Дар Донишгоҳи давлатии молия ва иқтисоди Тоҷикистон Ҳафтаи илм оғоз гардид
ДУШАНБЕ, 21.04.2025 /АМИТ «Ховар»/. Имрӯз дар Донишгоҳи давлатии молия ва иқтисоди Тоҷикистон Ҳафтаи илм бо баргузории конференсияи илмию назариявии ҳайати устодону кормандон, магистрантону докторантон ва донишҷӯён оғоз шуд.
Тавре ба АМИТ «Ховар» аз шуъбаи иттилоот ва нашрияи донишгоҳ хабар доданд, конференсия ба Солҳои рушди иқтисоди рақамӣ ва инноватсия (2025-2030), Соли байналмилалии ҳифзи пиряхҳо (2025) ва 34-солагии Истиқлолияти давлатии Ҷумҳурии Тоҷикистон бахшида шуд.
Ректори Донишгоҳи давлатии молия ва иқтисоди Тоҷикистон Ҳакимбек Абдуалимзода оид ба самти самаранокии илмӣ ва дастовардҳои илмию эҷодии устодону кормандон ва донишҷӯёни донишгоҳ ибрози андеша намуд. Таъкид шуд, ки таъмини рушди бонизоми зеҳни сунъӣ, рақамикунонии иқтисодиёти миллӣ ва технологияҳои инноватсионӣ яке аз самтҳои афзалиятноки сиёсати пешгирифтаи давлат буда, дар муддати кӯтоҳ бо ташаббус ва дастгирии Президенти Ҷумҳурии Тоҷикистон муҳтарам Эмомалӣ Раҳмон заминаҳои инфрасохтори иқтисоди рақамӣ ва асосҳои ҳуқуқии соҳа ташкилу тақвият ёфтанд.
Имрӯз Тоҷикистон дар ҷодаи гузариш ба рақамикунонии соҳаҳои иқтисоди миллӣ барои таъмин намудани шаффофияти муносибатҳои иқтисодию молиявӣ қадамҳои устувор гузошта, татбиқи саривақтии ин ташаббус имкон медиҳад, ки дар солҳои наздик ин раванд вусъат ёфта, заминаҳои ҳуқуқӣ такмил ёбанд.
Дар конференсия дар мавзуъҳои «Ҷанбаҳои методологии арзёбии иқтисоди рақамӣ», «Рақамикунонии хизматрасониҳои молиявӣ ва фарогирии молиявии аҳолӣ — асосӣ рушди низоми бонкии Тоҷикистон» ва «Фаъолити мақомоти гумрук дар шароити иқтисоди рақамӣ» маърузаҳо пешниҳод гардид.
Кори конференсия дар дигар бахшҳо то 26 апрел идома меёбад.
АКС: Донишгоҳи давлатии молия ва иқтисоди Тоҷикистон
Байни Академияи идоракунии давлатии Тоҷикистон ва Донишгоҳи технологии Ланҷоу Ёддошти тафоҳум ба имзо расид
157 довталаб аз шаҳри Душанбе ба даври ниҳоии Озмуни ҷумҳуриявии «Илм – фурӯғи маърифат» роҳхат гирифтанд
ТАШАББУСИ ТОҶИКИСТОН ДАР РУШДИ ЗЕҲНИ СУНЪИИ БЕХАТАР ДАР АРСАИ ҶАҲОНӢ. Мулоҳизаҳо дар ин маврид
Доир ба масоили муҳими соҳаи нақлиёт ва инфрасохтори роҳҳо конференсияи байналмилалӣ баргузор шуд
ФАРДОИ ТОҶИКИСТОН ИМРӮЗ ДАР МАКТАБ АСТ. Андешаҳо дар ҳошияи суханронии Президенти Ҷумҳурии Тоҷикистон дар Рӯзи дониш
Зиёда аз 40 ҳазор нафар ҷавонони Тоҷикистон дар муассисаҳои таҳсилоти олии қариб 50 кишвари ҷаҳон илму дониш ва касбҳои муосир меомӯзанд
Масоили омода намудани мутахассисон дар дохил ва хориҷи Тоҷикистон баррасӣ шуд
350 нафар донишҷӯёни тоҷик дар Ҷумҳурии Корея таҳсил менамоянд
Ёддошти тафоҳум байни Вазорати маориф ва илми Ҷумҳурии Тоҷикистон ва Вазорати маорифи Ҷумҳурии Корея ба имзо расид
Байни Тоҷикистон ва Корея Ёддошти тафоҳуми ҳамкорӣ оид ба барқарорсозии рақамии ҷангалҳо ва амалиёти иқлимӣ ба имзо расид
Барои рушди соҳаи маорифи ноҳияҳои водии Рашт дар 20 соли охир беш аз 2,1 миллиард сомонӣ равона шудааст
Бо иштироки 602 нафар довталаб даври шаҳрии Озмуни ҷумҳуриявии «Илм-фурӯғи маърифат» оғоз гардид
