Бо ташаббуси Тоҷикистон дар қароргоҳи СММ чорабинии сатҳи баланд доир ба зеҳни сунъӣ баргузор шуд
ДУШАНБЕ, 08.03.2025. /АМИТ «Ховар»/. 7 марти соли 2025 дар қароргоҳи Созмони Милали Муттаҳид дар шаҳри Ню-Йорки Иёлоти Муттаҳидаи Амрико бо ибтикори Тоҷикистон чорабинӣ оид ба зеҳни сунъӣ (AI) таҳти унвони «Зеҳни сунъӣ дар Осиёи Марказӣ: Эҷоди имкониятҳо барои рушди устувор – таҷрибаи Тоҷикистон» баргузор гардид. Дар ин хусус ба АМИТ «Ховар» аз Агентии инноватсия ва технологияҳои рақамии назди Президенти Ҷумҳурии Тоҷикистон хабар доданд.
Баргузор гардидани чунин ҳамоиш бо ибтикори Ҷумҳурии Тоҷикистон рӯйдоди муҳим барои минтақаи Осиёи Марказӣ дар муҳокимаи ҷаҳонии зеҳни сунъӣ маҳсуб меёбад.
Дар маросими ифтитоҳи чорабинӣ намояндагони Ҷумҳурии Тоҷикистон — Вазири саноат ва технологияҳои нав Шералӣ Кабир ва Директори Агентии инноватсия ва технологияҳои рақамӣ Хуршед Мирзо дастовардҳо ва кӯшишҳои Тоҷикистонро дар пешбурди технологияҳои зеҳни сунъӣ муаррифӣ карда, аҳаммияти онҳоро дар рушди устувори Осиёи Марказӣ таъкид намуданд.
Дар чорабинӣ намояндагони доимии давлатҳои аъзои Созмони Милали Муттаҳид, аз ҷумла ҳамаи давлатҳои Осиёи Марказӣ, инчунин Марокаш, Озарбойҷон, Баҳрайн, Руминия, Амороти Муттаҳидаи Араб, Молдова, Индонезия, Иёлоти Муттаҳидаи Амрико, Олмон, Сингапур, Русия, Ҳиндустон, Арманистон ва дигар кишварҳо иштирок намуданд. Иштироки васеи намояндагони байналмилалӣ далели таваҷҷуҳи афзоянда ба мавзуи зеҳни сунъӣ ва нақши Тоҷикистон дар рушди он дар минтақаи Осиёи Марказӣ мебошад.
Дар қисмати дуюми чорабинӣ намояндагони доимии давлатҳои Осиёи Марказӣ таҷриба ва дурнамои соҳаи зеҳни сунъиро дар кишварҳои худ шарҳ дода, зарурати ҳамкории минтақавиро барои истифодаи самараноки ин технология таъкид карданд.
Иштирокчиён аҳаммияти ҳамкории кишварҳои Осиёи Марказиро барои истифодаи босамари зеҳни сунъӣ дар рушди устувор ва пешрафти технологӣ таъкид намуданд.
Иштирокчиён аз ташкили ин чорабинии муҳим изҳори сипос намуда, роҳбарӣ ва саҳми назарраси Тоҷикистонро дар низомҳои минтақавӣ ва ҷаҳонии зеҳни сунъӣ эътироф карданд.
Ташкили муваффақонаи ин чорабинӣ мавқеи афзояндаи Тоҷикистонро ҳамчун бозигари калидӣ дар рушди технологии ҷаҳонӣ ва уҳдадориҳои онро барои пешбурди рушди устувор тавассути инноватсия ва технологияҳои рақамӣ тасдиқ кард.
АКС: Агентии инноватсия ва технологияҳои рақамии назди Президенти Ҷумҳурии Тоҷикистон
Дар хоҷагии деҳқонии «Боғи Сомон»-и шаҳри Турсунзода мавсими тайёр кардани мавиз оғоз гардид
Рақамикунонӣ — омили муҳими рушди бехатарии озуқаворӣ дар сарҳад ва нақлиёт
Ширкати «Жонгшан»-и Чин дар Тоҷикистон ҳавзҳои муосири моҳидорӣ бунёд менамояд
«РОҒУН» — РАМЗИ ҚУДРАТИ ЭНЕРГЕТИКИИ ТОҶИКИСТОН ДАР АРСАИ БАЙНАЛМИЛАЛӢ. Андешаҳо дар ин маврид
Ҷиҳати пешгирии таъсири хавфҳои эҳтимолӣ ба иқтисодиёти миллӣ ҷаласа баргузор гардид
«СИЁСАТИ НУРАФЗО». Таҳти ин унвон доир ба нақши Пешвои миллат дар рушди соҳаи энергетика китоби нав ба нашр расид
Татбиқи ташаббусҳои глобалии Тоҷикистон оид ба ҳифзи пиряхҳо ва криосфера дар Душанбе баррасӣ шуд
Имрӯз парвози мустақим дар хатсайри Душанбе–Минск оғоз гардид
Ташаккули сиёсати зиддикоррупсионии Ҳукумати Ҷумҳурии Тоҷикистон дар даврони истиқлоли давлатӣ баррасӣ гардид
Агентии инноватсия ва технологияҳои рақамӣ ва Бонки рушди Авруосиё санади ҳамкорӣ ба имзо расониданд
«РАҚАМИКУНОНИИ МИНТАҚАҲОИ ОЗОДИ ИҚТИСОДӢ». Дар форуми байналмилалӣ 12 санади ҳамкорӣ имзо шуд
Дар Тоҷикистон нахустин коргоҳи истеҳсоли ранги хокавӣ барои хатҳои уфуқии роҳҳои мошингард ба истифода дода шуд
