Дар Душанбе масъалаҳои ҳамгироии рақамиро дар сатҳи байналмилалӣ баррасӣ намуданд
ДУШАНБЕ, 08.04.2025 /АМИТ «Ховар»/. МегаФон Тоҷикистон дар ҷаласаи Комиссияи Иттиҳоди минтақавӣ дар соҳаи алоқа иштирок намуд. Ҷаласаи байналмилалӣ имкон дод, ки дурнамои рақамисозии иқтисоди Тоҷикистон ва тамоюлҳои рушди соҳаи телекоммуникатсионӣ баррасӣ шаванд.
Иттиҳоди минтақавӣ дар соҳаи алоқа он давлатҳои Авруосиёро муттаҳид менамояд, ки дар рушди ҳамкории минтақавӣ дар соҳаи алоқа манфиатдор ҳастанд. Ҷаласаҳои Комиссияи Иттиҳоди минтақавӣ дар соҳаи алоқа дар ҳудуди мамлакатҳои иштирокчӣ ду маротиба дар як сол гузаронида мешаванд. Соли 2025 он дар шаҳри Душанбе баргузор шуд. Дар пойтахти Тоҷикистон иштирокчиён аз 19 мамлакат ва намояндагони Иттиҳоди байналмилалии алоқаи барқӣ (ITU) ҷамъ омаданд. Дар доираи чорабинӣ мавзуи батанзимдарории доираи радиобасомадҳо ва мадори радифӣ, форуми «Тағйирёбии рақамӣ: дурнамо ва имконият» ва технологияҳои иттилоотӣ-коммуникатсионӣ мавриди баррасӣ қарор гирифтанд.
«Дар Тоҷикистон Солҳои рушди иқтисоди рақамӣ ва инноватсияҳо оғоз ёфтаанд, бинобар ин иштирок дар чунин сатҳ чорабиниҳои соҳавӣ ниҳоят муҳим аст. Ба воситаи онҳо мо имкон пайдо менамоем, ки сатҳи худро бо ҳамкорон аз мамлакатҳои дигар муқоиса намуда, доир ба дастоварҳои худ маълумот расонем. Дар соҳаи телеком муваффақияти дилхоҳ давлат, аз ҷумла аз ҳамгироии он ба иқтисоди ҷаҳонӣ ва аз паҳншавии озоди технологияҳои пешрафта вобастагӣ дорад. Иттиҳоди минтақавӣ дар соҳаи алоқа ба таври самаранок вазифаҳои ҳамкориро ба манфиати ҳамаи давлатҳои иштирокчӣ ба иҷро мерасонад», — иброз намуд директори генералии ширкати «МегаФон Тоҷикистон» Анатолий Изюмников.
МегаФон Тоҷикистон ҳамчун яке аз иштирокчиёни пешсафи рақамикунонӣ дар ҷумҳурӣ мунтазам дар чорабиниҳои Иттиҳоди минтақавӣ дар соҳаи алоқа иштирок менамояд. Саҳми оператор дар рушди соҳаи телекоммуникатсияи минтақаи Осиёи Марказӣ чандин маротиба дар сатҳи байналмилалӣ иброз гардида буд. Ҳамин тавр, дар соли 2022 Анатолий Изюмников бо медали ИМА ва дар соли 2023 бо диплом барои фаъолияти самараноки бисёрсола дар Иттиҳод қадрдонӣ гардида буд.
АКС: ширкати МегаФон Тоҷикистон
Доир ба аҳамияти ташаббусҳои Пешвои миллат дар эҳёи адолати таърихӣ ва таҳкими давлатдории миллӣ ҳамоиш баргузор шуд
Кишоварзони ноҳияи Абдураҳмони Ҷомӣ дар 8100 гектар пунбадона кишт намуданд
Имрӯз дар шаҳру ноҳияҳои Тоҷикистон ҳавои камабри бебориш пешгӯӣ мешавад
Рӯзҳои фарҳанги Федератсияи Русия дар Ҷумҳурии Тоҷикистон ба анҷом расиданд
Имрӯз дар шаҳру ноҳияҳои Тоҷикистон ҳавои камабри бебориш пешгӯӣ мешавад
Дар ноҳияи Шаҳринав толори хурди варзишии футбол ба истифода дода шуд
Имрӯз дар баъзе минтақаҳои Тоҷикистон борони кӯтоҳмуддат меборад
ИСТИФОДАИ САМАРАНОКИ ЗАМИН. Сокини Ҷамоати деҳоти Ҳилолии ноҳияи Хуросон аз гармхонааш то се ҳосил мегирад
Дар Рашт оид ба тарбияи ҷавонон ҳамчун воситаи муҳим дар муқовимат ба коррупсия машғулият доир гардид
Имрӯз дар баъзе минтақаҳои Тоҷикистон борони кӯтоҳмуддати хусусияти селӣ дошта пешгӯӣ мешавад
ТАҚВИМИ АМИТ «ХОВАР»: имрӯз 27 май, чоршанбе, 147-умин рӯзи соли 2026 аст
Имрӯз дар Тоҷикистон ҳавои тағйирёбандаи бебориш пешгӯӣ мешавад
