Ширкатҳои чинӣ барои бунёди неругоҳҳои офтобӣ дар шаҳри Панҷакент ва ноҳияи Ҷайҳун рӯнамо пешниҳод намуданд
ДУШАНБЕ, 14.03.2025 /АМИТ «Ховар»/. Масъалаи густариши истифодаи манбаъҳои энергияи барқароршаванда дар Тоҷикистон дар ҷаласаи Гурӯҳи корӣ оид ба бунёди неругоҳҳои барқи офтобӣ, ки бо иштироки муовини Сарвазири ҷумҳурӣ Усмоналӣ Усмонзода, Вазири энергетика ва захираҳои об Далер Ҷумъа ва намояндагони вазорату идораҳо ва сармоягузорон баргузор гардид, баррасӣ шуд.
АМИТ «Ховар» бо истинод ба Вазорати энергетика ва захираҳои оби Ҷумҳурии Тоҷикистон иттилоъ медиҳад, ки дар ҷаласа таҳия ва татбиқи лоиҳаҳои неругоҳҳои барқи офтобӣ ва ҷалби сармояи хориҷӣ махсусан таъкид гардид.
Дар ҷаласа намояндагони ширкатҳои чинии «Wuhan Building Material Industry Design & Reserch Institute Co Ltd.» ва «Eging PV Technology Group» рӯнамоҳояшонро барои бунёди неругоҳҳои офтобӣ дар шаҳри Панҷакенти вилояти Суғд ва ноҳияи Ҷайҳуни вилояти Хатлон пешниҳод намуданд.
Рӯнамоҳои пешниҳодшуда аз ҷониби Гурӯҳи корӣ мавриди таҳлил қарор гирифта, барои баррасии минбаъда пешниҳодҳои мушаххас манзур гардиданд.
АКС: Вазорати энергетика ва захираҳои оби Ҷумҳурии Тоҷикистон
Истифодаи таҷрибаи байналмилалӣ дар самти рушди ҳудудҳои табиии махсус муҳофизатшаванда баррасӣ шуд
Дар ноҳияи Дӯстӣ ҷамъоварии шолӣ оғоз гардид
ОМОДАГӢ БА ЗИМИСТОН. Муассисаҳои тандурустии вилояти Суғд ба мавсими сармо омода мебошанд
Дар доираи TAJ-TECH 2026 дар Душанбе Форуми стартапҳои давлатҳои аъзои СҲШ доир шуд
Боғпарварони ноҳияи Лахш имсол ҳосили фаровони мева мерӯёнанд
Энергетикҳои тоҷик дар Латвия оид ба рақамикунонии соҳаи энергетика табодули таҷриба намуданд
«Шоҳин Эйрлайнз» нахустин ҳавопаймои худ — L-410 NG-ро муаррифӣ намуд
Ҳаҷми гардиши савдои хориҷии Тоҷикистону Русия дар ҳашт моҳ ба 1 миллиарду 676,5 миллион доллар расид
Тоҷикистон ва Қатар ҳамкорӣ дар самти сармоягузориро тақвият медиҳанд
Ҷаласаи навбатии Комиссияи байниҳукуматии Ҷумҳурии Тоҷикистон ва Федератсияи Русия баргузор гардид
Густариши ҳамкории Тоҷикистон ва Узбекистон дар соҳаи инноватсия ва технологияҳои рақамӣ баррасӣ шуд
Ҳамоишҳои байналмилалӣ дар соҳаи алоқа ҷамъбаст гардиданд
