Ҷаласаи Кумитаи тадорукот оид ба омодагӣ ва иштироки Тоҷикистон дар Намоишгоҳи байналмилалии ЭКСПО-2025 дар Осака доир шуд
ДУШАНБЕ, 04.03.2025. /АМИТ «Ховар»/. Бо мақсади таъмини иштироки сазовори Ҷумҳурии Тоҷикистон дар Намоишгоҳи байналмилалии ЭКСПО-2025 дар шаҳри Осакаи Ҷопон дар назди Вазорати рушди иқтисод ва савдо Кумитаи тадорукот оид ба омодагӣ ва иштироки Ҷумҳурии Тоҷикистон дар ин намоишгоҳ фаъолият дорад, ки 3 март ҷаласаи дуюми он баргузор гардид. Дар ин хусус ба АМИТ «Ховар» аз ин вазорат иттилоъ доданд.
Намоишгоҳи байналмилалии ЭКСПО-2025 дар шаҳри Осакаи Ҷопон аз 13 апрел то 13 октябри соли 2025 бо иштироки 161 кишвари ҷаҳон ва 9 созмони байналмилалӣ баргузор мегардад. Онро беш аз 28 миллион нафар тамошо менамоянд.
Намоишгоҳ зери шиори «Тарҳрезии ҷомеаи оянда барои мо» доир мешавад. Ҷумҳурии Тоҷикистон мавзуъҳои «Наҷоти ҳастӣ» ва «Пайванди ҳастӣ»-ро бо назардошти иқдом ва ташаббусҳои Президенти Ҷумҳурии Тоҷикистон муҳтарам Эмомалӣ Раҳмон дар самти ҳифзи пиряхҳо ва захираҳои обӣ интихоб намудааст.
Дар ҷаласа аз ҷониби масъулини вазорату идораҳо доир ба иҷрои корҳои анҷомдода, аз ҷумла дизайни павилиони мамлакат, интиқоли номгӯи молу маҳсулот, муаррифии имконияти сармоягузорӣ, намунаи нақшу нигораҳои фарҳанги миллӣ, инчунин сохти пиряхҳои табиати нодири ҷумҳурӣ ҳисобот дода шуд.
Дар анҷоми ҷаласа Вазири рушди иқтисод ва савдо – Раиси Кумитаи тадорукот оид ба омодагӣ ва иштироки Ҷумҳурии Тоҷикистон дар Намоишгоҳ Завқӣ Завқизода барои андешидани тадбирҳои зарурӣ дар самти муаррифии дастовардҳо ва имконияти саноатию кишоварзӣ, сайёҳию ҷолибияти мамлакат, лоиҳаҳои сармоягузорӣ, инчунин омодагӣ барои ҷалби ҳайати расмии ҷумҳурӣ сухан гуфт.
АКС: Вазорати рушди иқтисод ва савдои Ҷумҳурии Тоҷикистон
Дар Панҷакент коргоҳи коркарди қуму шағал ва истеҳсоли бетон ба истифода дода шуд
Ҷаласаи навбатии Комиссияи байниидоравӣ оид ба таъмини бехатарии авиатсионӣ баргузор шуд
Намояндагони «Тоҷикаэронавигатсия» бо раванди таҳсили донишҷӯёни тоҷик дар Академияи давлатии авиатсияи Беларус шинос гардиданд
Дар Душанбе ҷаласаи 14-уми Комиссияи байниҳукуматии Тоҷикистон ва Чин оид ба ҳамкории тиҷоратию иқтисодӣ доир шуд
Муовини Сарвазири Тоҷикистон бо вазъи соҳаи кишоварзии шаҳри Кӯлоб шинос гардид
Ҷаласаи навбатии Шурои байнидавлатии муқовимат ба коррупсияи кишварҳои аъзои ИДМ дар Минск доир шуд
Дар Лондон масъалаҳо оид ба соҳаи энергетикаи Тоҷикистон баррасӣ гардиданд
ЗЕҲНИ СУНЪӢ ДАР АМНИЯТИ КИБЕРӢ. Андешаҳо оид ба имконот ва таъсири он ба мудофиаи киберӣ
Дар Душанбе ҷаласаҳои муштараки соҳаи алоқаи кишварҳои Иттиҳоди Давлатҳои Мустақил баргузор мегарданд
Дар мавзуи «Портали ягонаи хизматрасониҳои давлатӣ ва ҳукумати электронӣ» ҳамоиш доир шуд
Дар ноҳияи Хуросон ҷамъоварии пахта идома дорад
Эъломияи Сеул ҳамкории давлатҳои Осиёи Марказӣ ва Кореяро дар соҳаи зеҳни сунъӣ тақвият медиҳад
