СОЛҲОИ РУШДИ САНОАТ. Дар шаҳри Гулистон корхонаи нави коркарди партов бунёд мегардад
ДУШАНБЕ, 17.02.2025 /АМИТ «Ховар»/. Бахшида ба ҷашни 35-солагии Истиқлоли давлатии Ҷумҳурии Тоҷикистон ва Солҳои рушди саноат (2022-2026) дар шаҳраки Консойи шаҳри Гулистони вилояти Суғд корхонаи коркарди партовҳои истеҳсолии корхонаи муштараки «Апрелевка» бунёд мегардад, иттилоъ медиҳад АМИТ «Ховар» бо истинод ба хадамоти матбуоти Раиси вилояти Суғд.
Ҳоло раванди корҳои васлу насби таҷҳизоту дастгоҳ ва дигар тадбирҳои бунёдкорию созандагӣ идома дорад. Иқтидори истеҳсолии корхонаи нав коркарди то 100 тонна партов дар як шабонарӯз буда, дар он беш аз 150 нафар бо ҷойи кор таъмин мешаванд.
Корхонаи нави саноатӣ аз ҷониби Ҷамъияти саҳомии кушодаи «Технологияи коркард» дар ҳамкорӣ бо корхонаи муштараки «Апрелевка» ва ширкати илмӣ-истеҳсолии «Спирит»-и Федератсияи Русия бунёд мегардад.
Корхонаи муштараки «Апрелевка» ҳамчун корхонаи азими саноатӣ дар соҳаи истихроҷи маъдан фаъолият дошта, садҳо нафарро бо кор ва маош таъмин намудааст. Коркарди партовҳои ин корхона бо истифода аз технологияи навтарин ва бо харҷи кам имкон медиҳад, ки тиллою нуқра истеҳсол шавад.
Ширкати «Технологияи коркард» нақша дорад, ки ҳамкориро бо шарикон тақвият бахшида, бо истифода аз таҷрибаи пешрафта дар рушди саноати кӯҳӣ-металлургӣ саҳм гузорад. Инчунин барои оқилона истифода шудани захираҳои табиӣ ва ноил гардидан ба дастовардҳои бештар аз имконоти мавҷуда самаранок истифода намояд.
АКС: Хадамоти матбуоти Раиси вилояти Суғд
Ба сохтмони бинои нави Коллеҷи омори шаҳри Ваҳдат санги асос гузошта шуд
Ширкати ҳавопаймоии Shohin Airlines парвозҳои мунтазами дохилиро ба чор шаҳри Тоҷикистон оғоз менамояд
Сеюмин конференсияи солонаи Платформаи минтақавӣ оид ба татбиқи босуръати Конвенсияи СММ бар зидди коррупсия дар Осиёи Марказӣ доир шуд
Вилояти Хатлони Тоҷикистон ва вилояти Новосибирски Русия ҳамкорӣ менамоянд
Дар Анталия Павилиони миллии Тоҷикистон дар доираи COP31 ифтитоҳ гардид
Президенти Ҷумҳурии Тоҷикистон Эмомалӣ Раҳмон Беморхонаи байналмилалии Душанберо мавриди истифода қарор доданд
Тоҷикистон дар доираи COP31 ҳамоиши байналмилалӣ доир намуд
Сарвари давлат Эмомалӣ Раҳмон дар шаҳри Душанбе ҶДММ «Зари Душанбе»-ро ифтитоҳ намуданд
Платформаи минтақавӣ оид ба татбиқи босуръати Конвенсияи СММ бар зидди коррупсия дар Осиёи Марказӣ оғоз гардид
Пешвои миллат Эмомалӣ Раҳмон бинои шуъбаи Бозрасии давлатии автомобилии раёсати ВКД дар шаҳри Душанберо ифтитоҳ намуданд
Дар Тоҷикистон ҳолатҳои вайрон кардани қоидаҳои ҳаракат дар роҳҳо беш аз 7 фоиз зиёд шудааст
Ҳайати Тоҷикистон дар Конфронси 31-уми тарафҳои Конвенсияи қолабии СММ оид ба тағйирёбии иқлим иштирок намуд
