Дастовардҳои соҳаи сайёҳӣ ва хизматрасонии Тоҷикистон дар ITB BERLIN 2025 муаррифӣ гардиданд
ДУШАНБЕ, 05.03.2025 /АМИТ «Ховар»/. Намояндагони Донишгоҳи байналмилалии сайёҳӣ ва соҳибкории Тоҷикистон таҳти роҳбарии ректори Донишкадаи байналмилалии Леваканти ин донишгоҳ Саидмаҳмуд Саидзода дар «Намоишгоҳи байналмилалии сайёҳӣ – ITB Berlin» иштирок намуданд. Дар ин хусус АМИТ «Ховар» бо истинод ба Донишгоҳи байналмилалии сайёҳӣ ва соҳибкории Тоҷикистон иттилоъ медиҳад.
ITB Berlin яке аз бузургтарин намоишгоҳҳои байналмилалии соҳаи сайёҳӣ ба шумор рафта, платформаи муҳим барои муаррифии имконоти сайёҳӣ ва рушди ҳамкории байналмилалӣ мебошад.
Намояндагони Донишгоҳи байналмилалии сайёҳӣ ва соҳибкории Тоҷикистон дар ин намоишгоҳи сатҳи ҷаҳонӣ имконоти сайёҳии Тоҷикистон, дастовардҳои соҳаи омодасозии кадрҳо барои бахшҳои сайёҳӣ ва хизматрасониро муаррифӣ намуданд.
Дар ҷараёни намоишгоҳ ҳамчунин бо намояндагони ширкатҳои бонуфузи ҷаҳонӣ дар самти сайёҳӣ ва меҳмондорӣ мулоқот ва гуфтушунид намуда, масъалаҳои марбут ба рушди ҳамкории таълимӣ ва табодули таҷрибаро мавриди баррасӣ қарор доданд.
Иштироки намояндагони Донишгоҳи байналмилалии сайёҳӣ ва соҳибкории Тоҷикистон дар намоишгоҳи ITB Berlin қадами муҳим дар самти муаррифии Тоҷикистон ҳамчун сарзамини ҷолиби сайёҳӣ ва рушди ҳамкории байналмилалӣ дар соҳаи меҳмондорӣ маҳсуб мешавад.
АКС: Донишгоҳи байналмилалии сайёҳӣ ва соҳибкории Тоҷикистон
Бахшида ба Рӯзи Модар дар шаҳри Душанбе хатсайри сайёҳӣ ташкил гардид
Дар Донишгоҳи давлатии ҳуқуқ, бизнес ва сиёсати Тоҷикистон Ҳафтаи дарҳои кушод ҷамъбаст гардид
Форуми IV байналмилалии «Наврӯзи Душанбе – меҳвари робитаҳои фарҳангию сайёҳӣ» 19 март баргузор мешавад
Донишҷӯёни тоҷик ба Донишгоҳи давлатии иқтисодии Тошканд ҷалб гардиданд
Доир ба муаррифии ҷашнҳои миллӣ тавассути ВАО ва саҳифаҳои иҷтимоии блогерон вохӯрӣ баргузор шуд
35-СОЛАГИИ ИСТИҚЛОЛИ ДАВЛАТӢ. Дар Истаравшан бинои нави муассисаи таълимӣ бунёд карда мешавад
Даври якум (асосӣ)-и бақайдгирии довталабон барои иштирок дар имтиҳонҳои марказонидаи дохилшавӣ оғоз шуд
Дар Донишгоҳи давлатии Кӯлоб Рӯзи дарҳои кушод баргузор шуд
Хизматҳои донишманди тоҷик аз ҷониби Бунёди Саъдии Шерозӣ дар Ҳиндустон қадрдонӣ гардиданд
Донишгоҳи давлатии Хуҷанд ҳамкориро бо муассисаҳои таълимӣ-илмии Олмон ва Фаронса тақвият медиҳад
Дар Душанбе рушди тиҷорат дар шароити иқтисоди «сабз» баррасӣ гардид
САЙЁҲИИ ГАСТРОНОМӢ. Тавассути ин намуди сайёҳӣ ҷаҳонгардон аз хӯрокҳои миллии тоҷикӣ лаззат мебаранд
