Ба сокинони шаҳри Ҳисор беш аз 450 ҷойи кори холӣ пешниҳод гардид
ҲИСОР, 23.04.2025 /АМИТ «Ховар»/. Бо ибтикори Мақомоти иҷроияи ҳокимияти давлатии шаҳри Ҳисор ва Раёсати Агентии меҳнат ва шуғли аҳолӣ дар шаҳри Ҳисор намоишгоҳи ҷойи кори холӣ ва вазифаҳои озод баргузор гардид, ки дар он даҳҳо нафар иштирок ва кори муносиб интихоб намуданд. Ҳамзамон якчанд нафар барои касбомӯзӣ ба даврҳои кӯтоҳмуддати касбомӯзӣ равона гардиданд. Дар ин хусус ба хабарнигори минтақавии АМИТ «Ховар» Субҳониддини Маҳмуд аз Мақомоти иҷроияи ҳокимияти давлатии шаҳри Ҳисор иттилоъ доданд.
Дар намоишгоҳ намояндагони ташкилоту муассиса ва корхонаҳо иштирок намуда, ба корҷӯён зиёда аз 450 ҷойи кори холӣ пешниҳод намуданд. Инчунин барои корҷӯён аз ҷониби ширкатҳои сохтмонии Ҷамъияти саҳомии кушодаи Неругоҳи барқи обии «Роғун» даҳҳо ҷойи кор пешниҳод гардид. Хоҳишмандон метавонанд мувофиқи ихтисос ва малакаю маҳорат ба ин иншооти муҳими стратегӣ ба кор ҷалб карда шаванд.
Тибқи иттилои масъулин, макони баргузории намоишгоҳ назди мардикорбозори шаҳри Ҳисор интихоб шуда, ба ин восита дар он корҷӯёни зиёд иштирок намуданд.
Ҳамчунин дар намоишгоҳ намояндагони Маркази назорати давлатии санитарию эпидемиологӣ, ҷамоати шаҳраки Ҳисор, Қитъаи беҳдошти замин ва обёрӣ, намояндагони шуъбаи Вазорати корҳои дохилӣ дар шаҳри Ҳисор, кумитаи маҳаллаи Гагарин иштирок карда, оид ба тоза нигоҳ доштани ҳолати санитарию гигиении мавзеъ, риояи тартибу низоми шаҳрдорӣ ва муошират бо мардум, бахусус бо мардикорон суҳбат намуданд.
АКС: Мақомоти иҷроияи ҳокимияти давлатии шаҳри Ҳисор
Дар Москва конгресси 5-уми миллӣ дар соҳаи тиб доир гардид
Дар Ҳисор бахшида ба 32-солагии қабули Конститутсияи Ҷумҳурии Тоҷикистон конференсия доир шуд
Оид ба Конститутсия ва ҷойгоҳи он дар танзими муносибатҳои идоракунии давлатӣ ҳамоиши ҷумҳуриявӣ доир шуд
«КОНСТИТУТСИЯ-КАФИЛИ АДОЛАТИ СУДӢ». Дар Суди Олии иқтисодии Тоҷикистон ҳамоиш доир гардид
Муассисаи «Шабакаи гармидиҳии шаҳри Душанбе»: «Муштариён метавонанд барои ҳалли мушкилот ба рақами кӯтоҳи 14-44 занг зананд»
Доир ба саҳми академик Муҳаммадҷони Шакурӣ дар рушди илму адаб конференсияи илмӣ баргузор шуд
«КОНСТИТУТСИЯ–ПОЙДОРИИ ДАВЛАТИ ҲУҚУҚБУНЁД». Таҳти чунин унвон конференсияи ҷумҳуриявӣ доир гардид
Роҳҳои баланд бардоштани ҳосилнокии зироатро дар шаҳри Кӯлоб баррасӣ намуданд
Дар мавзуи «Конститутсия ва таъмини ҳуқуқ ба озодии эътиқод» конференсияи ҷумҳуриявӣ доир шуд
Дар ҷаласаи Шурои ҷамъиятии Ҷумҳурии Тоҷикистон механизмҳои нави ҳимояи ҳуқуқи муҳоҷирони меҳнатӣ баррасӣ гардид
Бахшида ба Рӯзи Конститутсия дар Кумитаи иҷроияи ҲХДТ дар вилояти Суғд ҳамоиш доир шуд
Дар ноҳияи Данғара нақшаи ҷамъоварии пахта 100 фоиз иҷро гардид
