Нақши ВАО дар ҳифзи дастовардҳои замони Истиқлоли давлатӣ муҳим мебошад
ДУШАНБЕ, 10.03.2025. /АМИТ «Ховар»/. Имрӯз бахшида ба Рӯзи матбуоти тоҷик дар Донишгоҳи давлатии молия ва иқтисоди Тоҷикистон мизи мудаввар таҳти унвони «Нақши воситаҳои ахбори омма дар ташаккули ҷаҳонбинии илмӣ» доир гардид. Дар ин хусус ба АМИТ «Ховар» аз шуъбаи иттилоот ва нашрияи Донишгоҳи давлатии молия ва иқтисоди Тоҷикистон хабар доданд.
Иброз карда шуд, ки матбуот яке аз воситаҳои асосии таъсиррасон ба афкори умум буда, нақши он дар раванди ҷомеасозӣ ва ташаккули симои мусбат бисёр муассир мебошад. Пас аз ба даст овардани истиқлолият бо дастгирии Сарвари давлат муҳтарам Эмомалӣ Раҳмон матбуоти тоҷик ҳаматарафа рушд ёфт ва мазмуну муҳтавои нав касб намуд.
Дар идома иштирокдорон дар мавзуъҳои «Матбуот ва истиқлоли давлатӣ», «Рушди матбуоти тоҷик дар замони Истиқлолият», «Унсурҳои муосири журналистика ва таъсири он ба матбуоти чопӣ» ва оид ба таърихи матбуоти тоҷик маърӯза намуда, нақши воситаҳои ахбори оммаро дар ҳифзи дастовардҳои замони Истиқлоли давлатӣ муҳим арзёбӣ намуданд.
Дар мизи мудаввар таъкид гардид, ки матбуоти тоҷик дар роҳи пешрафт ва ташаккули афкори ҷомеа ҳамчун тарғибгару ташвиқкунандаи арзишҳои милливу умумибашарӣ содиқ буд ва ҳаст.
АКС: Донишгоҳи давлатии молия ва иқтисоди Тоҷикистон
20 июл дар Вазорати рушди иқтисод ва савдо, Бонки миллӣ ва Агентии омор нишасти матбуотӣ баргузор мегардад
Имрӯз дар водиҳои Тоҷикистон ҳаво то 43 дараҷа гарм мешавад
ДАР МАСИРИ ИЛМУ МАЪРИФАТ. Эҳдо ба рӯзи таъсисёбии Коллеҷи омори шаҳри Ваҳдат
Имрӯз дар доманакӯҳҳои Тоҷикистон ҳаво то 37 дараҷа гарм мешавад
НИШАСТИ МАТБУОТӢ. Дар корхонаҳои саноатии ноҳияи Шоҳмансур ба маблағи беш аз 600 миллион сомонӣ маҳсулот истеҳсол шудааст
Имрӯз дар шаҳри Душанбе ҳаво то 40 дараҷа гарм мешавад
