Вазорати нақлиёти Тоҷикистон дар ҳошияи Форуми ЭСКАТО дар Бангкок мулоқоти коршиносон доир намуд
ДУШАНБЕ, 29.03.2025 /АМИТ «Ховар»/. Вазорати нақлиёти Ҷумҳурии Тоҷикистон оид ба таҳияи лоиҳаи «Стратегияи рақамикунонии долонҳои нақлиётии мултимодалии давлатҳои иштирокчии ИДМ» мулоқоти коршиносон доир намуд. Ин мулоқот дар ҳошияи Форуми операторони «бандарҳои хушк», хизматрасониҳои логистикӣ ва мултимодалии нақлиётӣ, ки аз ҷониби ЭСКАТО /Комиссияи иқтисодӣ ва иҷтимоии Созмони Милали Муттаҳид /СММ/ оид ба Осиё ва Уқёнуси ором дар шаҳри Бангкок -Шоҳигарии Тайиланд гузашт, баргузор шуд. Дар ин хусус АМИТ «Ховар» бо истинод ба Вазорати нақлиёти ҷумҳурӣ иттилоъ медиҳад.
Дар доираи Консепсияи раёсати Ҷумҳурии Тоҷикистон дар Иттиҳоди Давлатҳои Мустақил соли 2025 ҷониби Тоҷикистон лоиҳаи «Стратегияи рақамикунонии долонҳои нақлиётии мултимодалии давлатҳои иштирокчии ИДМ» — ро таҳия менамояд.
Ба ин раванд коршиносони ЭСКАТО –и Созмони Милали Муттаҳид, инчунин мутахассисони идораҳои марбутаи давлатҳои Иттиҳоди Давлатҳои Мустақил ва Кумитаи иҷроияи Иттиҳоди Давлатҳои Мустақил ҷалб гардидаанд.
Аз Кумитаи иҷроияи Иттиҳоди Давлатҳои Мустақил дар мулоқот директори департаменти ҳамкории иқтисодӣ Михаил Мискин иштирок намуд. Дар муҳокимаи масъалаи таҳияи лоиҳаи ҳуҷҷат намояндагони давлатҳо оид ба ташаккули бахшҳои алоҳидаи он пешниҳодҳои мушаххас манзур намуданд.
Ба иштирокдорони форум иттилоъ дода шуд, ки баъди ба итмом расидани таҳияи лоиҳаи стратегия он ба кумитаи Иҷроияи Иттиҳоди Давлатҳои Мустақил барои баррасии мақомоти олии Иттиҳоди Давлатҳои Мустақил супорида мешавад.
АКС: Вазорати нақлиёти Ҷумҳурии Тоҷикистон
Дар Тоҷикистон маҷмуи маҳсулоти дохилии мамлакат қариб 100 баробар афзоиш ёфт
Дар Тоҷикистон беш аз 66 технологияи инноватсионии парвариши зироати кишоварзӣ тарҳрезӣ ва татбиқ гардид
Ҳавопаймои дуюми Boeing 737-8 MAX-и «Сомон Эйр» ба Тоҷикистон ворид карда шуд
Дар давраи соҳибистиқлолии Тоҷикистон музди миёнаи меҳнат 178 баробар зиёд гардид
ЗЕҲНИ СУНЪӢ ВА ТАҲДИДҲОИ НАВИ КИБЕРӢ. Ин низом аз таҳдидҳо чӣ гуна муҳофизат карда мешавад?
Кишоварзони шаҳри Турсунзода дар 5539 гектар шолӣ кишт намуданд
ЗЕҲНИ СУНЪӢ: ТАЪРИХ, ИМКОНИЯТ ВА МАСЪУЛИЯТ. Андешаҳо оид ба ин мавзуъ
Таъсиси Маркази миллии маълумоти зондкунии фосилавии Замин дар шаҳри Душанбе баррасӣ шуд
Тавсеаи ҳамкории Тоҷикистон бо ЮНИСЕФ дар соҳаи ҳифзи муҳити зист баррасӣ гардид
Дар Душанбе Форуми байналмилалии нассоҷии Тоҷикистон – 2026 доир мегардад
РАШТ ДАР ДАВРОНИ СОҲИБИСТИҚЛОЛӢ. Мулоҳизаҳо оид ба нақши сиёсати давлатӣ дар рушди иқтисодию иҷтимоии ин ноҳия
Дар Тоҷикистон шумораи субъектҳои хоҷагидори амалкунанда беш аз 100 ҳазор зиёд гардидааст
