Ҳайати Тоҷикистон бо имконоти соҳаҳои гуногуни Узбекистон шинос гардид
ДУШАНБЕ, 10.04.2025. /АМИТ «Ховар»/. Соҳибкорон, кишоварзон ва саноатчиёни шаҳри Панҷакенти Ҷумҳурии Тоҷикистон ба ноҳияҳои Тайлоқ, Ургут ва Ҷонбойи вилояти Самарқанди Ҷумҳурии Узбекистон рафта, бо таҷрибаи онҳо дар соҳаҳои гуногун, аз ҷумла кишоварзӣ ва саноат шинос шуданд. Дар ин хусус ба АМИТ «Ховар» аз Мақомоти иҷроияи ҳокимияти давлатии шаҳри Панҷакент иттилоъ доданд.
Ҳайати шаҳри Панҷакент бо таҷрибаи парвариши тамашк, истифодаи замин, бунёди гармхонаҳо, коргоҳҳои истеҳсоли шароб, маҳсулоти ширӣ ва гӯштӣ, боғҳои интенсивии себ, гелос ва шафтолу шинос гардид. Инчунин бо боғҳое, ки ба онҳо ба тариқи қатрагӣ обу ғизо дода мешавад, шинос шуданд.
Дар ин сафар аъзои ҳайат ба минтақаи озоди иқтисодии Ургут, ки соли 2017 дар 1842 гектар таъсис ёфтааст, рафт. Ҳоло дар даҳҳо коргоҳҳои истеҳсолии он беш аз 5000 нафар ба шуғл фаро гирифта шудаанд.
Дар ҷараёни сафар имконоти таҳкими ҳамкорӣ бо соҳибкорону кишоварзони шаҳри Панҷакент, омӯхтани таҷрибаи пешқадами тарафайн, ташкили корхонаҳои муштарак ва дигар ҷанбаҳои робитаҳои иқтисодӣ баррасӣ шуданд.
АКС: Мақомоти иҷроияи ҳокимияти давлатии шаҳри Панҷакент
Тоҷикистону Чин ҳамкориро дар бахши низоми бонкӣ густариш медиҳанд
Дар Тоҷикистон зиёда аз 32 ҳазор тонна картошка ҷамъоварӣ шудааст
Ҳамкории Тоҷикистон ва Чин дар соҳаи обуҳавошиносӣ дар доираи «MAZU» тақвият меёбад
Форум ва намоишгоҳи байналмилалии сайёҳии «Хатлон — сарзамини тамаддунҳо ва саёҳат» оғоз гардид
Қоҳир Расулзода бо вазири федералии энергетикии Покистон Авайс Аҳмад Хан Леғарӣ мулоқот намуд
Ҷаласаи Гурӯҳи кории намояндагони мақомоти гумруки Тоҷикистон ва Узбекистон баргузор гардид
Дар Душанбе рафти татбиқи лоиҳаҳои муштарак бо Бонки Олмонии рушд баррасӣ гардид
Аҳамияти муҳими «CASA -1000» дар ҷаласаи 8-уми Комиссияи муштараки ҳамкории иқтисодии Тоҷикистон ва Покистон баррасӣ шуд
«Амонатбонк» ҳамкориро бо Бонки кишоварзии Чин тақвият медиҳад
Ҳаракати қатораи мустақими мусофирбар дар масири Душанбе — Москва барқарор карда шуд
Шурои Гурӯҳи Бонки ҷаҳонӣ Барномаи шарикии кишварӣ барои Тоҷикистонро қабул намуд
Барои ҳаракати нақлиёти боркаши гаронвазн дар роҳҳои мошингард маҳдудият ҷорӣ гардид
