Дар Фурудгоҳи байналмилалии Душанбе мулоқоти кормандони сохторҳои масъул бо мусофирон баргузор шуд
ДУШАНБЕ, 04.03.2025 /АМИТ «Ховар»/. Дар доираи татбиқи «Стратегияи муқовимат ба терроризм ва экстремизм дар Ҷумҳурии Тоҷикистон барои солҳои 2021-2025» дар Ҷамъияти саҳомии кушодаи «Фурудгоҳи байналмилалии Душанбе» мулоқоти кормандони Гумруки «Майдони ҳавоӣ»-и Раёсати минтақавии гумрукӣ дар шаҳри Душанбе, прокуратураи нақлиёти Тоҷикистон, шуъбаи назорати сарҳадии Қӯшунҳои сарҳадӣ, Корхонаи воҳиди давлатии «Роҳи оҳани Тоҷикистон», Раёсати Хадамоти муҳоҷирати Вазорати меҳнат, муҳоҷират ва шуғли аҳолии Ҷумҳурии Тоҷикистон ва Хадамоти амнияти бехатарии Ҷамъияти саҳомии кушодаи «Фурудгоҳи байналмилалии Душанбе» бо мусофирони хатсайрҳои ҳавопаймоҳое, ки ба Русия парвоз менамоянд, баргузор гардид.
Ба АМИТ «Ховар» аз Хадамоти гумруки назди Ҳукумати Ҷумҳурии Тоҷикистон иттилоъ доданд, дар вохӯрӣ таъкид шуд, ки экстремизм ва терроризм яке аз зуҳуроти номатлуби замони муосир ва вабои аср буда, ба ҳаёти иҷтимоию иқтисодӣ ва сиёсии кишварҳои ҷаҳон таҳдид менамояд. Ҳадафи созмонҳои террористӣ ва экстремистӣ ноором сохтани давлат ва ангехтани низоъҳои иҷтимоӣ ва мазҳабӣ мебошад.
Гуфта шуд, ки шаҳрвандони мамлакат бояд дар мубориза бо терроризм ва экстремизм фаъол бошанд, зиракии сиёсиро аз даст надиҳанд ва барои ҳифзи амнияти миллӣ талош намоянд.
Дар ҷараёни вохӯрӣ даъват ба амал оварда шуд, ки барои пешгирии ҳамроҳшавии ҷавонон ба гурӯҳҳои ифротӣ ва иштироки онҳо дар муноқишаҳои хориҷӣ тадбирҳои зарурӣ андешида шаванд. Ҳамчунин гуфта шуд, ки фарҳанги истифодаи интернет таҳти назорат қарор гирад ва аз мутолиаю паҳн кардани маводи марбут ба ҳизбу ҳаракатҳои мамнуъ худдорӣ карда шавад.
Зимни суҳбати озод масъулин ба саволҳои мусофирон посух доданд.
АКС: Хадамоти гумруки назди Ҳукумати Ҷумҳурии Тоҷикистон
Дар Душанбе марҳилаи дуюми Лоиҳаи «Тавонмандсозии марказҳои матбуотӣ ва ҳамкории онҳо бо ВАО» оғоз ёфт
Дар вилояти Хатлон гардиши савдои хориҷӣ ба 210,2 миллион доллар баробар гардид
Имрӯз дар Тоҷикистон ҳавои тағйирёбанда дар назар аст
Кӯдакону наврасони ноҳияи Шаҳринав ба истироҳат фаро гирифта мешаванд
Дар Хатлон ташаббуси вилоятии «Саҳми ман дар ободии Ватан» доир карда мешавад
Беш аз 5 ҳазор ҳолати вайронкунии қонунгузории замин дар маҳал бартараф карда шуд
Имрӯз ҳаво дар шаҳри Душанбе то 38 дараҷа гарм мешавад
Дар Бадахшон ҳаҷми маҷмӯи маҳсулоти минтақавӣ 873 миллион сомониро ташкил дод
Кишоварзони Кӯлоб аввалин маротиба зери плёнка чигит кишт намуданд
Имрӯз дар ноҳияҳои алоҳидаи Тоҷикистон чангу ғубор боқӣ мемонад
РУШДИ САЙЁҲӢ. Таърих, фарҳанг, табиат ва меҳмоннавозии мардум вилояти Суғд сайёҳонро бештар ба худ ҷалб намудааст
Дар истироҳатгоҳи омӯзишии «Истиқлол» таътили тобистонаи хонандагон хотирмон мегузарад
