Дар Донишгоҳи техникии Тоҷикистон омодакунии кадрҳои баландихтисоси соҳаи технологияҳои рақамӣ баррасӣ шуд
ДУШАНБЕ, 14.03.2025 /АМИТ «Ховар»/. 12 март дар Донишгоҳи техникии Тоҷикистон ба номи академик Муҳаммад Осимӣ вохӯрии директори Агентии инноватсия ва технологияҳои рақамии назди Президенти Ҷумҳурии Тоҷикистон Хуршед Файзуллозода бо роҳбарият ва устодону донишҷӯёни факултети технологияҳои рақамӣ, системаҳо ва ҳифзи иттилоотӣ баргузор шуд. Тавре ба АМИТ «Ховар» аз ин донишгоҳ хабар доданд, дар вохӯрӣ доир ба имконоти донишгоҳ дар самти омодакунии кадрҳои баландихтисоси соҳаи технологияҳои рақамӣ ва раванди корҳои илмӣ – таҳқиқотӣ дар ин самт изҳори назар гардид.
Иброз гардид, ки дар Паёми Президенти Ҷумҳурии Тоҷикистон муҳтарам Эмомалӣ Раҳмон ба Маҷлиси Олӣ «Дар бораи самтҳои асосии сиёсати дохилӣ ва хориҷии ҷумҳурӣ» 28 декабри соли 2024 оид ба рақамикунонии соҳаи таҳсилоти касбӣ, ташкили платформаи рақамӣ ва рушди инфрасохтори зарурӣ дар ин самт солҳои 2025-2030 Солҳои рушди иқтисоди рақамӣ ва инноватсия эълон гардиданд. Вобаста ба ин ба сохтори идоракунии донишгоҳ тағйирот ворид карда шуда, дар заминаи факултети технологияҳои иттилоотӣ ва коммуникатсионӣ факултети технологияҳои рақамӣ, системаҳо ва ҳифзи иттилоот таъсис дода шуд.
Ҳамзамон зимни мулоқот ҷонибҳо оид ба масъалаҳои тақвияти ҳамкории минбаъда дар самти корҳои илмӣ-таҳқиқотӣ, татбиқи лоиҳаҳо, таъсиси ихтисос ва кафедраҳои муштарак, гузаронидани таҷрибаомӯзии истеҳсолии донишҷӯён ва дар доираи ҳамкорӣ мустаҳкам намудани пояи моддӣ-техникии факултет табодули афкор намуда, барои рушди маҷмуи муносибатҳои таълимӣ, илмӣ ва истеҳсолӣ ба мувофиқа расиданд.
АКС: Донишгоҳи техникии Тоҷикистон ба номи академик Муҳаммад Осимӣ
Маркази барномаҳои байналмилалӣ қабули ҳуҷҷатҳои довталабонро ба донишгоҳҳои Узбекистон оғоз намуд
ИСТИҚЛОЛИЯТ ВА РУШДИ МАОРИФ. Дар вилояти Суғд 767 иншооти соҳаи маориф ба истифода дода шудааст
Дар муассисаҳои таҳсилоти миёнаи умумии Тоҷикистон зиёда аз 1 миллион китоби узбекӣ мавҷуд аст
СОЛИ ОБОДОНИЮ СОЗАНДАГӢ. Дар шаҳри Норак бинои нави муассисаи таълимӣ сохта мешавад
ИСТИҚЛОЛИЯТ ВА РУШДИ МАОРИФ. Дар вилояти Хатлон соҳаи маориф қариб ду баробар рушд намудааст
НИШАСТИ МАТБУОТӢ. Дар Филиали Донишкадаи энергетикии Москва дар шаҳри Душанбе лабораторияи нави «Электроникаи саноатӣ» кушода мешавад
Раиси шаҳри Шероз бо имконоти муосири таълимию илмии Донишгоҳи байналмилалии сайёҳӣ ва соҳибкории Тоҷикистон шинос шуд
ИСТИҚЛОЛИЯТ ВА РУШДИ МАОРИФ. Дар ин давра дар Тоҷикистон шумораи мактабҳо, хонандагон ва омӯзгорон афзоиш ёфт
Президенти Тоҷикистон: «Аҳолии узбекзабони шаҳри Турсунзода бо муассисаҳои таълимии узбекӣ ва китобҳои дарсӣ таъмин карда шаванд»
НИШАСТИ МАТБУОТӢ. Филиали Донишгоҳи давлатии Москва дар шаҳри Душанбе бо зиёда аз 40 муассисаи хориҷӣ ҳамкорӣ дорад
35-СОЛАГИИ ИСТИҚЛОЛИ ДАВЛАТӢ. Дар ноҳияи Рӯдакӣ раёсати маориф ва 3 муассисаи таҳсилоти томактабӣ ба истифода дода мешавад
Дар шаҳри Хуҷанд намоиш-фурӯши либос ва лавозимоти мактабӣ оғоз гардид
