Кишоварзони шаҳри Панҷакент ба кишти барвақтии картошка оғоз намуданд
ДУШАНБЕ, 16.03.2025. /АМИТ «Ховар»/. Кишоварзони хоҷагии деҳқонии «Ворӯ»-и Ҷамоати деҳоти Ворӯи шаҳри Панҷакент бо истифода аз рӯзҳои офтобӣ нахустин шуда, дар шаҳр ба кишти барвақтии картошка оғоз намуданд.
Тавре аз Мақомоти иҷроияи ҳокимияти давлатии шаҳри Панҷакент ба АМИТ «Ховар» хабар доданд, аъзои хоҷагии деҳқонӣ соли равон дар 85 гектар заминҳои ҳамвори мавзеи Рукнобод ва қитъаҳои кишти кӯҳсор картошка кишт менамоянд.
Кишоварзони Ҷамоати деҳоти Ворӯ тасмим гирифтаанд, ки соли равон дар 280 гектар картошка шинонанд.
Инчунин дар хоҷагии деҳқонӣ ва инфиродии Ҷамоати деҳоти Халифа Ҳасани шаҳри Панҷакент дар 535 гектар кишти картошка, ки қисми асосии он барвақтӣ аст, пешбинӣ шуда, кишоварзон машғули кишт мебошанд.
Аз ҷумла, кишоварзони хоҷагии деҳқонии «Меҳнатобод» дар 32 гектар ба кишти барвақтии картошка шуруъ намуданд.
Кишоварзони хоҷагиҳои деҳқонии шаҳри Панҷакент дар рӯёнидани ҳосили фаровон аз картошкаи барвақтӣ таҷрибаи ғанӣ дошта, аз рӯзҳои офтобӣ босамар истифода менамоянд.
Онҳо баъди ҷамъоварии ҳосили картошкаи барвақтӣ дигар намуди сабзавот, аз ҷумла сабзӣ, карам, турбу шалғам кишт карда, даромадро аз ҳар ҳиссаи замин зиёд менамоянд.
АКС: Мақомоти иҷроияи ҳокимияти давлатии шаҳри Панҷакент
Дар Душанбе ҳамоиши картошкапарварон ва намоиш-фурӯши картошка баргузор мегардад
Густариши ҳамкории иқтисодию тиҷоратии Тоҷикистону Олмон баррасӣ гардид
Дар Тоҷикистон ҳамоиши картошкапарварон баргузор мешавад
Байни соҳибкорони вилояти Суғд ва Қазоқистон санадҳои нави ҳамкорӣ ба имзо расиданд
Дар Душанбе самтҳои ҳамкорӣ бо ҳайати Палатаи савдои хориҷии Олмон баррасӣ гардид
Дар Остона дурнамои рушди ҳамкории Тоҷикистону Қазоқистон дар соҳаҳои электроэнергетика ва нафту газ баррасӣ гардид
Тоҷикистон дар доираи татбиқи Консепсияи рушди соҳаи ангишт ҳаҷми истихроҷи ангиштро ба 15 миллион тонна мерасонад
Дар Остона Форуми соҳибкории Тоҷикистону Қазоқистон баргузор шуд
Дар оянда байни Тоҷикистон ва Амрико парвозҳои мустақими ҳавоӣ ба роҳ монда мешаванд
Ҳамкории Кумитаи рушди маҳали Тоҷикистон ва Бонки ҷаҳонӣ оид ба такмили низоми худидоракунӣ баррасӣ гардид
Таҳкими ҳамкории иқтисодию сармоягузории Тоҷикистону Ветнам баррасӣ карда шуд
Масъалаҳои тақвияти ҳамкорӣ дар самти бехатарии озуқаворӣ бо намояндагони Бонки ҷаҳонӣ баррасӣ шуданд
