Ҳайати Тоҷикистон дар намоишгоҳи «Iran Expo 2025» иштирок намуд
ДУШАНБЕ, 29.04.2025 /АМИТ «Ховар»/. Ҳайати Ҷумҳурии Тоҷикистон таҳти раёсати Вазири саноат ва технологияҳои нави Ҷумҳурии Тоҷикистон Шералӣ Кабир дар Намоишгоҳи ҳафтуми зарфияти содиротии Ҷумҳурии Исломии Эрон – «Iran Expo 2025» иштирок намуд, иттилоъ медиҳад АМИТ «Ховар» бо истинод ба Вазорати саноат ва технологияҳои нави Ҷумҳурии Тоҷикистон.
Зимни ифтитоҳи Намоишгоҳи ҳафтуми зарфияти содиротии Ҷумҳурии Исломии Эрон – «Iran Expo 2025» Президенти Ҷумҳурии Исломии Эрон муҳтарам Масъуди Пизишкиён сухан намуда, Эронро пойгоҳи муносиб барои сармоягузорӣ ва тиҷорат арзёбӣ намуд. Масъуди Пизишкиён гуфт, ки «мо аз ҳузури сармоягузорони хориҷӣ ва тоҷирони байналмилалӣ барои фаъолияти иқтисодӣ ва сармоягузорӣ дар кишвари худ истиқбол менамоем».
Намоишгоҳи ҳафтуми зарфияти содиротии Ҷумҳурии Исломии Эрон – «Iran Expo 2025» ба унвони бузургтарин ва муҳимтарин рӯйдоди содиротӣ барои иртибот бо бозорҳои байналмилалӣ бо иштироки намояндагони ширкатҳои беш аз сад давлати ҷаҳон то 2 май меёбад.
АКС: Вазорати саноат ва технологияҳои нави Ҷумҳурии Тоҷикистон
Дар Тоҷикистон сохтмони хонаҳои истиқоматӣ вусъат ёфтааст
Имрӯз дар шаҳри Душанбе ҳаво то 28 дараҷа гарм мешавад
Муассисаҳои буҷетии ноҳияи Тоҷикобод бо ангишти кони Камароб пурра таъмин карда шуданд
Сафири Тоҷикистон дар Амрико дар Форуми сатҳи баланд иштирок намуд
ОМОДАГӢ БА ЗИМИСТОН. Иншооти соҳаҳои маориф ва тандурустии шаҳри Роғун бо ангишт, ҳезум ва сӯзишворӣ таъмин мебошанд
Дар Данғара даври ноҳиявии Озмуни ҷумҳуриявии «Беҳтарин хизматчии давлатӣ аз ҳисоби занон» доир гардид
Дар шаҳри Гулистон иншооти нави иҷтимоӣ ба истифода дода шуд
