Дар шаҳри Ҳисор даври шаҳрии Озмуни ҷумҳуриявии «Сад ранги чакан» баргузор шуд
ДУШАНБЕ, 04.03.2025 /АМИТ «Ховар»/. Бо ибтикори Мақомоти иҷроияи ҳокимияти давлатии шаҳри Ҳисор даври шаҳрии Озмуни ҷумҳуриявии «Сад ранги чакан» баргузор гардид, ки ҳунармандону дӯстдорони ҳунари чакандӯзиро аз ҷамоатҳо ва шаҳраку деҳот ҷамъ овард, иттилоъ медиҳад АМИТ «Ховар» бо истинод ба ин мақомот.
Ҳунармандон ва дӯстдорони санъати чакандӯзӣ аз ҷамоатҳои шаҳраку деҳот, муассисаҳои соҳаҳои маорифу тандурустӣ ва корхонаю дӯконҳои дӯзандагӣ маҳсули дастонашро ба намоиш гузоштанд. Доварон беҳтарин ҳунармандонро интихоб ва маҳсули заҳмати онҳоро қадрдонӣ намуданд.
Баргузории даври шаҳрии Озмуни ҷумҳуриявии «Сад ранги чакан» яке аз тадбирҳои муҳим дар роҳи баланд бардоштани эҳсоси ватандӯстию хештаншиносӣ, арҷ гузоштан ба таъриху тамаддун, эҳёи расму ойин ва ҳунарҳои мардумӣ, ташвиқу тарғиби фарҳанги ниёгон, фароҳам овардани имкони муаррифии ҳунари занону духтарон ва ба ин васила рушду муаррифии фарҳангу ҳунари волои халқи тоҷик ба ҷаҳониён маънидод гардид.
Дар фазои тантанавӣ ба беҳтарин ҳунармандон «Сипоснома» ва туҳфаҳои Мақомоти иҷроияи ҳокимияти давлатии шаҳри Ҳисор тақдим гардид.
АКС: Мақомоти иҷроияи ҳокимияти давлатии шаҳри Ҳисор
Пагоҳ дар Донишгоҳи давлатии тиҷорати Тоҷикистон ва Донишгоҳи славянии Тоҷикистон-Русия нишасти матбуотӣ баргузор мегардад
«МЕРОСИ МО». Муассисаи фарҳангии ЭКО нахустин ҷашнвораи байналмилалии аксбардории мобилӣ баргузор менамояд
Имрӯз дар водиҳои Тоҷикистон ҳаво то 38 дараҷа гарм мешавад
Имрӯз дар шаҳри Душанбе ҳаво то 39 дараҷа гарм мешавад
Донишгоҳи давлатии Бохтар ҳамкории байналмилалиро бо муассисаҳои хориҷӣ густариш медиҳад
Шаҳрвандон ва соҳибкорон тавассути ПОС – терминалҳо ва ҳамёнҳои электронӣ 3,7 миллион амалиёти ғайринақдӣ анҷом доданд
Имрӯз дар баъзе ноҳияҳои Тоҷикистон чангу ғубор боқӣ мемонад
Имрӯз дар доманакӯҳҳои Тоҷикистон ҳаво то 34 дараҷа гарм мешавад
