Дар ноҳияи Шамсиддини Шоҳин шуъбаи эндовидеоҷарроҳӣ ба истифода дода шуд
ДУШАНБЕ, 24.03.2025. /АМИТ «Ховар»/. Дар Беморхонаи марказии ноҳияи Шамсиддини Шоҳини вилояти Хатлон шуъбаи эндовидеоҷарроҳӣ ба истифода дода шуд. Дар ин хусус ба АМИТ «Ховар» дар Вазорати тандурустӣ ва ҳифзи иҷтимоии аҳолии Ҷумҳурии Тоҷикистон иттилоъ доданд.
Бори аввал ба беморхона дастгоҳи муосири эндовидеоҷарроҳӣ дастрас карда шуд, ки минбаъд мутахассисон бо истифода аз он метавонанд ҷарроҳиҳои гуногунро бо усули нав, яъне бе буриш ва бо сатҳу сифати баланд гузаронанд.
Мутахассисони Вазорати тандурустӣ ва ҳифзи иҷтимоии аҳолӣ ба ноҳияи Шамсиддини Шоҳин рафта, давоми 10 рӯз якҷоя бо табибони беморхона амалиёти ҷарроҳиро бо усули нав ва бо истифода аз ин дастгоҳ анҷом медиҳанд. Аллакай аз ҷониби мутахассисони вазорат ва табибони беморхона 3 амалиёти ҷарроҳӣ дар самти гирифтани талха ва гирифтани рӯдаи кирмшакл бо истифода аз дастгоҳи эндовидеоҷарроҳӣ бо муваффақият гузаронида шуд.
Дар оянда роҳбарияти беморхона тасмим гирифтааст, ки ҷарроҳии бемориҳои урологиро низ бо истифода аз дастгоҳи эндовидеоҷарроҳӣ гузаронанд.
АКС: Вазорати тандурустӣ ва ҳифзи иҷтимоии ахолии Ҷумҳурии Тоҷикистон
Бахшида ба Рӯзи байналмилалии бабри барфӣ дар Хоруғ конфронси илмӣ-амалӣ доир шуд
ПУРСИДЕД, ҶАВОБ МЕДИҲЕМ. Доғи судӣ чӣ гуна метавонад монеаи гирифтани патент дар Федератсияи Русия гардад?
Оид ба идоракунии инноватсионии давлатӣ дар шароити трансформатсияи иқтисоди рақамӣ дар Тоҷикистон ҳамоиш доир шуд
Дар Самарқанд Саммити ҷаҳонӣ доир ба некӯаҳволии кӯдакон баргузор гардид
Байни Тоҷикистон ва Узбекистон Ёддошти тафоҳуми ҳамкорӣ ба имзо расид
Дар вилояти Суғд зиёда аз 1200 муассисаи тиббии давлатӣ ва хусусӣ фаъолият дорад
Моҳи ноябр дар Тоҷикистон бориши борон ва ба амал омадани чангу ғубор дар назар аст
ОМОДАГӢ БА ЗИМИСТОН. Дар муассисаҳои таълимии шаҳри Ҳисор 2277 тонна ангишт захира гардидааст
Қариб 200 миллион нафар дар ҷаҳон аз истеъмоли нокифояи йод азият мекашанд
Дар Душанбе омодасозии мутахассисони соҳаи тандурустӣ дар Осиёи Марказӣ баррасӣ гардид
Бахшида ба Рӯзи Президенти Тоҷикистон таҳти унвони «Тамаддуни ориёӣ» озмуни ҷумҳуриявӣ доир мешавад
Рустами Эмомалӣ ворид намудани тағйиру иловаҳо ба Қонун «Дар бораи маҳдуд намудани истифодаи маҳсулоти тамоку»-ро ҷонибдорӣ намуданд
