Ироқ имзои Шартнома байни Тоҷикистон ва Қирғизистонро оид ба сарҳади давлатӣ муҳим арзёбӣ намуд
ДУШАНБЕ, 17.03.2025 /АМИТ «Ховар»/. Вазорати корҳои хориҷии Ҷумҳурии Ироқ имзои Шартнома байни Тоҷикистон ва Қирғизистонро оид ба сарҳади давлатӣ муҳим арзёбӣ намуд.
«Ин тавофуқ қадами муҳим барои таҳкими суботи минтақавӣ буда, рағбати ду давлатро ҷиҳати ҳалли низоъҳо аз тариқи роҳҳои осоишта таҷассум месозад. Вазорат аз талошҳои дипломатии ду ҷониб ситоиш намуда, итминон дорад, ки ин дастовард дар татбиқи рушди устувор ва тақвияти амнияти муштарак саҳм мегузорад»,- гуфта шудааст дар изҳороти Вазорати корҳои хориҷӣ Ҷумҳурии Ироқ.
Вазорат ба Тоҷикистон ва Қирғизистон рушду шукуфоии беш аз пеш таманно намуда, дастгирияшро аз ҷаҳду талошҳое, ки барои таҳкими амну истиқрор дар минтақа нигаронида шудааст, таъкид месозад.
Ёдовар мешавем, ки 13 март аз рӯйи натиҷаҳои гуфтушунидҳо сарони давлатҳои Тоҷикистон ва Қирғизистон муҳтарам Эмомалӣ Раҳмон ва муҳтарам Садир Жапаров зери Изҳороти муштарак доир ба таҳкими минбаъдаи дӯстӣ ва ҳамсоягии наку ва Шартнома байни Ҷумҳурии Тоҷикистон ва Ҷумҳурии Қирғизистон дар бораи сарҳади давлатӣ имзо гузоштанд.
АКС: Хадамоти матбуоти Президенти Ҷумҳурии Тоҷикистон/АМИТ «Ховар»
Ҳамкории дуҷонибаи Тоҷикистону Умон баррасӣ гардид
Сафири Тоҷикистон бо раиси Палатаи савдо ва саноати Салтанати Умон мулоқот намуд
Ҳамкории Тоҷикистон ва Эрон дар соҳаи илму фарҳанг баррасӣ шуд
Дар Берлин консерти ансамбли «Моҳирон» дар доираи фестивали байналмилалии Young Euro Classic баргузор гардид
Ҳамкории Тоҷикистону Кувайт дар соҳаи ҳуқуқи инсон баррасӣ шуд
Дар Кувайт ҳамкорӣ ва ҳамоҳангсозӣ дар самти консулӣ байни Тоҷикистон ва Давлати Кувайт баррасӣ гардид
Дар Вена масъалаҳои таҳкими ҳамкории илмӣ-фарҳангии Тоҷикистон ва Австрия баррасӣ гардиданд
Сироҷиддин Муҳриддин бо ҳамоҳангсози доимии СММ дар Тоҷикистон мулоқот намуд
Дар Анқара машваратҳои сиёсӣ байни вазоратҳои корҳои хориҷии Тоҷикистон ва Туркия баргузор шуданд
Масоили ҳамкорӣ дар соҳаи моликияти зеҳнӣ байни Тоҷикистон ва Корея баррасӣ гардид
Дар Теҳрон ҳамкории дуҷониба байни Тоҷикистон ва Эрон баррасӣ шуд
Сафири Тоҷикистон бо Вазири давлатии вазорати федералии корҳои хориҷии Олмон оид ба корҳои Аврупо мулоқот намуд
