Марҳилаи муҳими татбиқи Лоиҳаи «Барномаи рушди фарогири деҳот» дар Тоҷикистон ба анҷом расид
ДУШАНБЕ, 20.03.2025 /АМИТ «Ховар»/. 18 март дар Вазорати рушди иқтисод ва савдо бахшида ба анҷомёбии марҳилаи муҳими татбиқи Лоиҳаи «Барномаи рушди фарогири деҳот (IRDP TRIGGER)», ки бо маблағгузории Иттиҳоди Аврупо ва Вазорати федералии ҳамкории иқтисодӣ ва рушди Олмон (BMZ) бо дастгирии техникии ташкилоти GIZ амалӣ мешавад, ҳамоиш баргузор гардид. Дар ин хусус АМИТ «Ховар» бо истинод ба Вазорати рушди иқтисод ва савдо хабар медиҳад.
Вазири рушди иқтисод ва савдои ҷумҳурӣ Завқӣ Завқизода иброз намуд, ки бо шарофати сиёсати хирадмандона ва дурбинонаи Президенти Ҷумҳурии Тоҷикистон муҳтарам Эмомалӣ Раҳмон муносибатҳои дуҷониба ва ҳамкории иқтисодии Тоҷикистон бо шарикони байналмилалӣ мунтазам рушд ёфта, заминаи боэътимод барои татбиқи лоиҳаҳои созандаю пурсамар фароҳам оварда шудааст.
Вазири рушди иқтисод ва савдо баён дошт, ки лоиҳаи IRDP TRIGGER қадами муҳим барои баланд бардоштани маҳсулнокӣ ва рақобатпазирии маҳсулоти кишоварзӣ, беҳтар намудани дастрасӣ ба бозорҳои дохилӣ ва хориҷӣ, таҳкими имконияти соҳибкории ҷавонон, тақвияти идоракунии захираҳои об ва рушди устувори деҳот гардид.
Лоиҳа ноҳияҳои вилояти Суғд, вилояти Хатлон ва минтақаҳои водиҳои Зарафшон ва Раштро дар бар гирифта, дар беҳтар намудани вазъи иқтисодӣ ва иҷтимоии сокинон, дастгирии истеҳсолкунандагони хурд, таҳкими ҳамкории бахшҳои давлатӣ ва хусусӣ, амалӣ намудани стандартҳои байналмилалӣ ва тақвияти иқтидори содиротии мамлакат саҳми назаррас гузошт.
АКС: Вазорати рушди иқтисод ва савдои Ҷумҳурии Тоҷикистон
Дар Бангкок тавсеаи ҳамкории Тоҷикистон бо ЭСКАТО баррасӣ гардид
Ҳайати Тоҷикистон дар конфронси ҷаҳонии Сеул оид ба корхонаҳои давлатӣ иштирок намуд
СТРАТЕГИЯИ РУШДИ СОҲАИ АЛОҚА. Қабули ин санади стратегӣ кафолати рушди босуботи соҳа мебошад
Дар Тоҷикистон 87 лоиҳаи сармоягузории давлатӣ ба маблағи 51,6 миллиард сомонӣ амалӣ мегардад
Гурӯҳи кории байниидоравӣ оид ба рақамикунонии соҳаи буҷет ва молия таъсис дода мешавад
Раиси Кумитаи рушди сайёҳии Ҷумҳурии Тоҷикистон дар ҷаласаи СҲШ иштирок намуд
Президенти Тоҷикистон таъмини амнияти озуқавориро масъалаи стратегӣ ва ҳаётан муҳим номиданд
Сарвари давлат Эмомалӣ Раҳмон дар маҷлиси Ҳукумат ба масъулон барои коҳиши фоизи қарзҳо ва рушди пардохтҳои ғайринақдӣ дастур доданд
Тоҷикистон ба ҷомеаи рақамии пешрафта бо иқтисоди инноватсионии рақобатпазир табдил меёбад
Дар Барселона имконоти сармоягузории Тоҷикистон муаррифӣ гардид
Фармони Президенти Ҷумҳурии Тоҷикистон «Дар бораи танзими музди меҳнат ва пардохти иловапулӣ ба музди меҳнати кормандони соҳаи технологияҳои иттилоотию коммуникатсионӣ» ба имзо расид
Муқовимат ба коррупсия омили муҳими рушди устувори Тоҷикистон аст
