Дар Бадахшон 56 нафар ронандагон аз сабти мақомоти андоз гузаштаанд
ДУШАНБЕ, 16.03.2025. /АМИТ «Ховар»/. Гурӯҳи кории Раёсати андози Вилояти Мухтори Кӯҳистони Бадахшон давоми се рӯз воситаҳои нақлиётро мавриди санҷиш қарор дод. Дар натиҷа муайян гардид, ки 56 нафар худро дар мақомоти андоз сабт намуда, баъди пардохти андоз соҳиби патент шудаанд. Аз инҳо 10 нафарашон ронандагони мошинҳои борбар ва 46 нафар ронандагони мошинҳои мусофирбар мебошанд.
Тавре аз Мақомоти иҷроияи ҳокимияти давлатии Вилояти Мухтори Кӯҳистони Бадахшон иттилоъ доданд, бо мақсади назорати риояи талаботи Қонуни Ҷумҳурии Тоҷикистон «Дар бораи бақайдгирии давлатии шахсони ҳуқуқӣ ва соҳибкорони инфродӣ» ва Қарори Ҳукумати Ҷумҳурии Тоҷикистон «Дар бораи қоидаҳои андозбандии соҳибкорони мутобиқи патент ва шаҳодатнома фаъолияткунанда» гурӯҳи корӣ таъсис ёфт. Ин гурӯҳ фаъолияти ҷамъиятҳои масъулияташон маҳдудеро, ки ба мусофирбарӣ ва боркашонӣ машғул мебошанд, дар ҳамкорӣ бо нозирони Бозрасии давлатии автомобилии вилоят мавриди санҷиш қарор дод.
Ба иттилои сардори шуъбаи хизматрасонӣ ба андозсупорандагони Раёсати андози вилоят Илҳом Мародҳусейнов, ҳангоми санҷиш муайян гардид, ки баъзе ронандагон худро дар мақомоти андоз сабт накарда, бе патент ба мусофиру боркашонӣ машғул мебошанд. Инчунин баъзе ронандагон бо патенте, ки муҳлати истифодааш ба охир расидааст, ба хизматрасонӣ машғул шудаанд.
АКС: АМИТ «Ховар»
Имрӯз дар водиҳои Тоҷикистон ҳаво то 26 дараҷа гарм мешавад
Маҷлиси намояндагон ду созишномаи ҳамкории Тоҷикистонро бо Фонди авруосиёии субот ва рушд тасдиқ намуд
Дар Душанбе доир ба Шабакаи иқлимии TajCN ҳамоиш баргузор гардид
Тоҷикистон ва Корея ҳамкориро дар самти рақамикунонии китобдорӣ густариш медиҳанд
Мутахассисони алоқа ба мавсими сармо омодагӣ мебинанд
Бо иштироки Сарвазири Тоҷикистон дар ноҳияи Шамсиддин Шоҳин иншооти гуногун ба истифода дода шуд
Бахшида ба Рӯзи забони давлатии Тоҷикистон дар ноҳияи Ёвон ҳамоиши тантанавӣ баргузор гардид
