Ҷаласаи якуми Гурӯҳи кории байнидоравӣ оид ба таҳияи Нақшаи амали Стратегияи рушди иқтисоди «сабз» доир шуд
ДУШАНБЕ, 19.03.2025. /АМИТ «Ховар»/. 18 март дар Вазорати рушди иқтисод ва савдо ҷаласаи якуми Гурӯҳи кории байнидоравӣ оид ба таҳияи Нақшаи амали «Стратегияи рушди иқтисоди «сабз» дар Ҷумҳурии Тоҷикистон барои солҳои 2023-2037» барои солҳои 2026-2028 таҳти роҳбарии муовини якуми Вазири рушди иқтисод ва савдо Ашурбой Солеҳзода баргузор шуд. Дар ин хусус АМИТ «Ховар» бо истинод ба Вазорати рушди иқтисод ва савдо хабар медиҳад.
Ашурбой Солеҳзода иброз дошт, ки мақсади стратегия гузаронидани ислоҳоти инстутитсионалӣ, таъмини истифодаи самараноки сармояи табиӣ, ҷалби сармоягузорӣ, татбиқи технологияи муосиру инноватсионӣ ва таҳкими ҳамкории байналмилалӣ дар самти иқтисоди «сабз» мебошад.
Таъкид гардид, ки «Стратегияи рушди иқтисоди «сабз» дар Ҷумҳурии Тоҷикистон барои солҳои 2023-2037» аз рӯи ҳадафу вазифаҳои дар бахшҳои он муайянгардида ба 5 марҳила тақсим карда шудааст. Марҳилаҳои якум ва дуюм (солҳои 2023-2025 ва солҳои 2026-2028) чорабиниҳо дар самти оммавигардонии маълумот оид ба иқтисоди «сабз», таълим ва ташаккули тафаккури иқтисодию экологӣ, ворид намудани принсипҳои иқтисоди «сабз» ба санадҳои меъёрии ҳуқуқӣ, риоя намудани онҳо ҳангоми қабули қарорҳои идоракунӣ ва оғози амалигардонии стандартҳои иқтисоди «сабз» дар соҳаҳои иҷтимоиву иқтисодии мамлакатро дар бар мегиранд.
Вобаста ба ин пешниҳод гардид, ки аъзои Гурӯҳи корӣ ҳангоми омода намудани пешниҳодҳо ба Нақшаи амали стратегия дар солҳои 2026-2028 пешравиҳои дар ҷаҳони муосир амалигардида, тамоюлҳои нави рушди иқтисоди «сабз»-ро ки ба инноватсия, рақамикунонӣ ва истифодаи зеҳни сунъӣ равона гардидаанд, ба асос гирифта, дар доираи ҳадафу афзалияти стратегии мамлакат манзур намоянд.
Бо назардошти ин дар ҷаласаи Гурӯҳи корӣ марҳилаҳои таҳия ва манзур намудани пешниҳодҳо муайян карда шуданд.
АКС: Вазорати рушди иқтисод ва савдои Ҷумҳурии Тоҷикистон
Кормандони Бонки миллии Тоҷикистон ҷашни Истиқлоли давлатиро бошукуҳ таҷлил намуданд
Эмомалӣ Раҳмон: «Даромади буҷети давлатӣ дар солҳои соҳибистиқлолӣ беш аз 250 баробар зиёд гардид»
Пешвои миллат Эмомалӣ Раҳмон: «То соли 2037 Тоҷикистонро пурра ба кишвари «сабз» табдил медиҳем»
РОҲИ 35-СОЛАИ НИЗОМИ БОНКИИ ТОҶИКИСТОН: аз бунёди низоми мустақили бонкӣ то бонкдории рақамӣ
РУШДИ САНОАТ. Дар давраи Истиқлолияти давлатӣ Душанбе ба маркази воқеии саноат, савдо ва хизматрасонӣ табдил ёфт
Эмомалӣ Раҳмон: «Бо саҳми соҳибкорони ватандӯст ва шахсони саховатпеша зиёда аз 10 ҳазор километр роҳҳои маҳаллӣ навсозӣ гардида, 273 пул бунёд гардид»
Ҷамшед Ҷумахонзода: «Соҳаи сайёҳӣ ба яке аз самтҳои афзалиятноки рушди иқтисоди Тоҷикистон табдил ёфтааст»
Абдураҳмон Абдураҳмонзода: «Тоҷикистон дар солҳои соҳибистиқлолӣ чун давлати дорои суръати баланди рушди иқтисодӣ шинохта шуд»
Истифодаи технологияҳои муосир ва зеҳни сунъӣ самти афзалиятноки сиёсати давлатии Тоҷикистон мебошад
Истиқлол ва рушди саноат: аз сарвати табиӣ то неруи созанда
Эмомалӣ Раҳмон: «То охири сол дар кишвар таъсиси боз 500 корхонаю коргоҳи саноатӣ пешбинӣ шудааст»
Дар ноҳияи Ҷайҳун ба сохтмони хати технологии коркарди нафт санги асос гузошта шуд
