Дар ноҳияи Ҷалолиддини Балхӣ дар 9935 гектар чигит кишт карда мешавад
ДУШАНБЕ, 30.03.2025. /АМИТ «Ховар»/. Соли равон дар ноҳияи Ҷалолиддини Балхӣ дар 9935 гектар пунбадона кишт карда мешавад. То имрӯз дар ҳудуди ноҳия дар 1450 гектар кишти чигит ва дар 110 гектар кишти чигити зери плёнка анҷом дода шудааст. Дар ин хусус ба АМИТ «Ховар» аз Мақомоти иҷроияи ҳокимияти давлатии ноҳияи Ҷалолиддини Балхӣ хабар доданд.
Тибқи иттилои сардори раёсати кишоварзии ноҳия Алимаҳмад Абдусатторзода, дар ҷамоату деҳаҳои ноҳия мавсими кишти пунбадона ҷараён дошта, кишоварзон бо истифода аз техникаҳои муосир ва тухмиҳои серҳосил барои иҷрои саривақтии нақшаи имсола кӯшиш менамоянд.
Ба иттилои масъулин, кишти чигит на танҳо барои таъмини соҳаи саноати нассоҷӣ бо ашёи хом муҳим аст, балки ба болоравии сатҳи даромади хоҷагиҳои деҳқонӣ ва беҳбуди вазъи иҷтимоии аҳолӣ низ мусоидат менамояд.
Ҳамчунин бо мақсади дастгирии кишоварзон ва рушди соҳаи пахтакорӣ мақомоти дахлдор дар ҳамкорӣ бо муассисаҳои илмӣ ва ширкатҳои истеҳсолкунандаи тухмӣ тадбирҳои зарурӣ меандешанд. Омӯзиши технологияҳои нав, таъмини саривақтии кишоварзон бо тухмиҳои аълосифат, нуриҳо ва маводи кимиёвӣ барои ҳифзи зироат аз ҳашароти зараррасон низ ба назар гирифта шудааст.
Барои таъмини ҳосили фаровон хоҷагидорон имсол аз техникаҳои муосир, усулҳои нави кишт ва тухмиҳои серҳосил истифода мебаранд. Дар баробари ин ба корҳои дурусти агротехникӣ, аз ҷумла омодасозии хок, истифодаи нуриҳои минералӣ ва обёрии самаранок таваҷҷуҳи махсус дода мешавад.
АКС: Мақомоти иҷроияи ҳокимияти давлатии ноҳияи Ҷалолиддини Балхӣ
Тавсеаи ҳамкорӣ байни Тоҷикистон ва Агентии давлатии ҳамкории байналмилалӣ ва рушди Чин баррасӣ шуд
НИШАСТИ МАТБУОТӢ. Дар 55 деҳа, маҳалла ва шаҳракҳои Тоҷикистон тадқиқоти муҳандисӣ-геологӣ анҷом дода шуд
Телевизиони «Синамо» силсилафилми ҳунарии «Нерӯи ишқ»-ро таҳия намуд
Сарвазири Тоҷикистон дар ноҳияҳои вилояти Хатлон бо рафти корҳои созандагӣ шинос гардид
Дар Душанбе масъалаи таъминоти сӯзишворӣ дар бозори истеъмолӣ ва танзими нархи он баррасӣ шуд
Ваколатдор оид ба ҳуқуқи инсон бо Раиси Кумитаи миллӣ оид ба ҳуқуқи инсони Давлати Қатар вохӯрӣ намуд
Лоиҳаи пеш аз асосноккунии техникӣ-иқтисодии сохтмони метро дар шаҳри Душанбе ҷамъбаст гардид
ОБЁРИИ ҚАТРАГӢ ЧӢ БАРТАРӢ ДОРАД? Шарҳи коршинос дар ин мавзуъ
Дар Тоҷикистон беш аз 14 ҳазор гектар шолӣ кишт карда шудааст
Хатсайри қатораи Душанбе – Москва — Душанбе пас аз 6 сол барқарор гардид
Дар Панҷакент корхонаи мурғпарварӣ ва ҳавзҳои моҳидорӣ ба фаъолият оғоз намуданд
Дар Тоҷикистон «Барномаи давлатии рушди инноватсионии соҳаи пахтакорӣ барои солҳои 2026–2030» қабул гардид
