардид
«СОҲИБКОРИИ ЗАНОН: ИМКОНИЯТҲО, НАВОВАРӢ ВА РУШДИ УСТУВОР».Таҳти ин унвон ҳамоиш баргузор шуд
Дар мавзуи дастгирии соҳибкорӣ дар 35 соли Истиқлоли давлатӣ ҳамоиш баргузор шуд
