Дар Тоҷикистон шабакаи ягонаи назорати рақамии вазни мошинҳои боркаш таъсис дода мешавад
ДУШАНБЕ, 11.03.2025 /АМИТ «Ховар»/. Муассисаи давлатии «Маркази татбиқи лоиҳаи таҷдиди роҳи автомобилгарди «Душанбе – Чанок» дар яке аз қитъаҳои роҳи автомобилгарди дорои аҳамияти байналмилалии «Душанбе- Кӯлоб-Кулма» нуқтаи боркашониро бо таҷҳизоти вазнченкунии динамикии муосир муҷаҳҳаз гардонид, иттилоъ медиҳад АМИТ «Ховар» бо истинод ба Вазорати нақлиёти Тоҷикистон.
Нуқтаи боркашонӣ дар километри 190+300-и ин шоҳроҳ, дар қитъаи воқеъ дар ноҳияи Шамсиддини Шоҳини вилояти Хатлон ҷойгир буда, бо ҷалби сармояи хориҷӣ бо таҷҳизоти вазнченкунии динамикии муосири истеҳсоли Чин ZCS-30 (SCS/ZCS) муҷаҳҳаз гардонида шудааст. Он ба шабакаи назорати рақамии Корхонаи воҳиди давлатии «Маркази рақамикунонии соҳаи нақлиёт»-и Вазорати нақлиёт пайваст гардид. Низоми нави вазнченкунӣ бо сенсорҳои рақамӣ имкон медиҳад, ки вазни воситаи нақлиёт ҳангоми ҳаракати он чен карда шавад ва ягон мошини боркаш бе назорат намонад.
Гуфта мешавад, ки дар шашмоҳаи дуюми соли 2024 дар нуқтаҳои боркашонии воқеъ дар километри 15-уми роҳи автомобилгарди «Душанбе-Ваҳдат-Лахш» (ноҳияи Файзобод), километри 56-уми роҳи автомобилгарди «Душанбе — Кӯлоб — Кулма» (шаҳри Норак), километри 80+300-уми роҳи автомобилгарди «Душанбе-Бохтар» (мавзеи Қизилқалъаи ноҳияи Хуросон) таҷҳизоти вазнченкунии муосири ZCS-30 насбу васл карда шуданд.
Тибқи нақшаи Хадамоти давлатии назорат ва танзим дар соҳаи нақлиёти Вазорати нақлиёти ҷумҳурӣ, соли 2025 дар нуқтаҳои боркашонӣ дар ду даромадгоҳи шаҳри Душанбе (яке аз самти «Бохтар–Душанбе», дигаре аз самти «Турсунзода – Душанбе»), инчунин дар километи 92-юми роҳи «Конибодом–Деҳмой» (мавзеи Шаббода), километри 33,600-уми роҳи «Душанбе – Кулма» (шаҳри Ваҳдат), километри 22-юми роҳи «Душанбе-Турсунзода» (шаҳри Ҳисор), километри 12-уми роҳи «Душанбе — ноҳияи Рӯдакӣ – Ёвон» (мавзеи Султонобод) ва километри 322+5-уми роҳи «Душанбе – Чанок» (шаҳри Истиқлол) таҷҳизоти вазнченкунии муосири ZCS-30 насбу васл карда мешаванд.
Ҳамин тариқ, дар ҷумҳурӣ шабакаи ягонаи назорати рақамии вазни мошинҳои боркаш таъсис дода мешавад. Хадамоти давлатии назорат ва танзим дар соҳаи нақлиёт дар ҳамкорӣ бо ширкатҳои мобилӣ ҳамаи тарозуҳои мобилӣ ва динамикию статсионарии ченкунии вазни воситаҳои нақлиёти боркашро дар 30 нуқтаи боркашонии мамлакат тавассути интернет ба ин шабака интиқол медиҳад.
Масъалаи таъсиси шабакаи ягонаи рақамии назорати ҳаракати мошинҳои боркаш дар роҳҳои автомобилгарди ҷумҳуриро қаблан Президенти Ҷумҳурии Тоҷикистон муҳтарам Эмомалӣ Раҳмон дар Паём ба Маҷлиси Олӣ соли 2023 супориш дода буданд.
АКС: Вазорати нақлиёти Ҷумҳурии Тоҷикистон
Кормандони Бонки миллии Тоҷикистон ҷашни Истиқлоли давлатиро бошукуҳ таҷлил намуданд
Эмомалӣ Раҳмон: «Даромади буҷети давлатӣ дар солҳои соҳибистиқлолӣ беш аз 250 баробар зиёд гардид»
Пешвои миллат Эмомалӣ Раҳмон: «То соли 2037 Тоҷикистонро пурра ба кишвари «сабз» табдил медиҳем»
РОҲИ 35-СОЛАИ НИЗОМИ БОНКИИ ТОҶИКИСТОН: аз бунёди низоми мустақили бонкӣ то бонкдории рақамӣ
РУШДИ САНОАТ. Дар давраи Истиқлолияти давлатӣ Душанбе ба маркази воқеии саноат, савдо ва хизматрасонӣ табдил ёфт
Эмомалӣ Раҳмон: «Бо саҳми соҳибкорони ватандӯст ва шахсони саховатпеша зиёда аз 10 ҳазор километр роҳҳои маҳаллӣ навсозӣ гардида, 273 пул бунёд гардид»
Ҷамшед Ҷумахонзода: «Соҳаи сайёҳӣ ба яке аз самтҳои афзалиятноки рушди иқтисоди Тоҷикистон табдил ёфтааст»
Абдураҳмон Абдураҳмонзода: «Тоҷикистон дар солҳои соҳибистиқлолӣ чун давлати дорои суръати баланди рушди иқтисодӣ шинохта шуд»
Истифодаи технологияҳои муосир ва зеҳни сунъӣ самти афзалиятноки сиёсати давлатии Тоҷикистон мебошад
Истиқлол ва рушди саноат: аз сарвати табиӣ то неруи созанда
Эмомалӣ Раҳмон: «То охири сол дар кишвар таъсиси боз 500 корхонаю коргоҳи саноатӣ пешбинӣ шудааст»
Дар ноҳияи Ҷайҳун ба сохтмони хати технологии коркарди нафт санги асос гузошта шуд
