Оид ба системаи мониторинги обии радиоактивӣ ва металлҳои вазнин дар Осиёи Марказӣ вохӯрии машваратӣ доир шуд
ДУШАНБЕ, 07.03.2025. /АМИТ «Ховар»/. Аз 3 то 5 март дар шаҳри Алматои Ҷумҳурии Қазоқистон вохӯрии машваратии Маркази байналмилалии илмӣ-техникӣ (МБИТ) оид ба татбиқи лоиҳаи минтақавӣ зери унвони «Системаи мониторинги обии радиоактивӣ ва металлҳои вазнин дар Осиёи Марказӣ» баргузор гардид. Дар вохӯрӣ масъулини мониторинги радиатсионии Тоҷикистон, Қазоқистон, Қирғизистон, Узбекистон ва коршиносони Маркази байналмилалии илмӣ-техникӣ иштирок намуда, ҷузъиёти татбиқи лоиҳаро барои ин давлатҳо муҳокима намуданд.
Дар ин хусус ба АМИТ «Ховар» аз Агентии амнияти химиявӣ, биологӣ, радиатсионӣ ва ядроии Академияи миллии илмҳои Тоҷикистон хабар доданд.
Агентии амнияти химиявӣ, биологӣ, радиатсионӣ ва ядроии Академияи миллии илмҳои Тоҷикистон бенефисиари ин лоиҳа буда, дар ҷаласаи он муовини директори Агентӣ Бахтиёр Баротов иштирок намуд.
Дар раванди муҳокима иброз гардид, ки таҳияи системаи мониторинги доимии радиоактивӣ дар объектҳои обӣ, ки дар наздикии партовгоҳҳои урандор қарор доранд, зарур мебошад. Лоиҳа имконият медиҳад, ки вазъи радиатсионӣ дар минтақаҳои муайянгардида доимо таҳти назорат қарор гирад ва ба ҳолатҳои фавқулода вокуниш карда шавад.
АКС: Агентии амнияти химиявӣ, биологӣ, радиатсионӣ ва ядроии Академияи миллии илмҳои Тоҷикистон
28 июл дар Кумитаи давлатии сармоягузорӣ ва идораи амволи давлатӣ ва Донишгоҳи технологӣ нишасти матбуотӣ баргузор мегардад
Имрӯз дар Тоҷикистон ҳаво то 40 дараҷа гарм мешавад
ХОРУҒ — БОҒШАҲРЕ ДАР ЛАБИ ДАРЁ. Тавсифи ин шаҳр аз нигоҳи Константин Симонов
«МЕРОСИ МО». Муассисаи фарҳангии ЭКО нахустин ҷашнвораи байналмилалии аксбардории мобилӣ баргузор менамояд
Имрӯз дар водиҳои Тоҷикистон ҳаво то 38 дараҷа гарм мешавад
Имрӯз дар шаҳри Душанбе ҳаво то 39 дараҷа гарм мешавад
Донишгоҳи давлатии Бохтар ҳамкории байналмилалиро бо муассисаҳои хориҷӣ густариш медиҳад
Шаҳрвандон ва соҳибкорон тавассути ПОС – терминалҳо ва ҳамёнҳои электронӣ 3,7 миллион амалиёти ғайринақдӣ анҷом доданд
Имрӯз дар баъзе ноҳияҳои Тоҷикистон чангу ғубор боқӣ мемонад
