Дар Ҷамоати деҳоти Султонободи ноҳияи Рӯдакӣ зиёда аз 400 бех ниҳоли арча шинонида шуд
ДУШАНБЕ, 14.03.2025 /АМИТ «Ховар»/. 11 март бо ташаббуси Вазорати рушди иқтисод ва савдои Ҷумҳурии Тоҷикистон дар Ҷамоати деҳоти Султонободи ноҳияи Рӯдакӣ аз ҷониби ҳайати кормандони маъмурияти Минтақаи озоди иқтисодии «Данғара» зиёда аз 400 бех дарахтони арчаи навъи сӯзанбарг шинонида шуд.
Тавре АМИТ «Ховар» бо истинод ба Минтақаи озоди иқтисодии «Данғара» хабар медиҳад, аз аввали мавсим то имрӯз аз тарафи Маъмурияти минтақаи озоди иқтисодии «Данғара» беш аз 700 бех дарахтони гуногуни ороишӣ ва мевадиҳанда шинонида шудаанд.
Бояд гуфт, ки дар Тоҷикистон «Барномаи давлатии кабудизоркунии Ҷумҳурии Тоҷикистон барои давраи то соли 2040» қабул гардидааст. Барнома бо мақсади амалӣ намудани чорабиниҳо дар самти шинонидани дарахту буттаҳо дар шаҳру ноҳияҳои ҷумҳурӣ таҳия шуда, ба коҳиш додани газҳои гулхонаӣ, барқарорсозии ҳолати экологии ҳавои атмосфера, нигоҳдории устувори тавозуни табиӣ, мутобиқшавӣ ба равандҳои тағйирёбии иқлим ва ғайра нигаронида шудааст.
Маъмурияти Минтақаи озоди иқтисодии «Данғара» то охири соли 2025 шинонидани боз 400 бех дарахти ҳамешасабзу сояафканро ба нақша гирифтааст.
АКС: Минтақаи озоди иқтисодии «Данғара»
ДАРАХТ БИНШОН! Дар ноҳияи Рашт беш аз 23 ҳазор бех ниҳоли ороишию ҳамешасабз шинонида шуд
Дар ноҳияҳои Шуғнон, Рӯшон, Дарвоз ва Ванҷ боғҳои чормағз бунёд карда мешаванд
ДАРАХТ БИНШОН! Дар ноҳияи Лахш беш аз 11 ҳазор бех ниҳоли мевадиҳанда ва ҳамешасабз шинонида шуд
ДАРАХТ БИНШОН! Дар боғи навбунёди Шуғнон 15 ҳазор бех ниҳоли дарахтони мевадиҳанда шинонида шуд
ДАРАХТ БИНШОН! Дар боғи навбунёди ноҳияи Мурғоб беш аз 10 ҳазор бех ниҳол шинонида шуд
ДАРАХТ БИНШОН! Дар ноҳияи Шуғнон боғи намунавӣ бунёд гардид
Дар шафати кӯли Ҳафткӯл-Ҳазорчашма 3900 бех ниҳолҳои мевадиҳанда шинонида шуд
БАРНОМАИ «КИШВАРИ САБЗ». Дар ноҳияи Айнӣ дар 0,80 гектар ниҳолхона ташкил карда шуд
«КАМАРБАНДИ САБЗ». Дар шафати роҳҳои автомобилгард беш аз 180 ҳазор бех ниҳол шинонида шуд
Дар ноҳияи Рӯшон дар 1 гектар боғи мевадиҳанда бунёд гардид
КИШВАРИ САБЗ. Дар шоҳроҳи Душанбе — Ваҳдат маъракаи муштараки ниҳолшинонӣ доир шуд
ДАРАХТ БИНШОН! Дар ноҳияи Ванҷ мавсими ниҳолшинонӣ оғоз ёфт
