Ҳайати Тоҷикистон дар Италия дар самти ҳимояи ҳамаҷонибаи ҳуқуқҳои соҳибкорону сармоягузорон табодули таҷриба намуд
ДУШАНБЕ, 14.03.2025. /АМИТ «Ховар»/. Ҳайати Ҷумҳурии Тоҷикистон бо роҳбарии Ваколатдор оид ба ҳуқуқи инсон дар Ҷумҳурии Тоҷикистон Умед Бобозода бо мақсади табодули таҷриба дар самти ҳимояи ҳамаҷонибаи ҳуқуқҳои соҳибкорону сармоягузорон, инчунин истифодабарандагони хизматрасонии молиявӣ бо фаъолияти мақомоти дахлдори Ҷумҳурии Италия шинос гардид. Дар ин хусус ба АМИТ «Ховар» аз мақомоти Ваколатдор хабар доданд.
Ҳадафи шиносоӣ табодули таҷриба дар соҳаи ҳуқуқу озодиҳои инсон ва омӯзиши таҷрибаи мақомоти дахлдори Ҷумҳурии Италия дар самти ҳифзи ҳуқуқҳои соҳибкорону сармоягузорон, инчунин истифодабарандагони хизматрасониҳои молиявӣ мебошад.
Ваколатдор оид ба ҳуқуқи инсон дар Ҷумҳурии Тоҷикистон бо мақомоту идораҳои дахлдори Италия, аз ҷумла бо Омбудсмен оид ба ҳуқуқи инсон, Омбудсмени молиявӣ ва бонкӣ, Суди Олӣ, Вазорати адлия, Мактаби олии бозомӯзии судяҳо, Суди шаҳри Рим, Донишгоҳи давлатии Флоренсия, Суди шаҳри Флоренсия, Маркази ҳалли алтернативии баҳсҳои тиҷоратӣ ва дигар сохторҳои марбута якчанд мулоқот ва суҳбати судманд анҷом дод.
Дар ҷараёни вохӯриҳо масъалаҳо вобаста ба ҷанбаҳои гуногуни ҳуқуқу озодиҳои инсон, аз ҷумла иҷрои уҳдадориҳои байналмилалии Ҷумҳурии Тоҷикистон ва Ҷумҳурии Италия дар соҳаи ҳуқуқи инсон, мутобиқати пурраи ниҳодҳои миллӣ оид ба ҳуқуқи инсон ба талаботи Принсипҳои Париж, аз ҷониби судҳо баррасӣ намудани парвандаҳои иқтисодӣ, роҳҳои омодасозии магистрҳои соҳаи ҳуқуқи инсон, таҷрибаи татбиқи модели итолиёвии механизми миёнаравӣ дар самти тиҷорат ва савдо, инчунин омодасозии медиаторҳо ва ғайра мавриди баррасии ҷонибҳо қарор дода шуданд.
Тасмим гирифта шуд, ки ҷонибҳо барои тақвияти фаъолият дар ин самтҳо минбаъд низ ҳамкориро густариш медиҳанд.
АКС: Ваколатдор оид ба ҳуқуқи инсон дар Ҷумҳурии Тоҷикистон
Посух ба муроҷиати шаҳрванди Афғонистон Муҳаммад Ҳаким Турсун
«БЕҲТАРИН УСТО ВА ШОГИРД». Дар Душанбе даври ҷамъбастии фестивал-озмуни ҳунармандону косибон баргузор мегардад
КАСБУ ҲУНАР МЕОМӮЗЕМ! Маркази касбомӯзӣ ва хизматрасонӣ дар ноҳияи Восеъ ба хоҳишмандон касбу ҳунарҳои дар бозори меҳнат талабгорро меомӯзад
«ЯК МАТОВУ САД РАНГ». Шаҳри Душанбе бо намоиши либосҳои муосири миллӣ ба гирифтани ҷойи якум сазовор гардид
Дар Ню-Йорк ҳамкории Тоҷикистон бо шарикони байналмилалӣ дар самти муҳоҷират баррасӣ гардид
ОГОҲӢ! 10-12 май дар бештари қаламрави Тоҷикистон бориши бошиддати борони пешгӯӣ мешавад
Намояндагони Тоҷикистон дар дуюмин Форуми байналмилалии баррасии муҳоҷират иштирок намуданд
Муовини Сарвазири Тоҷикистон ба хонадони иштирокчии ҷанг аз шаҳри Ҳисор кумакпулии Пешвои миллатро супорид
Шаҳноза Ахмедова: «Рушди ҳунарҳои мардумӣ омили муҳими муаррифии давлат, миллат ва фарҳанг аст»
ПУРСИДЕД, ҶАВОБ МЕДИҲЕМ. Кадом хатарҳо ҳангоми истифодаи хизматрасониҳои молиявӣ дар Федератсияи Русия вуҷуд доранд?
Шаҳноза Ахмедова соҳиби Шоҳҷоизаи Фестивал-озмуни ҷумҳуриявии «Як матову сад ранг» гардид
Дар Дастгоҳи иҷроияи Президенти Ҷумҳурии Тоҷикистон бахшида ба ҷашни 35-солагии Истиқлоли давлатӣ нишасти илмию назариявӣ баргузор гардид
